Flash News
ഇരുമുടിക്കെട്ടിനോട് അനാദരവ് കാണിക്കുന്നവരാണ് പ്രശ്നക്കാര്‍; അവരെത്തുന്നത് മനഃപ്പൂര്‍‌വ്വം പ്രശ്നങ്ങളുണ്ടാക്കാനാണെന്ന് ദേവസ്വം ബോര്‍ഡ് പ്രസിഡന്റ്   ****    ബിജെപിയുടെ തന്ത്രം പിഴച്ചു; രാഷ്ട്രീയ നേട്ടത്തിന് കെ. സുരേന്ദ്രന്‍ ശബരിമലയില്‍ കാണിച്ചത് ആചാര ലംഘനം; ഇരുമുടിക്കെട്ട് സുരേന്ദ്രന്‍ തന്നെ താഴെയിടുന്ന ദൃശ്യങ്ങള്‍ പുറത്ത്   ****    രാഷ്ട്രീയ കലാപത്തിന് ഇരുമുടിക്കെട്ട് ഉപയോഗിച്ച കെ. സുരേന്ദ്രന്റെ ദുഷ്ടമനസ്സ് ജനം തിരിച്ചറിഞ്ഞുവെന്ന് തോമസ് ഐസക്   ****    പ്രതിപക്ഷ എംഎല്‍എമാര്‍ പമ്പയിലെത്തി; സുരക്ഷയുടെ പേരില്‍ പൊലീസ് നടത്തുന്ന നിയന്ത്രണങ്ങള്‍ അസൗകര്യങ്ങള്‍ മറച്ചുപിടിക്കാനെന്ന് എംഎല്‍എമാര്‍   ****    ശ്രീ സ്‌കൂള്‍ ഓഫ് ഡാന്‍സ് വിദ്യാര്‍ഥികള്‍ സാന്ത്വനത്തിനു 15,000 ഡോളര്‍ സംഭാവന നല്‍കി   ****   

നന്ദിയോടെ മോനിഷ; വിജയ് ഫാന്‍സിന്റെ കാരുണ്യം കൊണ്ട് മോനിഷ സിനുവിന്റെ ജീവിത പങ്കാളിയായി

November 7, 2018

vijay-fans-newsപുതിയ സിനിമകള്‍ റിലീസ് ദിവസം താരങ്ങളുടെ ഫാന്‍സ് അസ്സോസിയേഷന്‍ പതിവായി ചെയ്യാറുള്ള പാലാഭിഷേകവും ആഘോഷത്തിമര്‍പ്പുകളും മാറ്റി വെച്ച് വിജയ് ഫാന്‍സ് മാതൃകയായി. വിജയിയുടെ പുതിയ ചിത്രം ‘സര്‍ക്കാര്‍’ റിലീസിംഗിനോടനുബന്ധിച്ച് നിര്‍ധനയായ മോനിഷയുടെ വിവാഹം നടത്തുമെന്ന വാക്ക് പാലിച്ചാണ് കോട്ടയത്തെ വിജയ് ഫാന്‍സ് മറ്റു സംഘടനകള്‍ക്ക് മാതൃകയായത്.

കോട്ടയം മെഡിക്കല്‍ കോളേജിനു സമീപമുള്ള കാരുണ്യ സ്ഥാപനമായ സാന്ത്വനത്തിലെ അന്തേവാസിയായ ചങ്ങനാശ്ശേരി ചീരംചിറ സ്വദേശി കെ.എം.മോനിഷയുടെ വിവാഹം ആണ് വിജയ് ഫാന്‍സ് നടത്തിക്കൊടുത്തത്. ചീരംചിറ സ്വദേശിയായ മണ്ണാത്തിപറമ്പില്‍ സിബി ഉഷ ദമ്പതികളുടെ മകന്‍ സിനു സിബിയാണ് വരന്‍. കല്യാണ ചെലവുകള്‍ എങ്ങനെ നടത്തുമെന്നറിയാതെ വിഷമാവസ്ഥയില്‍ നില്‍ക്കുമ്പോഴാണ് വിജയ് ഫാന്‍സ് സഹായവുമായെത്തുന്നത്. താരത്തിന്റെ കട്ടൗട്ടുകള്‍ സ്ഥാപിച്ച് പാലഭിഷേകം നടത്തുന്നതടക്കമുള്ള ആഘോഷങ്ങള്‍ പൂര്‍ണമായും ഒഴിവാക്കിയായിരുന്നു തുക സ്വരൂപിച്ചത്. 85,000 രൂപ ചിലവിട്ട് മൂന്നര പവന്‍ സ്വര്‍ണ്ണം, മൂന്നു ലക്ഷം വരുന്ന വിവാഹ ഒരുക്കങ്ങള്‍, എല്ലാം ഫാന്‍സ് അസോസിയേഷനിലെ അംഗങ്ങള്‍ ഏറ്റെടുത്ത് നടത്തി.

എട്ടുവര്‍ഷം മുന്‍പ് ഭര്‍ത്താവിന്റെ അമിത മദ്യപാനം ഉപദ്രവവും സഹിക്കാതെ മൂന്നുകുട്ടികളുമായി വീടുവിട്ടിറങ്ങിതാണ് മോനിഷയുടെ അമ്മ രാധാമണി. ഇവരുടെ നിസ്സഹായാവസ്ഥയിലാണ് സ്വാന്ത്വനം ട്രസ്റ്റ് ഡയറക്ടര്‍ ആനി ബാബു തുണയാകുന്നത്. അമ്മയെയും മൂന്ന് മക്കളെയും കൂടെ കൂട്ടിയ ആനി ബാബു കുട്ടികളെ സ്‌കൂളില്‍ ചേര്‍ത്ത് പഠിപ്പിച്ചു. ഇതിനിടെ കഴിഞ്ഞവര്‍ഷം സാന്ത്വനത്തിലെ തന്നെ അന്തേവാസി ഗൗരി അമ്മ തന്റെ പേരിലുണ്ടായിരുന്ന 10 സെന്റ് സ്ഥലം സാന്ത്വനത്തിലുണ്ടായിരുന്ന മൂന്നുപേര്‍ക്ക് വീടൊരുക്കാനായി നല്‍കി.

അതില്‍നിന്ന് മൂന്നര സെന്റ് സ്ഥലം മോനിഷയുടെ അമ്മയുടെ പേരില്‍ എഴുതി നല്‍കുകയായിരുന്നു ട്രസ്റ്റ് അധികൃതര്‍. മാന്നാനം കെഇ കോളജിലെ പഠനകാലത്ത് മോനിഷയ്ക്ക് കോളേജ് അധികൃതരുടെ സഹായത്താല്‍ ഈ സ്ഥലത്ത് ഒരു വീടും നിര്‍മിച്ചു നല്‍കി. ബി.കോം, ഫിനാന്‍സ് അക്കൗണ്ടിംഗ് പഠനം പൂര്‍ത്തിയാക്കിയ മോനിഷ എറണാകുളത്ത് സ്വകാര്യ സ്ഥാപനത്തില്‍ ജോലി ചെയ്യുകയാണ്.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top