Flash News

നോട്ട് നിരോധന രണ്ടാം വാര്‍ഷിക ദിനത്തില്‍ വരാന്‍ പോകുന്ന വിപത്തുകളുടെ മുന്നറിയിപ്പുമായി മുന്‍ പ്രധാന മന്ത്രി മന്‍‌മോഹന്‍ സിംഗ്

November 8, 2018

manmohan-singhരാജ്യം കണ്ട ഏറ്റവും വലിയ സാമ്പത്തിക പ്രതിസന്ധി സൃഷ്ടിച്ച നോട്ട് നിരോധനത്തിന്റെ രണ്ടാം വർഷത്തിൽ കേന്ദ്ര സര്‍ക്കാരിനെ വിമര്‍ശിച്ച് മുന്‍ പ്രധാനമന്ത്രിയും സാമ്പത്തിക വിദഗ്‌ധനുമായ മന്‍മോഹന്‍ സിങ്.  കുറച്ച് സമയം എടുത്താല്‍ ഏത് മുറിവും ഭേദപ്പെടുമെന്ന് കേട്ടിട്ടുണ്ട്. എന്നാല്‍  നോട്ട് നിരോധനത്തിന്റെ കാര്യത്തില്‍ വളരെ നിര്‍ഭാഗ്യകരമാണ്. 2016ലെ പാടുകളും മുറിവുകളും കാലം കഴിയുന്നതിന് അനുസരിച്ച് കൂടുതല്‍ വെളിപ്പെടുകയാണെന്ന് അദ്ദേഹം പറഞ്ഞു. നോട്ട് നിരോധനത്തിന്റെ പ്രത്യാഘാതങ്ങള്‍ ഇപ്പോഴും പുറത്ത് വന്നുകൊണ്ടിരിക്കുകയാണെന്നും അദ്ദേഹം പറഞ്ഞു.

ദൃഢതയുള്ളതും വ്യക്തയുള്ളതുമായി സാമ്പത്തിക നയങ്ങള്‍ തിരിച്ചുക്കൊണ്ടുവരണമെന്ന് ഞാന്‍ സര്‍ക്കാരിനോട് ആവശ്യപ്പെടുകയാണ്. സാമ്പത്തിക അബദ്ധങ്ങള്‍ രാജ്യത്തെ നീണ്ടകാലത്തേക്ക് എങ്ങനെ അലോസരപ്പെടുത്തുമെന്നതും, സാമ്പത്തിക നയങ്ങള്‍ വളരെ ശ്രദ്ധയോടെയും ചിന്തയോടെയും കൈകാര്യം ചെയ്യേണ്ട ഒന്നാണെന്ന് മനസിലാക്കുന്നതിനുമുള്ള ഓര്‍മ്മപ്പെടുത്തലിന്റെ ദിനമാണ് ഈ ദിവസമെന്നും അദ്ദേഹം പറഞ്ഞു.

ഇന്ത്യന്‍ സമ്പദ്‌വ്യവസ്ഥയില്‍ അത് നാശം വിതച്ചു. സമൂഹത്തിലുള്ള എല്ലാവര്‍ക്കും ഇപ്പോള്‍ അക്കാര്യം വ്യക്തമാണ്. പ്രായ, മത, ലിംഗ ഭേദമില്ലാതെ ഓരോ വ്യക്തിയയേയും അത് ബാധിച്ചിട്ടുണ്ട്. നോട്ട് നിരോധനത്തിന് ശേഷം ജിഡിപിയില്‍ കുത്തനെ ഇടിവ് വന്നു. ഇന്ത്യന്‍ സമ്പദ്ഘടനയുടെ മൂലക്കല്ലായിരുന്ന ചെറുകിട ഇടത്തരം വ്യവസായ മേഖലയ്ക്ക് നോട്ട്‌നിരോധന ഞെട്ടലില്‍ നിന്ന് മുക്തി നേടാന്‍ ഇതുവരെ ആയിട്ടില്ല.

സമ്പദ്ഘടന ഞെരുക്കത്തില്‍ തുടരുന്നതിനാല്‍ യുവാക്കള്‍ക്ക് വേണ്ടത്ര പുതിയ തൊഴില്‍ സൃഷ്ടിക്കാന്‍ സാധിക്കുന്നില്ല. തൊഴില്‍ മേഖയില്‍ വലിയ പ്രതിസന്ധിയാണുണ്ടാക്കിയിട്ടുള്ളത്. ധനകാര്യ വിപണിയും കലുഷിതമായി കിടക്കുകയാണ്. അടിസ്ഥാന സൗകര്യവികസന പ്രവര്‍ത്തനങ്ങളേയും ബാങ്കിത ധനകാര്യ സ്ഥാപനങ്ങളേയും കാര്യമായി ബാധിച്ചു. ചരിത്രത്തിലെ ഏറ്റവും വലിയ തിരിച്ചടി ഇന്ത്യന്‍ രൂപക്ക് നേരിടേണ്ടി വന്നെന്നും മന്‍മോഹന്‍ സിങ് പറഞ്ഞു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top