Flash News

ഡി. വി. എസ്. സി. വോളിബോള്‍ ടൂര്‍ണമെന്റ് നവംബര്‍ 3 നു ഫിലാഡല്‍ഫിയയില്‍

October 26, 2018

equmenicalbasketball_pic3

ഫിലാഡല്‍ഫിയ: വിശാലഫിലാഡല്‍ഫിയാ റീജിയണിലെ പ്രമുഖ സ്‌പോര്‍ട്ട്‌സ് & റിക്രിയേഷന്‍ സംഘടനയായ ഡെലവേര്‍വാലി സ്‌പോര്‍ട്ട്‌സ് ക്ലബ്ബ് (ഡി. വി. എസ്. സി) അഞ്ചാമത് എവര്‍ റോളിംഗ് ട്രോഫിക്കുവേണ്ടിയുള്ള ഇന്‍വിറ്റേഷണല്‍ വോളിബോള്‍ ടൂര്‍ണമെന്റ് സംഘടിപ്പിക്കുന്നു. 2018 നവംബര്‍ 3 ശനിയാഴ്ച്ച ഉച്ചക്ക് 1:00 മണി മുതല്‍ 8:00 മണി വരെ നോര്‍ത്തീസ്റ്റ് ഫിലാഡല്‍ഫിയാ ക്രൂസ്ടൗണിലുള്ള നോര്‍ത്തീസ്റ്റ് റാക്കറ്റ് ക്ലബ്ബ് ആന്റ് ഫിറ്റ്‌നസ് സെന്ററില്‍ (9389 Krewstown Road; Philadelphia PA 19115) ആണു മല്‍സരങ്ങള്‍ ക്രമീകരിച്ചിരിക്കുന്നത്.

മൂന്നു പതിറ്റാണ്ടോളം ഗ്രേറ്റര്‍ ഫിലാഡല്‍ഫിയായിലെ യുവജനങ്ങളെയും, സ്‌പോര്‍ട്ട്‌സ് താരങ്ങളേയും വിവിധ സ്‌പോര്‍ട്ട്‌സ് ഇനങ്ങളില്‍ പ്രോല്‍സാഹിപ്പിക്കുകയും, ചിട്ടയായ പരിശീലനത്തിലൂടെ ടിമംഗങ്ങളുടെ കഴിവുകള്‍ വികസിപ്പിച്ച് അവരെ പ്രാദേശികവും, ദേശീയവുമായ കായിക മല്‍സരങ്ങളില്‍ പങ്കെടുപ്പിക്കുകയും ചെയ്തുകൊണ്ടിരിക്കുന്ന സ്‌പോര്‍ട്ട്‌സ് സംഘടനയാണു 1986 ല്‍ സ്ഥാപിതമായ ഡെലവേര്‍വാലി സ്‌പോര്‍ട്ട്‌സ് ക്ലബ്ബ്.
നവംബര്‍ 3 ശനിയാഴ്ച്ച നടക്കുന്ന ഏകദിന വോളിബോള്‍ ടൂര്‍ണമെന്റില്‍ ഫിലാഡല്‍ഫിയായിലെയും സമീപപ്രദേശങ്ങളിലെയും വോളിബോള്‍ ടീമുകള്‍ പങ്കെടുക്കും. മല്‍സരങ്ങള്‍ കാണുന്നതിനും, കളിക്കാരെ പ്രോല്‍സാഹിപ്പിക്കുന്നതിനും എല്ലാ വോളിബോള്‍ പ്രേമികളെയും സംഘാടകര്‍ ക്ഷണിക്കുന്നു. ടൂര്‍ണമെന്റില്‍ പങ്കെടുക്കാനാഗ്രഹിക്കുന്ന ടീമുകള്‍ മുന്‍കൂട്ടി രജിസ്റ്റര്‍ ചെയ്തിരിക്കണം.

ടീം രജിസ്‌ട്രേഷനും, ടൂര്‍ണമെന്റ് സംബന്ധമായ കൂടൂതല്‍ വിവരങ്ങള്‍ക്കും

എം. സി. സേവ്യര്‍ 2158403620
സെബാസ്റ്റ്യന്‍ എബ്രാഹം 2674672650
ബാബു വര്‍ക്കി 2679090721
സതീഷ് ബാബു  215 668 2292

ജോസ് മാളേയ്ക്കല്‍


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top