Flash News
മുഖ്യമന്ത്രിയും തെരഞ്ഞെടുപ്പു വിധിയും: അപ്പുക്കുട്ടന്‍ വള്ളിക്കുന്ന്   ****    പട്ടാള ഭരണത്തിനെതിരെ സമരം ചെയ്ത എഴുപതോളം വനിതകളെ സുഡാന്‍ സൈന്യം കൂട്ട ബലാത്സംഗം ചെയ്തെന്ന് റിപ്പോര്‍ട്ട്; ഐക്യരാഷ്ട്ര സംഘടന അന്വേഷണം പ്രഖ്യാപിച്ചു   ****    തിരുവനന്തപുരം വിമാനത്താവളം പൊതുമേഖലയില്‍ത്തന്നെ നിലനിര്‍ത്തണമെന്ന് മുഖ്യമന്ത്രി; സംസ്ഥാനത്തിന്റെ എതിര്‍പ്പ് പ്രധാനമന്ത്രിയെ ധരിപ്പിച്ചു   ****    ചിക്കാഗോ സമുദായ നേതാക്കള്‍ അറ്റ്‌ലാന്റയിലെ ഹോളി ഫാമിലി ക്നാനായ പള്ളിയുടെ ദശാബ്‌ദി ആഘോഷത്തിന് പിന്തുണയുമായി മുന്‍നിരയില്‍   ****    വനിതാ പോലീസ് ഉദ്യോഗസ്ഥയെ തീ കൊളുത്തി കൊന്നു; കൊലയാളി പിടിയിൽ   ****   

ശബരിമലയിലെ സ്ത്രീ പ്രവേശനം; സര്‍ക്കാരിന്റെ നിലപാട് നിരാശാജനകമെന്ന് എന്‍‌എസ്‌എസ്; റിവ്യൂ ഹര്‍ജി നല്‍കുന്ന കാര്യം പരിഗണനയില്‍

October 4, 2018

NSSകോട്ടയം: ശബരിമലയില്‍ പ്രായഭേദമെന്യേ സ്ത്രീ പ്രവേശനം അനുവദിച്ച സുപ്രിം കോടതി വിധിക്കെതിരെ റിവ്യൂ ഹര്‍ജി നല്‍കാന്‍ എന്‍എസ്എസ് തീരുമാനം. വിധി നടപ്പാക്കാന്‍ സംസ്ഥാന സര്‍ക്കാര്‍ മറ്റൊന്നിലുമില്ലാത്ത തിടുക്കം കാട്ടുകയാണന്ന് എന്‍എസ്എസ് കുറ്റപ്പെടുത്തി.

സ്ത്രീ പ്രവേശത്തില്‍ സര്‍ക്കാരിന്റെയും ദേവസ്വം ബോര്‍ഡിന്റെയും നിലപാട് നിരാശാജനകമാണ്. ക്ഷേത്രാചാരങ്ങളെയും അനുഷ്ഠാനങ്ങളെയും സംരക്ഷിക്കാന്‍ ദേവസ്വം ബോര്‍ഡിനു ബാധ്യതയുണ്ട്. വിശ്വാസം സംരക്ഷിക്കുന്നതിനു വേണ്ടതു ചെയ്യാന്‍ വിശ്വാസികള്‍ നിര്‍ബന്ധിതരായിരിക്കുകയാണെന്ന് എന്‍എസ്എസ് പറഞ്ഞു. ശബരിമല സ്ത്രീ പ്രവേശന കേസില്‍ എന്‍എസ്എസ് കക്ഷിചേര്‍ന്നിരുന്നു.

ശബരിമലയില്‍ പ്രായഭേദമന്യേ സ്ത്രീകള്‍ക്കു പ്രവേശനം നല്‍കുന്ന വിഷയത്തില്‍ വിശ്വാസികള്‍ക്കൊപ്പം നിലകൊള്ളുമെന്ന് ആര്‍.എസ്.എസ്. കേന്ദ്രനേതൃത്വം വ്യക്തമാക്കിയിരുന്നു. സുപ്രീം കോടതിവിധിയെ ആദരിക്കുന്നതിനൊപ്പം ആരാധാനാവകാശം സംബന്ധിച്ച ആശങ്കകള്‍ അധികൃതരെ ധരിപ്പിക്കുമെന്നും ആര്‍.എസ്.എസ്. സര്‍കാര്യവാഹ് സുരേഷ് ജോഷി വ്യക്തമാക്കി. ആത്മീയ-സമുദായ നേതാക്കള്‍ ഒന്നിച്ചിരുന്നു വിശകലനം ചെയ്തു തുടര്‍നടപടിയെടുക്കണം.

നിയമപരമായ സാധ്യതകള്‍ ആലോചിക്കാനും സമാധാനപരമായ രീതിയില്‍ അധികൃതര്‍ മുമ്പാകെ വിഷയമെത്തിക്കാനും വിശ്വാസികള്‍ക്കു പൂര്‍ണ പിന്തുണ ആര്‍.എസ്.എസ്. വാഗ്ദാനം ചെയ്തു.

സുപ്രീം കോടതി വിധിയെയും ബഹുമാനിക്കണം. കോടതിവിധി പരിഗണിക്കുമ്പോള്‍ വിശ്വാസികളുടെ വികാരം അവഗണിക്കാനാവില്ല. വിശ്വാസികളുടെ വികാരം കണക്കിലെടുക്കാതെ സംസ്ഥാന സര്‍ക്കാര്‍, കോടതിവിധി നടപ്പാക്കാന്‍ ധൃതിപിടിച്ച് നടപടികള്‍ െകെക്കൊള്ളുകയാണെന്നും ആര്‍.എസ്.എസ്. കേന്ദ്രനേതൃത്വം വ്യക്തമാക്കി.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top