Flash News

ഉപഭോക്താക്കളെ ആകര്‍ഷിക്കാന്‍ പുതിയ ഫീച്ചറുകളുമായി ഗൂഗിള്‍

November 2, 2018 , .

new-imageടെക് യുഗത്തിന്റെ അനന്തസാധ്യത പരമാവധി പ്രയോജനപ്പെടുത്തി ഉപഭോക്താക്കളെ തൃപ്തികരമാക്കുകയാണ് ഗൂഗിള്‍. പുതിയ ഫീച്ചറുകള്‍ പരിചയപ്പെടുത്തിയും അവ ഉപഭോക്താക്കള്‍ക്ക് ലഭ്യമാക്കാനും എന്നും മുന്നില്‍ നില്‍ക്കുന്ന ഗൂഗിള്‍ ഇപ്പോള്‍ തങ്ങളുടെ പുതിയ ഫീച്ചര്‍ അവതരിപ്പിച്ചിരിക്കുകയാണ്. സ്വന്തം മുഖം തന്നെ ഇമോജിയായി ചെയ്യാം എന്നതാണ് ഈ പുതിയ ഫീച്ചറിന്റെ പ്രത്യേകത. ‘ഇമോജി മിനി’ എന്ന് പേര് നല്‍കിയിരിക്കുന്ന ഈ പുതിയ ഫീച്ചര്‍ ഗൂഗിള്‍ ജിബോര്‍ഡിന്റെ ഏറ്റവും പുതിയ അപ്‌ഡേഷനിലാണ് അവതരിപ്പിച്ചിരിക്കുന്നത്.

ന്യൂറല്‍ നെറ്റ്‌വര്‍ക്ക് എന്ന ഗൂഗിളിന്റെ മെഷീന്‍ ലേണിംങ് സാങ്കേതികവിദ്യയിലാണ് ഇമോജി മിനി പ്രവര്‍ത്തിക്കുക. തങ്ങളുടെ ഔദ്യോഗിക ബ്ലോഗിലൂടെയാണ് ഗൂഗിളിന്റെ ‘ഇമോജി മിനി’യുടെ പ്രഖ്യാപനം. ആന്‍ഡ്രോയിഡ്, ഐഒഎസ് ഉപയോക്താക്കള്‍ക്ക് ഇമോജി മിനി ലഭ്യമാകുമെന്ന് ഗൂഗിളിലെ എക്‌സ്പ്രഷന്‍ ടീം ക്രിയേറ്റീവ് ഡയറക്ടര്‍ ജെന്നിഫര്‍ ഡാനിയേല്‍ വ്യക്തമാക്കി. നിര്‍മ്മിത ബുദ്ധി(A.I)യുടെ സഹായത്തിലാണ് ഗൂഗിള്‍ ഇമോജി മിനിയെ അവതരിപ്പിച്ചിരിക്കുന്നത്. സമാനമായ ഇമോജികള്‍ നേരത്തെ തന്നെ ആപ്പിള്‍ അവതരിപ്പിച്ചിരുന്നു.

newഅപ്‌ഡേഷനു ശേഷം ക്രിയേറ്റ് എന്ന ഓപ്ഷനില്‍ പോയി സെല്‍ഫിയെടുക്കുകയാണ് ഇതിന്റെ ആദ്യപടി. സെല്‍ഫിക്ക് പിന്നാലെ ജിബോര്‍ഡ് നിങ്ങളുടെ സ്വന്തം ഇമോജി പാക്ക് നിര്‍മ്മിക്കും. കരച്ചില്‍, ചിരി, ദേഷ്യം, സ്‌നേഹം, കണ്ണടക്കല്‍ തുടങ്ങി വിവിധ ഭാവങ്ങളിലെ ഇമോജികള്‍ ഇതിലുണ്ടാകും.

ന്യൂറല്‍ നെറ്റ്‌വര്‍ക്ക് എന്ന് പേരിട്ടിരിക്കുന്ന ഗൂഗിളിന്റെ മെഷീന്‍ ലേണിംങ് സാങ്കേതികവിദ്യയിലാണ് ഇമോജി മിനിയുടെ പിന്നില്‍ പ്രവര്‍ത്തിക്കുന്നത്. മുഖത്തിന്റെ നിറം മാറ്റാനും മുടിയും മൂക്കും കണ്ണും തുടങ്ങി മുഖത്തെ പ്രധാന ഭാഗങ്ങളില്‍ ആവശ്യമായ മാറ്റം വരുത്തി സ്വന്തം രൂപത്തെ കൂടുതല്‍ സുന്ദരമാക്കാനും ഇതില്‍ അവസരമുണ്ട്. സെല്‍ഫിയില്‍ പതിയാത്ത മറുകോ മറ്റോ ഉണ്ടെങ്കില്‍ അതും ഈ ഇമോജി മിനിയില്‍ ഉള്‍പ്പെടുത്താനാകുമെന്നും ഗൂഗിള്‍ പറയുന്നു. നിലവില്‍ ലഭ്യമായ ഇമോജികള്‍ നല്‍കുന്ന ചിത്രത്തിന്റെ രൂപത്തിലേക്ക് മാറ്റി അവതരിപ്പിക്കുകയാണ് ഗൂഗിള്‍ ഇമോജി മിനി ചെയ്യുന്നത്.

imogi


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top