- Malayalam Daily News - http://www.malayalamdailynews.com -

സാന്‍ഹൊസെ ക്‌നാനായ ഫൊറോന ഫെസ്റ്റ് ഒരുക്കങ്ങള്‍ പൂര്‍ത്തിയായി

Newsimg1_34598420സാന്‍ഹൊസെ: ചിക്കാഗോ ക്‌നാനായ റീജിയണ്‍ ഫൊറോന തലത്തില്‍ ഒക്ടോബര്‍ 28ാം തീയതി നടത്തപ്പെടുന്ന സാന്‍ഹൊസെ സെന്റ് മേരീസ് ഫൊറോനാ ഫെസ്റ്റിന്റെ ഒരുക്കങ്ങള്‍ പൂര്‍ത്തിയായി. സാന്‍ഹൊസെ സെന്റ് മേരീസ് ക്‌നാനായ കത്തോലിക്ക ഫൊറോന ദേവാലയത്തില്‍ വച്ചാണ് ഫൊറോന ഫെസ്റ്റ് അരങ്ങേറുന്നത്.സാന്‍ഹൊസെ സെന്റ് മേരീസ് ക്‌നാനായ ദേവാലയം, ലോസ് ആഞ്ചലസ് സെ.പൈസസ് പത്താമന്‍ ദേവാലയം, സെ.ജോണ്‍ പോള്‍ രണ്ടാമന്‍, സാക്രമെന്റോ മിഷന്‍, ലോസ് വേഗാസ് സെ.സ്റ്റീഫന്‍ മിഷന്‍ എന്നിവ ഉള്‍ക്കൊള്ളുന്നതാണ് സാന്‍ഹൊസെ ഫൊറോന.

28ാം തീയതി രാവിലെ 9.15 അങ ന് കോട്ടയം അതിരൂപതാ ആര്‍ച്ച് ബിഷപ്പ് മാര്‍ മാത്യു മൂലക്കാട്ട്, വികാരി ജനറാള്‍, ഫാ.തോമസ് മുളവനാല്‍, ഫാ.സിജു മുടക്കോടില്‍, ഫാ.എബ്രഹാം കളരിക്കല്‍ എന്നിവര്‍ക്ക് ഫൊറോന വികാരി ഫാ.സജി പിണര്‍ക്കയില്‍, കൈക്കാരന്‍മാരായ ജോണ്‍സണ്‍ പുറയംപള്ളില്‍, ജോയി കുന്നശ്ശേരില്‍, ബിനോയി ചേന്നാത്ത് എന്നിവരുടെ നേതൃത്വത്തില്‍ ഇടവാംഗങ്ങള്‍ സ്വീകരണം നല്‍കുകയും തുടര്‍ന്ന് ബിഷപ്പിന്റെ പ്രധാന കാര്‍മ്മികത്വത്തില്‍ പരിശുദ്ധ കുര്‍ബാന അര്‍പ്പിക്കുന്നതുമാണ്.

വി.കുര്‍ബാനയ്ക്കു ശേഷം വിവിധ ദേവാലയത്തില്‍ നിന്നുവന്ന വൈദികരുടെയും അല്മായരുടെയും സാന്നിധ്യത്തില്‍ ബിഷപ്പ് മാര്‍ മാത്യു മൂലക്കാട്ട് ഫൊറോന ഫെസ്റ്റ് ഉത്ഘാടനം ചെയ്യുകയും തുടര്‍ന്ന് ബൈബിള്‍ ക്വിസ്, പുരാതനപ്പാട്ട്, കുട്ടികളുടെ നേതൃത്വത്തില്‍ വിശുദ്ധന്മാര്‍ സ്കിറ്റ്, നടവിളി മത്സരം, ഗ്രൂപ്പ് ഡാന്‍സ്, ക്‌നാനായ കുടുംബം ആസ്പദമാക്കി നാടകം. എന്നിങ്ങനെയുള്ള മത്സരങ്ങള്‍ നടത്തപ്പെടും.

വൈകുന്നേരം 4.30 ജങന് സമാപന സമ്മേളനം, മത്സരങ്ങളുടെ സമ്മാനദാനവും നടത്തപ്പെടും. ഓവറോള്‍ ചാമ്പ്യന്‍ഷിപ്പിന് 501 ഡോളറും, എവര്‍ റോളിംഗ് ട്രോഫിയും, രണ്ടാം സ്ഥാനത്തിന് 301 ഡോളറും എവര്‍റോളിംഗ് ട്രോഫിയും, ഓരോ മത്സരങ്ങള്‍ക്ക് ക്യാഷ് അവാര്‍ഡും ട്രോഫിയും ഉണ്ടായിരിക്കും. ഫൊറോന ഫെസ്റ്റ് കോഡിനേറ്റേഴ്‌സ് ആയ ശ്രീ. സ്റ്റീഫന്‍ മരുതനാടിയില്‍, ശ്രീ.ജോസ് മാമ്പള്ളില്‍, ശ്രീ.വിന്‍സ് പുളിക്കല്‍ എന്നിവര്‍ നേതൃത്വത്തില്‍ മറ്റ് വിവിധ കമ്മറ്റികളായി പ്രോഗ്രാമിന്റെ വിജയത്തിനായി പ്രവര്‍ത്തിച്ചു വരുന്നു.

സാന്‍ഹൊസെയില്‍ വച്ചു നടത്തപ്പെടുന്ന ഫൊറോന ഫെസ്റ്റിലേയ്ക്കു എല്ലാവരെയും സ്വാഗതം ചെയ്തുകൊണ്ട് ഇടവക വികാരി ഫാ.സജിപിണര്‍ക്കയില്‍, പബ്ലിസിറ്റി കണ്‍വീനര്‍ വിവിന്‍ ഓണശ്ശേരില്‍.


Like our page https://www.facebook.com/MalayalamDailyNews/ [1] and get latest news update from USA, India and around the world. Stay updated with latest News in Malayalam, English and Hindi.
[2] [3] [4] [5] [6]