Flash News

ഉപഭോക്താക്കളെ ആകര്‍ഷിക്കാന്‍ മാറ്റങ്ങളുമായി വാട്സ്‌ആപ്പ്; ഇഷ്ടപ്പെട്ട സ്റ്റിക്കറുകള്‍ ഇനി മുതല്‍ ലഭ്യമാകും

October 27, 2018

whatsappകാലിഫോര്‍ണിയ: ഉപഭോക്താക്കളുടെ ഇഷ്ടങ്ങള്‍ തിരിച്ചറിഞ്ഞ് മാറ്റങ്ങള്‍ വരുത്തി വാട്സ്‌ആപ്പ്. ആദ്യ ഘട്ടത്തില്‍ ആന്‍ഡ്രോയിഡ്, ഐഒഎസ് ഉപഭോക്താക്കള്‍ക്കാണ് മാറ്റങ്ങളോടെയുള്ള സേവനം ലഭ്യമാകുക. ഇതിനായി അവര്‍ ചെയ്യേണ്ടത് ഇത്ര മാത്രം, ആന്‍ഡ്രോയിഡ് ഉപഭോക്താക്കള്‍ വാട്‌സ്ആപ്പിന്റെ പുതിയ വെര്‍ഷനായ 2.18.329ലേക്ക് അപ്‌ഡേറ്റ് ചെയ്യുക. ഐഒഎസ് ഉപഭോക്താക്കള്‍ക്ക് 2.18.100 വെര്‍ഷനിലേക്കും അവരുടെ വാട്‌സ്ആപ്പ് അപ്‌ഡേറ്റ് ചെയ്യുക.

സ്‌മൈലിംഗ്, ടീകപ്പ്, ക്രൈയിംഗ്, ബ്രോക്കണ്‍ ഹാര്‍ട്ട് തുടങ്ങിയ സ്റ്റിക്കറുകളാണ് വാട്‌സ്ആപ്പ് ഒരുക്കിയിരിക്കുന്നത്. വാട്‌സ്ആപ്പിന്റെ ഔദ്യോഗിക ഡിസൈനര്‍മാരും പുറത്തുനിന്നുള്ള ഡിസൈനര്‍മാര്‍ ഒരുക്കിയ സ്റ്റിക്കറുകളും വാട്‌സ്ആപ്പ് അവതരിപ്പിച്ച കൂട്ടത്തിലുണ്ട്. ലോകമെമ്പാടുമുള്ള ചിത്രകാരന്‍മാരുടെ സേവനവും ഇതിനായ് വാട്‌സ്ആപ്പ് പ്രയോജനപ്പെടുത്തിയിട്ടുണ്ട്.

ഒരിക്കല്‍ ഈ സ്റ്റിക്കറുകള്‍ ഡൗണ്‍ലോഡ് ചെയ്താല്‍ ഓഫ്‌ലൈനായും ഉപയോഗിക്കാനാകും. ഫെയ്‌സ്ബുക്ക് എഫ് 8 വാര്‍ഷിക സമ്മേളനത്തിലാണ് പുതിയ സ്റ്റിക്കര്‍ അവതരിപ്പിക്കുമെന്ന് വാട്‌സ്ആപ്പ് പ്രഖ്യാപിച്ചത്.

ഇമോജികളും, സ്റ്റാറ്റസ്, ക്യാമറ, അനിമേറ്റഡ് ജിഫ് എന്നിങ്ങനെ വാട്‌സ്ആപ്പ് ഉപയോഗം രസകരവും എളുപ്പവുമാക്കാനാണ് ശ്രമം. സുഹൃത്തുകള്‍ക്കും കുടുംബാംഗങ്ങള്‍ക്കും ഇടയില്‍ ഉണ്ടാകുന്ന ആശയവിനിമയം കൂടുതല്‍ രസകരമാക്കുന്ന തരത്തിലാണ് പുതിയ സ്റ്റിക്കറുകള്‍ അവതരിപ്പിച്ചിരിക്കുന്നത്. വാട്‌സ്ആപ്പ് അധികൃതര്‍ ബ്ലോഗിലൂടെയാണ് ഇക്കാര്യം വെളിപ്പെടുത്തിയത്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top