Flash News
ജയന്‍ – മലയാള സിനിമയില്‍ കോളിളക്കം സൃഷ്ടിച്ച ആ ഫാള്‍ക്കണ്‍ പക്ഷി ചിറകറ്റു വീണിട്ട് ഇന്നേക്ക് 38 വര്‍ഷം   ****    ശബരിമലയില്‍ മതവികാരം വ്രണപ്പെടുത്തി; രഹ്ന ഫാത്തിമയ്ക്ക് മുന്‍‌കൂര്‍ ജാമ്യമില്ല   ****    ഏഴ് മണിക്കൂര്‍ കഴിഞ്ഞിട്ടും പുറത്തേക്കിറങ്ങാന്‍ കഴിയാതെ തൃപ്തി ദേശായി; നെടുമ്പാശ്ശേരി വിമാനത്താവളത്തിനു ചുറ്റും പ്രതിഷേധക്കാര്‍; സം‌രക്ഷണം നല്‍കാനാവില്ലെന്ന് പോലീസ്   ****    പ്രളയത്തിനിടെ ഒരു പ്രണയം; മുസ്ലിം യുവാവും ഹിന്ദു യുവതിയും പ്രണയിനികളാകുന്ന കഥ ‘കേദാര്‍നാഥ്’ ട്രെയ്‌ലര്‍   ****    പ്രളയാനന്തര കേരള പുനര്‍ നിര്‍മിതിയില്‍ പ്രവാസികളുടെ പങ്ക് അഭിനന്ദനീയം : റോഷി അഗസ്റ്റിന്‍ എം.എല്‍. എ   ****   

ഇതു നമ്മളല്ലേ (കവിത)

October 30, 2018 , വര്‍ഷിണി വിനോദിനി

ithu nammalalle banner-1അതിരുകളില്ലാതെ പറക്കാന്‍ കൊതിച്ച നിന്നെ
നൂറായിരം കഥകള്‍ ചൊല്ലി മാടി വിളിച്ചു ഞാന്‍.
സ്നേഹ ഗായകാ..എന്‍ കാഞ്ചന കമ്പിന്മേല്‍
പൂഞ്ചിറകുകളൊതുക്കി, കൊക്കുരുമ്മി
തഞ്ചത്തിലേറു കണ്ണിട്ടു നോക്കുമൊരു
പച്ചപനം തത്തയല്ലയോ..നീ.

പുതുവസന്തത്തിനായ് പിടയുകാണെന്നുള്ളം
കണ്ണടച്ചു വരയ്ക്കുകയാണാ ചിത്രം
അടുത്ത വിളവെടുപ്പിനായ് വെമ്പും നിന്നുള്ളം
വരയ്ക്കുന്നില്ലേ ഓര്‍മ്മതന്‍ പൂവണിക്കാലം..
ജീവിത ആശകള്‍ വാടി നശിച്ച പോലെ
പൂഞ്ചിറകുകള്‍ തല്ലി കരയുന്നതെന്തിനു നീ കിളിയേ.
ഒരു നിഴലായ് നിന്നെ പിന്തുടരുന്നവളല്ലേ ഞാന്‍
ആ ചിറകിന്നടിയില്‍ തണല്‍ കൊതികുന്നവളല്ലേ ഞാന്‍.
ചിരകാല സ്വപ്നം സത്യമാകും കൌതുകം
അന്തരംഗത്തിലേറി വരുമീ പ്രണയിനി
കരിമ്പനയോലകളുമായ് സ്വീകരിക്കാം
കേള്‍ക്കാന്‍ സുഖമുള്ള പാട്ടുകള്‍ കേള്‍പ്പിച്ചാലും..!

സ്വപ്നങ്ങളും മോഹങ്ങളും കൊതിയ്ക്കുമെന്നുള്ളം
പ്രതീക്ഷയോടെ നിന്‍ കരം കവര്‍ന്ന്
പിന്നേയും മോഹന വാഗ്ദാനങ്ങള്‍ നല്‍കി
ഊളിയിട്ടു അനന്തമാംസ്നേഹമാം ആഴിയിലേക്ക് ..
മുത്തുകളും പവിഴങ്ങളും കണ്ടു രസിച്ച നാം
സ്വപ്ന കൂടാരത്തീല്‍ എത്തിയതറിഞ്ഞീല്ലാ.
നീര്‍ കുമിളകള്‍ കൊണ്ടൊരു മണിമാളിക പടുത്തുയര്‍ത്തിയ
പാവമാം നിഴലുകളല്ലയോ നമ്മള്‍..!

നമ്മളോരോന്നു മനകോട്ടകള്‍ കെട്ടുന്നൂ
ഇനി നിര്‍ത്തട്ടെ ഞാനെന്‍ മഹാമോഹ സ്വരങ്ങള്‍..

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top