Flash News
ഇരുമുടിക്കെട്ടിനോട് അനാദരവ് കാണിക്കുന്നവരാണ് പ്രശ്നക്കാര്‍; അവരെത്തുന്നത് മനഃപ്പൂര്‍‌വ്വം പ്രശ്നങ്ങളുണ്ടാക്കാനാണെന്ന് ദേവസ്വം ബോര്‍ഡ് പ്രസിഡന്റ്   ****    ബിജെപിയുടെ തന്ത്രം പിഴച്ചു; രാഷ്ട്രീയ നേട്ടത്തിന് കെ. സുരേന്ദ്രന്‍ ശബരിമലയില്‍ കാണിച്ചത് ആചാര ലംഘനം; ഇരുമുടിക്കെട്ട് സുരേന്ദ്രന്‍ തന്നെ താഴെയിടുന്ന ദൃശ്യങ്ങള്‍ പുറത്ത്   ****    രാഷ്ട്രീയ കലാപത്തിന് ഇരുമുടിക്കെട്ട് ഉപയോഗിച്ച കെ. സുരേന്ദ്രന്റെ ദുഷ്ടമനസ്സ് ജനം തിരിച്ചറിഞ്ഞുവെന്ന് തോമസ് ഐസക്   ****    പ്രതിപക്ഷ എംഎല്‍എമാര്‍ പമ്പയിലെത്തി; സുരക്ഷയുടെ പേരില്‍ പൊലീസ് നടത്തുന്ന നിയന്ത്രണങ്ങള്‍ അസൗകര്യങ്ങള്‍ മറച്ചുപിടിക്കാനെന്ന് എംഎല്‍എമാര്‍   ****    ശ്രീ സ്‌കൂള്‍ ഓഫ് ഡാന്‍സ് വിദ്യാര്‍ഥികള്‍ സാന്ത്വനത്തിനു 15,000 ഡോളര്‍ സംഭാവന നല്‍കി   ****   

യു.എന്‍.ആസ്ഥാനത്ത് മലയാളി ഫ്രാന്‍സിസ് കോടങ്കത്തിന്റെ ചിത്രപ്രദര്‍ശനം

October 16, 2018 , പി.പി. ചെറിയാന്‍

francis-Kodanന്യൂയോര്‍ക്ക് : നെടുമ്പാശ്ശേരി വിമാനത്താവളം അസിസ്റ്റന്റ് കമ്മീഷണറും ചിത്രകാരനും തൃശൂര്‍ സ്വദേശിയുമായ ഫ്രാന്‍സിസ് കോടങ്കത്തിന്റെ ചിത്രപ്രദര്‍ശനം ഗാന്ധിജയന്തി ദിനത്തില്‍ ന്യൂയോര്‍ക്കിലെ യു.എന്‍.അസംബ്ലി പോഡിയത്തില്‍ നടത്തി.

ഗാന്ധിജയന്തി ദിനത്തോടനുബന്ധിച്ചു ചേര്‍ന്ന പ്രത്യേക അസംബ്ലി സമ്മേളനത്തിലാണ് ഗാന്ധിജിയുടെ ജീവിതവും സന്ദേശങ്ങളും ഉള്‍ക്കൊള്ളുന്ന 13 ചിത്രങ്ങള്‍ പ്രദര്‍ശിപ്പിച്ചിരുന്നത്.

ഗാന്ധിജിയുടെ ജയില്‍ ജീവിതം, നെഹ്‌റുവുമൊത്ത് പ്രവര്‍ത്തിച്ച കാലം, ദണ്ഡിയാത്ര, ജിന്നയും ഗാന്ധിജിയും എന്നിവയെല്ലാം ഖാദി തുണിയിലാണ് മനോഹരമായി ആലേഖനം ചെയ്തിരുന്നത്.

യു.എന്‍. പ്രദര്‍ശനത്തിനു ശേഷം ഇതേ ചിത്രങ്ങള്‍ ന്യൂയോര്‍ക്കിലെ ശാന്തി ഫൗണ്ടേഷനിലും, ഇന്ത്യന്‍ കോണ്‍സുലേറ്റിലും പ്രദര്‍ശിപ്പിച്ചത് പൊതുജനങ്ങളുടെ പ്രത്യേക പ്രശംസ പിടിച്ചുപറ്റി. ഇതോടൊപ്പം ഒറിഗണിലെ ഡോക്ടറും, കോഴിക്കോട് സ്വദേശിയുമായ അരുണ്‍ ടു കുരുവിളയുടെ അഞ്ചു ചിത്രങ്ങളും പ്രദര്‍ശിപ്പിച്ചിരുന്നു.

അമേരിക്കന്‍ ഹൃസ്വസന്ദര്‍ശനത്തിനെത്തി ചേര്‍ന്നിട്ടുള്ള ഫ്രാന്‍സിസ് ചിത്രരചനയില്‍ നിരവധി അവാര്‍ഡിനുടമയാണ്. നാഷ്ണല്‍ ലളിത കലാഅക്കാദമി, യുനൈറ്റ്ഡ് നാഷ്ണല്‍ മെറിറ്റ് സര്‍ട്ടിഫിക്കറ്റ് , കേരള സ്‌റ്റേറ്റ് ലളിത കലാ അക്കാദമി അവാര്‍ഡ് എന്നിവ ഇവയില്‍ ചിലതാണ്.

നെടുമ്പാശ്ശേരി വിമാനത്താവളത്തില്‍ എയര്‍ കസ്റ്റംസ് അസി. കമ്മീഷണറായി പ്രവര്‍ത്തിക്കുന്ന ഫ്രാന്‍സീസ് 324 കോടി വിലവരുന്ന കള്ളകടത്തു വസ്തുക്കള്‍ പിടികൂടിയതിന് കേന്ദ്ര ഗവണ്മെന്റിന്റെ പ്രത്യേക സര്‍ട്ടിഫിക്കറ്റിനും അര്‍ഹനായിരുന്നു.

ko1 ko2 m1 m2 m3 m4

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top