Flash News

പ്രവീണ്‍ വര്‍ഗീസ് വധക്കേസ്; പ്രതിയെ വിട്ടയച്ചതിനെതിരെ സമര്‍പ്പിച്ച ഹര്‍ജി സുപ്രിം കോടതി ഫയലില്‍ സ്വീകരിച്ചു

October 19, 2018 , പി.പി. ചെറിയാന്‍

ct-mgc-pravin-varughese-murder-indictment-tl-0720-20170717ചിക്കാഗൊ: പ്രവീണ്‍ വര്‍ഗീസ് കൊലക്കേസില്‍ പ്രതിയാണെന്ന് ജൂറി വിധിയെഴുതിയ ഗേജ് ബഥുണിനെ സ്വതന്ത്രനായി വിട്ടയച്ച ജാക്സണ്‍ കൗണ്ടി സര്‍ക്യൂട്ട് കോര്‍ട്ട് ജഡ്ജി മാര്‍ക്ക് ക്ലാര്‍ക്കിന്റെ ഉത്തരവ് റദ്ദാക്കി ഉടനെ കൊലക്കുറ്റത്തിന് ശിക്ഷ വിധിക്കണമെന്ന് ആവശ്യപ്പെട്ട് ഇല്ലിനോയ് സുപ്രീം കോടതിയില്‍ സമര്‍പ്പിച്ച മോഷന്‍ ഒക്ടോബര്‍ 17-ന് ഫയലില്‍ സ്വീകരിച്ചതായി ഇല്ലിനോയ് സ്പെഷ്യല്‍ പ്രൊസിക്യൂട്ടര്‍ ഡേവിഡ് റോബിന്‍സണ്‍ അറിയിച്ചു. 2014-ല്‍ രാത്രി പാര്‍ട്ടി കഴിഞ്ഞ് വീട്ടിലേക്ക് റൈഡ് നല്‍കിയ ബഥൂണുമായുണ്ടായ തര്‍ക്കമാണ് കൊലപാതകത്തില്‍ അവസാനിച്ചത്.

ജൂണ്‍ മാസമായിരുന്നു ജൂറി പ്രവീണ്‍ വര്‍ഗീസ് കേസില്‍ ഫസ്റ്റ് ഡിഗ്രി മര്‍ഡറിന് പ്രതി ഗേജ് ബഥൂണ്‍ കുറ്റക്കാരനാണെന്ന് കണ്ടെത്തിയത്. എന്നാല്‍ ഒരസാധാരണ വിധിയിലൂടെ പ്രതിയെ ബോണ്ടില്‍ സ്വതന്ത്രനായി വിട്ടയ്ക്കുവാന്‍ കോടതി ഉത്തരവിടുകയായിരുന്നു. ഇത് ഭരണഘടനാ വിരുദ്ധമാണെന്നും, തന്റെ ഇരുപത്തിയഞ്ചു വര്‍ഷത്തെ സര്‍വ്വീസിനിടയില്‍ രണ്ടാം തവണയാണ് സുപ്രീം കോടതിയില്‍ ഇങ്ങനെ ഒരു അപ്പീല്‍ സമര്‍പ്പിക്കേണ്ടി വന്നതെന്നും പ്രോസിക്യൂട്ടര്‍ ചൂണ്ടികാട്ടി.

ഇപ്പോള്‍ സ്വതന്ത്രനായി കഴിയുന്ന പ്രതിയെ എത്രയും വേഗം നിയമത്തിന്റെ മുമ്പില്‍ കൊണ്ടു വരുമെന്നാണ് പ്രതീക്ഷിക്കുന്നതെന്ന് പ്രവീണ്‍ വര്‍ഗീസിന്റെ മാതാവ് ലവ്‌ലി വര്‍ഗീസ് പറഞ്ഞു. പ്രത്യേക ദൗത്യവുമായാണ് ദൈവം എന്റെ മകനെ അയച്ചതെന്നും, ലോക്കല്‍ ജസ്റ്റിസ് സിസ്റ്റത്തെകുറിച്ചു ഒരു പുനര്‍ചിന്തനം നടത്താന്‍ ഈ കേസ് സഹായകരമാകുമെന്നും ലവ്‌ലി പ്രതീക്ഷിക്കുന്നു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top