Flash News

കടം കൊടുത്ത പണം തിരിച്ചു തരാത്തവര്‍ക്കെതിരെ ‘മീടൂ മൂവ്മെന്റ്’ തുടങ്ങിയാലോ എന്ന് ആലോചിക്കുകയാണെന്ന് നടി റോസിന്‍ ജോളി

October 12, 2018

rosin-jolly_1436777421220തൊഴിലിടങ്ങളിലും മറ്റും അനുഭവിച്ച ലൈംഗികാതിക്രമം തുറന്നു പറയുന്ന മീ ടൂ ക്യാമ്പയിനെ പരിഹസിച്ച് നടിയും മോഡലുമായ റോസിന്‍ ജോളി. മീ ടൂ ഹാഷ് ടാഗില്‍ തന്റെ തുറന്നുപറച്ചില്‍ എന്ന രീതിയിലാണ് റോസിന്‍ ജോളിയുടെ പോസ്റ്റ്. എന്നാല്‍ താന്‍ നേരിട്ട ലൈംഗികാതിക്രമത്തെ കുറിച്ചല്ല ഇത്. മറിച്ച് പണം കടംവാങ്ങിയിട്ട് തിരിച്ചുതരാത്തവരെ കുറിച്ചാണ് റോസിന്‍ പറയുന്നത്. തിരിച്ചു തരാം എന്ന് ഉറപ്പ് പറഞ്ഞ് നമ്മളില്‍ നിന്നും പണം കടം വാങ്ങി എല്ലാം ശരിയായതിന് ശേഷവും ആ വാക്ക് പാലിക്കാന്‍ പറ്റാത്തവര്‍ക്ക് എതിരേ ഒരു മീ ടൂ മൂവ്മെന്റ് തുടങ്ങിയാലെന്താണെന്ന് ആലോചിക്കുകയാണെന്നാണ് റോസിന്‍ പറയുന്നത്.

പണം കൊടുത്തവരെല്ലാം സെറ്റില്‍ഡ് ആയി കഴിഞ്ഞു. ഞാന്‍ സമയം തരാം, അതിനുള്ളില്‍ തിരികെ തരാനുള്ളവര്‍ക്ക് പണം എന്റെ അക്കൗണ്ടിലേക്ക് ട്രാന്‍സ്ഫര്‍ ചെയ്യുകയോ കൂടുതല്‍ വിവരങ്ങള്‍ക്ക് എന്നെ ഫോണില്‍ ബന്ധപ്പെടുകയോ ആകാം. അല്ലെങ്കില്‍ ഇനിയുള്ള ദിവസങ്ങളില്‍ ഓരോരുത്തരുടെയും പേര് പുറത്ത് വിടുമെന്ന്‌ റോസിന്‍ മുന്നറിയിപ്പ് നല്‍കുന്നു. ഇതിനൊപ്പം ഒരു സ്‌മൈലി ഇമോജിയും ഇട്ടാണ് താരത്തിന്റെ ട്വിറ്റര്‍ പോസ്റ്റ്. എന്നാല്‍ ഗൗരവമായ ഒരു വിഷയത്തെ നിസ്സാരവത്ക്കരിക്കുന്ന രീതിയിലാണ് റോസിന്‍ ജോളിയുടെ പോസ്‌റ്റെന്ന വിമര്‍ശനം ഇതിനകം ഉയര്‍ന്നുകഴിഞ്ഞു. സംഭവം വിവാദമായതിനെ തുടര്‍ന്ന് റോസിന്‍ ട്വീറ്റ്‌ പിന്‍വലിച്ചു.

കഴിഞ്ഞദിവസങ്ങളില്‍ രാഷ്ട്രീയ, മാധ്യമ, സാംസ്‌കാരികമേഖലയിലെ പ്രമുഖര്‍ക്കെതിരെ തുറന്നുപറച്ചിലുകളുമായി നിരവധി സ്ത്രീകള്‍ മുന്നോട്ടുവന്നിരുന്നു. അന്താരാഷ്ട്ര തലത്തില്‍ ഉയര്‍ന്നുവന്ന മീ ടൂ ക്യാമ്പയിനെ ഇന്ത്യയിലെ കലാ സാംസ്‌കാരിക സാമൂഹിക രംഗത്തുള്ള സ്ത്രീകളും ഏറ്റുപിടിച്ചിരുന്നു. മലയാളത്തില്‍ നടനും എം.എല്‍.എയുമായ മുകേഷിനെതിരെയും വെളിപ്പെടുത്തല്‍ ഉണ്ടായിരുന്നു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top