Flash News

ഭക്ത കേരള പടയൊരുക്കങ്ങള്‍ ? (കവിത)

November 16, 2018 , ജയന്‍ വര്‍ഗീസ്

Bhakta kerala banner-1മത്തായീം, മമ്മതും, ഗോപനും, ലാമയും
ദൂരെയൊരു യാത്ര പോയി?

ദാഹിച്ചു തൊണ്ട വരണ്ടവര്‍ ചാരത്തോ
രാറിന്റെ തീരത്തി ലെത്തി?

മത്തായി കുപ്പിയെടുത്തത് മഞ്ഞയാ
ക്കുപ്പിയിലെ ജലം മഞ്ഞ ?

മമ്മത് തപ്പിയെടുത്തത് പച്ചയാ
ക്കുപ്പിയിലെ ജലം പച്ച ?

കോവാലന്‍ കോരിയെടുത്തോരു കുപ്പിയോ
കാവി, ജലമതില്‍ കാവി ?

ലാമയോ ചാര നിറമുള്ള കുപ്പിയില്‍
കോരി നിറച്ചത് ചാര ?

ആറിലെ വെള്ള മിതൊന്നുമേയല്ലാതെ
വേറേ യൊരു വെറും വെള്ളം ?

തങ്ങളില്‍, തങ്ങളില്‍ തര്‍ക്കിച്ചു നമ്മളില്‍
നല്ല ജലമാര്‍ക്കു കിട്ടി ?

എന്റെയാ, ണെന്റെയാ ണെന്നവര്‍ കോപിച്ചു
തല്ലിയപരന്റെ കുപ്പി ?

മഞ്ഞയും,പച്ചയും, കാവിയും ചാരയു
മേതുമേയല്ലാത്ത വെള്ളം !

ഒന്നാണൊരു നിറ, മൊന്നും കലരാതെ
യൊന്നിച്ചൊഴുകിപ്പരന്നു.!

പുണ്യമാ, ണീജലം പുണ്യം ! പ്രപഞ്ചത്തി
ന്നുണ്മ, ദൈവത്തിന്റെ നന്മ !

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top