Flash News

ഷറാനി റോയിക്ക് നാഷണല്‍ സയന്‍സ് ഫൗണ്ടേഷന്‍ കരിയര്‍ അവാര്‍ഡ്

September 29, 2018 , പി.പി. ചെറിയാന്‍

sharani imageടെന്നസി: യൂണിവേഴ്‌സിറ്റി ഓഫ് ടെന്നസി കെമിസ്ട്രി അസി. പ്രൊഫസര്‍ ഷറാനി റോയ് നാഷണല്‍ സയന്‍സ് ഫൗണ്ടേഷന്‍ കരിയര്‍ അവാര്‍ഡിന് അര്‍ഹയായി. യൂണിവേഴ്‌സിറ്റിയുടെ പത്രക്കുറിപ്പിലാണ് അവാര്‍ഡ് വിവരം വെളിപ്പെടുത്തിയത്. യുണിവേഴ്‌സിറ്റി ആര്‍ട്‌സ് ആന്റ് സയന്‍സ് പ്രൊഫസര്‍മാര്‍ക്ക് ലഭിക്കുന്ന ഒമ്പതാമത്തെ അവാര്‍ഡാണിത്.

കട്ടികൂടിയ പ്രതലവും, വിവിധതരത്തിലുള്ള വാതകങ്ങളും തമ്മിലുള്ള രാസപ്രവര്‍ത്തനത്തില്‍ നടത്തിയ ഗവേഷണത്തിനാണ് പ്രൊഫ. റോയിക്ക് അവാര്‍ഡ് ലഭിച്ചത്. ആജീവനാന്ത ഗവേഷണങ്ങള്‍ക്കും, വിദ്യാഭ്യാസ പ്രവര്‍ത്തനങ്ങള്‍ക്കും ഉത്തേജനം നല്‍കുക എന്ന ലക്ഷ്യത്തോടെയാണ് നാഷണല്‍ സയന്‍സ് ഫൗണ്ടേഷന്‍ ഈ അവാര്‍ഡ് സ്ഥാപിച്ചിരിക്കുന്നത്.

സര്‍ഫെയ്‌സ് കെമിസ്ട്രി, സയന്റിഫിക്ക് കമ്പ്യൂട്ടറിംഗ് തുടങ്ങിയ മേഖലകളില്‍ ഓക്ക്‌റിഡ്ജ് നാഷണല്‍ ലബോറട്ടറിയുമായി സഹകരിച്ചു വിവിധ സിംബോസിയങ്ങള്‍ സംഘടിപ്പിക്കുന്നതിനും പ്രൊഫ. റോയ് നേതൃത്വം നല്‍കിയിരുന്നു.

ഡല്‍ഹി യൂണിവേഴ്‌സിറ്റിയില്‍ നിന്നും ബിരുദവും, ഡല്‍ഹി ഇന്ത്യന്‍ ഇന്‍സ്റ്റിറ്റ്യൂട്ടില്‍ നിന്നും ബിരുദാനന്തര ബിരുദവും, യേല്‍ യൂണിവേഴ്‌സിറ്റിയില്‍ നിന്നും ഡോക്ടറേറ്റും നേടിയ ഇവര്‍ നോര്‍ത്ത് വെസ്‌റ്റേണ്‍ യൂണിവേഴ്‌സിറ്റിയില്‍ പോസ്റ്റ് ഡോക്ടറല്‍ ഗവേഷണവും നടത്തിയിരുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top