Flash News

നവ കേരള നിര്‍മ്മാണ പദ്ധതി അമേരിക്കന്‍ മലയാളികളുമായി മുഖ്യമന്ത്രി പങ്കുവെച്ചു

September 21, 2018 , യു.എ.നസീര്‍

IMG_5402ന്യൂയോര്‍ക്ക്: നവ കേരള നിര്‍മ്മാണ പദ്ധതിയെക്കുറിച്ച് അമേരിക്കന്‍ മലയാളി നേതാക്കളുടെ കൂട്ടായ്മയില്‍ മുഖ്യമന്ത്രി സ. പിണറായി വിജയന്‍ ആശയങ്ങള്‍ പങ്കുവെച്ചു. ചികിത്സ കഴിഞ്ഞു തിരിച്ചു പോകുന്ന മുഖ്യമന്ത്രി ന്യൂയോര്‍ക്കിലെ സഫേണിലുള്ള ക്രൗണ്‍ പ്ലാസ ഹോട്ടലില്‍ വെച്ച് അമേരിക്കയിലെ വിവിധ സംഘടനാ നേതാക്കളുടെയും, മതമേലദ്ധ്യക്ഷന്മാരുടെയും, വ്യവസായ പ്രമുഖരുടെയും, പ്രസ് ക്ലബ് ഭാരവാഹികളുടെയും മുഖാമുഖം പരിപാടിയിലാണ് തന്റെ ആശയങ്ങള്‍ മുഖ്യമന്ത്രി പങ്കുവെച്ചത്.

പ്രളയ ദുരിതം സംഭവിച്ച നിര്‍ണ്ണായക നിമിഷത്തില്‍ കേരള ജനത എല്ലാം മറന്ന് ഒറ്റക്കെട്ടായി നിന്നതും, പരസ്പരം ജീവകാരുണ്യ പ്രവര്‍ത്തനങ്ങളില്‍ ഏര്‍പ്പെട്ടതിനെയും, പണവും വിഭവ സമാഹരണവുമായി മുന്നോട്ട് വന്ന അഭൂതപൂര്‍വ്വമായ അനുഭവത്തെക്കുറിച്ചും പൊതുവെ സൗമ്യനായ മുഖ്യമന്ത്രി വാചാലനായി. പറ്റെ തകര്‍ന്ന കേരളം പുനര്‍ സൃഷ്ടിക്കാന്‍ ധാരാളം പണം വേണം. അതിസമ്പന്നമായ അമേരിക്കയിലെ മെച്ചപ്പെട്ട ജീവിതം നയിക്കുന്ന മലയാളികളുടെ സഹായ സഹകരണമാണ് പ്രതീക്ഷ, മുഖ്യമന്ത്രി സൂചിപ്പിച്ചു.

നോര്‍ത്ത് അമേരിക്കന്‍ നെറ്റ്‌വര്‍ക്ക് ഓഫ് മുസ്ലിം അസ്സോസിയേഷനെ (NANMA) പ്രതിനിധീകരിച്ച് സംസാരിച്ചപ്പോള്‍, നന്മ നല്‍കിക്കൊണ്ടിരിക്കുന്ന സംഭാവനകള്‍ വിശദീകരിച്ച കൂട്ടത്തില്‍ സമാഹരിച്ച പണം രാഷ്ടീയ, ഉദ്യോഗസ്ഥ ലോബിയുടെ കരങ്ങളില്‍ കുടുങ്ങാതെ അര്‍ഹതപ്പെട്ടവര്‍ക്ക് എത്തിക്കുന്ന കാര്യത്തിലും, നവകേരള സൃഷ്ടിയുടെ കൂട്ടത്തില്‍ റോഡ്, റെയില്‍, ജല ഗതാഗത കാര്യത്തിലും, വേയ്സ്റ്റ് മാനേജ്‌മെന്റിലും മുഖ്യമന്ത്രി പ്രത്യേകം ശ്രദ്ധിക്കണമെന്നും അഭ്യര്‍ത്ഥിച്ചു. പ്രഗല്‍ഭരായ അമേരിക്കന്‍ നേതാക്കള്‍ കൂടാതെ നന്മ ഭാരവാഹികളായ സമദ് പൊന്നേരി, മെഹബൂബ് കിഴക്കേപ്പുര, അബ്ദു വടക്കേത്ത് തുടങ്ങിയവരും സംബന്ധിച്ചു.

IMG-20180921-WA0957IMG-20180921-WA0959


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top