Flash News
“കടുത്ത മാനസിക സമ്മര്‍ദ്ദമാണ്, ഉറങ്ങാന്‍ പറ്റുന്നില്ല”; മനോരോഗ വിദഗ്ധനെ കാണണമെന്ന് വാശിപിടിച്ച് ജോളി   ****    “എന്റെ കുഞ്ഞിന് ഷൂസിന്റെ വള്ളി കെട്ടാന്‍ പോലും അറിയില്ല….. കൊന്നതാ എന്റെ കുഞ്ഞിനെ”; മദ്രാസ് ഐഐടി വിദ്യാര്‍ത്ഥിനി ഫാത്തിമ ലത്തീഫിന്റെ മരണത്തില്‍ മനം നൊന്ത് മാതാപിതാക്കള്‍   ****    “രാമജന്മ ഭൂമിയില്‍ പള്ളി നിര്‍മ്മിക്കാന്‍ സ്ഥലം നല്‍കില്ല; മറ്റെവിടെയെങ്കിലും ഭൂമി നല്‍കാം”; അയോധ്യ മേയര്‍   ****    ചീഫ് ജസ്റ്റിസും വിവരാവകാശ നിയമത്തിന്റെ പരിധിയില്‍: സുപ്രീം കോടതിയുടെ സുപ്രധാന വിധി   ****    ശബരിമല യുവതീപ്രവേശം: പുനഃപരിശോധനാ ഹര്‍ജികളില്‍ വിധി നാളെ   ****   

ആസിയാ ബീബിയുടെ മോചനം; രാജ്യത്തിന് പുറത്തുപോകാന്‍ വിലക്ക്

November 4, 2018

Asia-Bibi-and-hangman-s-noose-720545മതനിന്ദ ആരോപിച്ച് പാക്കിസ്താനില്‍ വധശിക്ഷയ്ക്ക് വിധിക്കപ്പെട്ട ക്രിസ്ത്യന്‍ വനിത ആസിയ ബീബിയുടെ ശിക്ഷ സുപ്രീം കോടതി റദ്ദാക്കിയതിനെത്തുടര്‍ന്ന് കഴിഞ്ഞ മൂന്നു ദിവസമായി പാക്കിസ്താനിലുടനീളം മതമൗലികവാദികള്‍ പ്രക്ഷോഭങ്ങള്‍ തുടരുന്ന സാഹചര്യത്തില്‍ ആസിയ ബീബിയുടെ ഭാവി വീണ്ടും പ്രതിസന്ധിയിലായി. ആസിയ ബീബി നിരപരാധിയാണെന്ന് സുപ്രീം കോടതി പ്രഖ്യാപിച്ചെങ്കിലും, മതമൗലികവാദികളുടെ എതിര്‍പ്പുകള്‍ മൂലം അവര്‍ക്ക് രാജ്യം വിട്ടുപോകാന്‍ സാധിച്ചിരുന്നില്ല. അതേത്തുടര്‍ന്ന് സമ്മര്‍ദ്ദത്തിനു വഴങ്ങി പാക് സര്‍ക്കാര്‍ സുപ്രീം കോടതിയില്‍ അപ്പീല്‍ നല്‍കാന്‍ നിര്‍ബ്ബന്ധിതരായിരിക്കുകയാണ്. ഈ സാഹചര്യത്തില്‍ ആസിയ ബീബി രാജ്യം വിട്ടു പോകുന്നതിന് വിലക്കും ഏര്‍പ്പെടുത്തി.

Asia-Bibi-673886ബുധനാഴ്ചയാണ് സുപ്രീം കോടതി ആസിയ ബീബിയെ കുറ്റവിമുക്തയാക്കിയത്. ഈ കേസില്‍ ആസിയയുടെ ഭർത്താവ് ആഷിക് മസീഹ് പാകിസ്താൻ സർക്കാരിന്റെ മനോഭാവത്തെ അപലപിച്ചു. തന്റെ ഭാര്യക്ക് സുരക്ഷ നൽകണമെന്ന് അദ്ദേഹം പാക് സര്‍ക്കാരിനോട് ആവശ്യപ്പെട്ടിട്ടുണ്ട്. ബർലിനിൽ ജർമ്മൻ റേഡിയോയുമായി സംസാരിക്കുമ്പോഴാണ് അദ്ദേഹം ഈ ആവശ്യം ഉന്നയിച്ചത്.

ആസിയ പ്രശ്നത്തോട് ബന്ധപ്പെട്ട് പാക്കിസ്താനില്‍ നടന്ന പ്രക്ഷോഭത്തില്‍ 2,000 പേരെ പോലീസ് അറസ്റ്റ് ചെയ്തു. ആസിയയുടെ മോചനത്തിനായി കോടതിയില്‍ ഹാജരായ അഭിഭാഷകന് വധ ഭീഷണി വന്നതുമൂലം അദ്ദേഹം രാജ്യം വിട്ടതായാണ് റിപ്പോര്‍ട്ടുകള്‍.

മത നിന്ദ ആരോപിച്ച് വധശിക്ഷ വിധിച്ച തനിക്ക് സുപ്രിം കോടതിയില്‍ നിന്ന് നീതി ലഭിച്ചാലും സ്വതന്ത്രയായി ഈ രാജ്യത്ത് ജീവിക്കാന്‍ സാധിക്കുമെന്ന് തോന്നിയിരുന്നില്ല. ഇപ്പോള്‍ രാജ്യത്തു നിന്ന് പുറത്തുപോകുന്നതിലും വിലക്ക് ഏര്‍പ്പെടുത്തിയെന്ന് ആസിയ പ്രതികരിച്ചു. ഇപ്പോഴത്തെ സാഹചര്യത്തില്‍ ആസിയയുടെ സുരക്ഷയില്‍ കുടുംബം ആശങ്കയിലാണ്.

_92869378_gettyimages-107779697 gettyimages-1055652010-a20a2f0d3c761968e50d204baeb3ca43cec24d03-s1500-c85


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top