Flash News

ജീവിതത്തിന്‍ സായംസന്ധ്യയില്‍ (കവിത)

November 28, 2018 , വാസുദേവ് പുളിക്കല്‍

Jeevithathin banner-1വഴിയോരത്തെ പാര്‍ക്കില്‍ മേശക്കു ചുറ്റും
കുശലം പറഞ്ഞിരിക്കും വിഭിന്നദേശക്കാര്‍
ജീവിതത്തിന്‍ സായം സന്ധ്യയില്‍
ഇരുട്ടു കാത്തിരിക്കും ക്ഷീണിതര്‍.
ജീവിതഭാരമിറക്കിവെച്ചവര്‍ സ്വസ്ഥരായ്
സാന്ത്വനത്തത്തിന്‍ തണലാസ്വദിക്കയോ
നിരാശരായ് ദുഃഖത്തിന്‍ ചുരുളഴിക്കയോ?
ചക്രവാള സീമയില്‍ മറയും സൂര്യന-
വരുടെ ജീവിതയാന്ത്യത്തില്‍ പ്രതീകമോ
അവരുട കുശലപ്രശിനത്തില്‍ച്ചേരാന്‍
ഞാനുമെത്തിയവിടെ വൈകാതെ.

യൗവ്വനത്തിലെ വീരഗാഥകള്‍ പാടാന്‍
ഓരോരുത്തര്‍ക്കുമുണ്ടനുഭവത്തിന്നീരടികള്‍
എന്നാലിവര്‍ നിരാശര്‍, ദുഃഖിതര്‍
ബേബിസിറ്റിംഗ് അല്ലെങ്കില്‍ വൃദ്ധസദനം!
മക്കളുടെ ഭീഷണിയിലവര്‍ നിസ്സഹായര്‍.
ഗര്‍ഭപാത്രത്തിനു പോലും വിലപേശും
സാമൂഹ്യനീതിയില്‍ ബ്ലാക്ക്‌മെയിലിന്‍ വ്യാപ്തി
പവിത്രമാം ഗര്‍ഭപാത്രത്തിന്നറ്റം വരെ
കൈവെടിയിലിന്റെ വേദനയും ദുഃഖവും.
സദനത്തില്‍ കൊതുകിന്റെ കുത്തലില്ലാതെ
മക്കളുടെ മണിമാളികയില്‍ സംതൃപ്തി.
പേരക്കുട്ടികളുടെ കളിചിരികളില്‍,
അവരുട കുസൃതികളില്‍ മനസ്സിലാഹ്ലാദം

എനിക്കില്ല ബേബിസിറ്റിങ്ങിന്‍ പ്രാരാബ്ധം
വിധിയെന്ന സത്യത്തിന്‍ മന്ദഹാസത്തില്‍
പൊതിഞ്ഞുവെക്കുന്നെന്‍ മകള്‍
താരാട്ടുദുഖഃത്തിന്‍ മ്ലാനമാം മുഖം.
അമേരിക്കന്‍ സംസ്‌കാരത്തിലലിഞ്ഞയവളില്‍
ഉണ്ടാവില്ല സംസ്‌കാരത്തിന്‍ കണിക
എന്നു ഞാന്‍ ഭയന്നതു വെറുതെ.
സ്വന്തം സംസ്‌കാരമാണെന്‍ ബലം.
മക്കളുടെ വാക്കുകളഭിമാനത്തിന്‍
പുഷ്പഹാരമായെന്‍ കഴുത്തില്‍ വീണു.
ഹര്‍ഷപുളകിതനായ് ഞാന്‍ സ്വയം മറന്നു.
സ്വന്തം സംസ്‌കാരത്തിന്‍ മഹത്വമറിയുന്ന-
വരുണ്ടാം നിരവധി ഈ പ്രാവാസഭൂമിയില്‍.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top