Flash News

ഐജി ശ്രീജിത്തിനെതിരെ ഞാന്‍ പ്രതികരിക്കുമ്പോഴൊക്കെ എന്റെ നഗ്ന വീഡിയോ പ്രചരിക്കുന്നെന്ന വാര്‍ത്ത വരുമെന്ന് ചുംബന സമര നായിക

September 19, 2018

rashmi nairഎപ്പോഴൊക്കെ ഐജി ശ്രീജിത്തിനെതിരെ സംസാരിച്ചിട്ടുണ്ടോ അപ്പോഴൊക്കെ തന്റെ നഗ്ന വീഡിയോ പ്രചരിക്കുന്നെന്ന വാര്‍ത്ത സോഷ്യല്‍ മീഡിയകളില്‍ പ്രചരിക്കുമെന്ന വിവാദ ആരോപണങ്ങളുമായി ചുംബന സമര നായിക രശ്മി നായര്‍ രംഗത്ത്. ഒരിക്കല്‍ ഐജിക്കെതിരെ ഒരു മാധ്യമത്തിന് നല്‍കിയ അഭിമുഖത്തിന് ശേഷം തന്റെ നഗ്ന വീഡിയോകള്‍ പ്രചരിക്കുന്നുവെന്ന തരത്തിലുള്ള വാര്‍ത്തകളുമായി മൂന്നാംകിട മാധ്യമങ്ങള്‍ രംഗത്ത് വരുന്നുവെന്നും രശ്മി നായര്‍ ആരോപിക്കുന്നു. തന്റെ ഫെയ്‌സ്ബുക്ക് കുറിപ്പിലൂടെയാണ് ഇക്കാര്യം പറഞ്ഞിരിക്കുന്നത്.

രശ്മിയുടെ പോസ്റ്റിന്റെ പൂര്‍ണരൂപം:

ഐജി ശ്രീജിത്തിനെതിരെ ഞാന്‍ ഏതെങ്കിലും രീതിയില്‍ സംസാരിച്ചിട്ടുള്ള സമയത്തെല്ലാം സംഭവിക്കുന്ന ഒരു പ്രത്യേക പ്രതിഭാസം ഉണ്ട്. ഒരിക്കല്‍ ഇയാളുടെ കപടതകള്‍ ദൂള്‍ ന്യൂസിന് നല്‍കിയ ഒരു അഭിമുഖത്തില്‍ സംസാരിച്ചതിന് പിറ്റേ ദിവസം മുതല്‍ ‘രശ്മീ നായരുടെ നഗ്‌ന വീഡിയോ പ്രചരിക്കുന്നു’ എന്നൊരു തലക്കെട്ടോടെ ഉള്ള മഞ്ഞവാര്‍ത്ത ഊരും പേരും ഇല്ലാത്ത ന്യൂസ് പോര്‍ട്ടല്‍ വെബ്‌സൈറ്റുകളില്‍ പ്രത്യക്ഷപ്പെട്ടു തുടങ്ങി. ഒരാഴ്ച അതങ്ങനെ തന്നെ തുടര്‍ന്നു. രണ്ടു ദിവസം മുന്‍പ് നമ്പി നാരായണനെ കുറിച്ച് ഇയാള്‍ പറഞ്ഞത് എഴുതിയിരുന്നു ഇന്നലെ മുതല്‍’ രശ്മീ നായര്‍ പരിപൂര്‍ണ്ണ നഗ്‌ന ചിത്രങ്ങള്‍ ഓണ്‍ലൈനില്‍ വില്‍ക്കാന്‍ വച്ചിരിക്കുന്നു’ എന്നൊരു തലക്കെട്ട് ഇതേ പോലെ ഊരും പേരും അഡ്രസ്സും ഇല്ലാത്ത ന്യൂസ് പോര്‍ട്ടല്‍ വെബ്‌സൈറ്റുകളില്‍ പ്രത്യക്ഷപ്പെട്ടു തുടങ്ങി.

ഇനിയും ഇത് അങ്ങ് മിണ്ടാതെ സഹിക്കാന്‍ ഞാന്‍ തയ്യാറല്ല. ശ്രീജിത്ത് തന്റെ ക്രിമിനല്‍ ബന്ധങ്ങള്‍ ഉപയോഗിച്ച് ഒരു സ്ത്രീ എന്ന രീതിയില്‍ എന്നെ അപമാനിക്കാന്‍ നടത്തുന്ന ഗൂഢാലോചനയുടെ ഭാഗമാണ് ഇതെന്ന് ഞാന്‍ തികച്ചും സംശയിക്കുന്നു. ഇത്തരം മനഃപൂര്‍വം അപമാനിക്കുവാനുള്ള ലക്ഷ്യത്തോടെയുള്ള കണ്ടന്റുകള്‍ പ്രചരിപ്പിക്കുന്ന വെബ്‌സൈറ്റ് നടത്തിപ്പുകാരും ക്രൈം ബ്രാഞ്ച് IG ശ്രീജിത്തും തമ്മിലുള്ള നിയമ വിരുദ്ധമായ ബന്ധങ്ങള്‍ കേസെടുത്തു അന്വേഷിക്കണം എന്നാവശ്യപ്പെട്ടു നാളെ മുഖ്യമന്ത്രിക്കും സൈബര്‍ ഡോം ചുമതലയുള്ള IG മനോജ് എബ്രഹാമിനും കൊല്ലം ജില്ലാ പൊലീസ് മേധാവിക്കും പരാതി നല്‍കും.

 


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top