Flash News
ഇരുമുടിക്കെട്ടിനോട് അനാദരവ് കാണിക്കുന്നവരാണ് പ്രശ്നക്കാര്‍; അവരെത്തുന്നത് മനഃപ്പൂര്‍‌വ്വം പ്രശ്നങ്ങളുണ്ടാക്കാനാണെന്ന് ദേവസ്വം ബോര്‍ഡ് പ്രസിഡന്റ്   ****    ബിജെപിയുടെ തന്ത്രം പിഴച്ചു; രാഷ്ട്രീയ നേട്ടത്തിന് കെ. സുരേന്ദ്രന്‍ ശബരിമലയില്‍ കാണിച്ചത് ആചാര ലംഘനം; ഇരുമുടിക്കെട്ട് സുരേന്ദ്രന്‍ തന്നെ താഴെയിടുന്ന ദൃശ്യങ്ങള്‍ പുറത്ത്   ****    രാഷ്ട്രീയ കലാപത്തിന് ഇരുമുടിക്കെട്ട് ഉപയോഗിച്ച കെ. സുരേന്ദ്രന്റെ ദുഷ്ടമനസ്സ് ജനം തിരിച്ചറിഞ്ഞുവെന്ന് തോമസ് ഐസക്   ****    പ്രതിപക്ഷ എംഎല്‍എമാര്‍ പമ്പയിലെത്തി; സുരക്ഷയുടെ പേരില്‍ പൊലീസ് നടത്തുന്ന നിയന്ത്രണങ്ങള്‍ അസൗകര്യങ്ങള്‍ മറച്ചുപിടിക്കാനെന്ന് എംഎല്‍എമാര്‍   ****    ശ്രീ സ്‌കൂള്‍ ഓഫ് ഡാന്‍സ് വിദ്യാര്‍ഥികള്‍ സാന്ത്വനത്തിനു 15,000 ഡോളര്‍ സംഭാവന നല്‍കി   ****   

മലയാളം സൊസൈറ്റി സമ്മേളനം നവംബര്‍ 11-ന്; സതീഷ്ബാബു പയ്യന്നൂര്‍ മുഖ്യാതിഥി

November 7, 2018 , മണ്ണിക്കരോട്ട്

Newsimg1_77073504ഹ്യൂസ്റ്റന്‍: ഹ്യൂസ്റ്റന്‍ ആസ്ഥാനമായി “മലയാള ബോധവത്ക്കരണവും ഭാഷയുടെ വളര്‍ച്ചയും ഉയര്‍ച്ചയും” ലക്ഷ്യമാക്കി പ്രവര്‍ത്തിക്കുന്ന മലയാളം സൊസൈറ്റി ഓഫ് അമേരിക്കയുടെ നവംബര്‍ സമ്മേളനം ഈ മാസം 11-ന് നടക്കുന്നതാണ്. പ്രസ്തുത സമ്മേളനത്തില്‍ സാഹിത്യകാരന്‍, ജേണലിസ്റ്റ്, സീരിയല്‍ നിര്‍മ്മാതാവ്, തിരക്കഥാകൃത്ത് എന്നീ നിലകളിലെല്ലാം പ്രശസ്തനായ സതീഷ്ബാബു പയ്യന്നൂര്‍ മുഖ്യാതിഥിയായിരിക്കും. നോവല്‍, ചെറുകഥ, ലേഖനം എന്നീ വിഭാഗങ്ങളില്‍ 30-തോളം കൃതികള്‍ അദ്ദേഹത്തിന്റേതായിട്ടുണ്ട്. കേരള സാഹിത്യ അക്കാഡമി അവാര്‍ഡ്, മലയാറ്റൂര്‍ അവാര്‍ഡ് മുതലായ പല പ്രസിദ്ധ പുര്‌സക്കാരങ്ങളും അദ്ദേഹത്തിനു ലഭിച്ചിട്ടുണ്ട്. വളരെ പ്രസിദ്ധമായ പേരമരം എന്ന ചെറുകഥാസമാഹാരത്തിന് അക്കാഡമി അവാര്‍ഡും ഖമറുന്നീസയുടെ കൂട്ടുകാരി എന്ന കൃതിയ്ക്ക് മലയാറ്റൂര്‍ അവാര്‍ഡും ലഭിച്ചു. വ്യത്യസ്തമായ അവതരണശൈലിയും കഥയിലുണ്ടാകുന്ന അപ്രതീക്ഷിതമായ വഴിത്തിരിവുകളും നാടകീയതയുമെല്ലാം അദ്ദേഹത്തെ വേറിട്ട ഒരു കഥാകൃത്താക്കി മാറ്റുന്നു.

1997-മുതല്‍ മലയാളം സൊസൈറ്റി ഹ്യൂസ്റ്റന്‍ കേന്ദ്രമായി പ്രവര്‍ത്തിക്കുന്നു. എല്ലാമാസത്തിന്റെയും രണ്ടാം ഞായറാഴ്ച നടത്തുന്ന സമ്മേളനത്തില്‍ സാഹിത്യ-സാംസ്ക്കാരിക വിഷയങ്ങളെക്കുറിച്ച് ചര്‍ച്ച നടത്തുന്നു. എഴുത്തുകാരും ഭാഷാസ്‌നേഹികളും പങ്കെടുക്കുന്ന സമ്മേളനത്തില്‍ ഓരോരുത്തരും അഭിപ്രായങ്ങളും നിര്‍ദ്ദേശങ്ങളും നിരൂപണങ്ങളും കൈമാറുന്നു. അമേരിക്കയില്‍ ഭാഷ എങ്ങനെ നിലനിര്‍ത്താമെന്നും വളര്‍ത്താമെന്നും ചിന്തിക്കുന്നു. നവംബര്‍ 11-ന് സ്റ്റാഫറ്ഡിലെ കേരളാ കിച്ചണ്‍ ഹാളില്‍ നടത്തുന്ന സമ്മേളനത്തില്‍ സതീഷ്ബാബു പയ്യന്നൂര്‍ മാറുന്ന മലയാളം എന്ന വിഷയത്തെക്കുറിച്ച് മുഖ്യപ്രഭാഷണം നടത്തും. ഹ്യൂസ്റ്റനിലെ സാമൂഹ്യ-സാഹിത്യപ്രതിഭകള്‍ പങ്കെടുക്കും.

ഭാഷയിലുണ്ടാകാവുന്ന, ഉണ്ടായിക്കൊണ്ടിരിക്കുന്ന മാറ്റങ്ങള്‍ മനസ്സിലാക്കുന്നത് എഴുത്തുകാര്‍ക്കും ഭാഷാസ്‌നേഹികള്‍ക്കും ഏറെ പ്രയോജനപ്രദമായിരിക്കുമെന്ന് സതീഷ്ബാബു പയ്യന്നൂര്‍ അഭിപ്രായപ്പെട്ടു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top