Flash News

പിറവം പള്ളി തര്‍ക്കത്തില്‍ സര്‍ക്കാരിന് ഇരട്ടത്താപ്പോ ? ഹൈക്കോടതിയുടെ രൂക്ഷവിമര്‍ശനം

November 28, 2018 , ഫാ. ജോണ്‍സണ്‍ പുഞ്ചക്കോണം

piravamകൊച്ചി: പിറവം പള്ളിയുമായി ബന്ധപ്പെട്ട തര്‍ക്ക കേസില്‍ സര്‍ക്കാരിന് ഹൈക്കോടതിയുടെ രൂക്ഷവിമര്‍ശനം. സുപ്രീം കോടതി ഉത്തരവ് നടപ്പാക്കുന്നതില്‍ സര്‍ക്കാരിന് ഇരട്ടത്താപ്പെന്ന് ഹൈക്കോടതി വിമര്‍ശിച്ചു.

ശബരിമലയില്‍ സുപ്രീം കോടതി ഉത്തരവ് നടപ്പാക്കാന്‍ ആയിരക്കണക്കിന് പോലീസിനെ വിന്യസിക്കുന്നുണ്ട്. എന്നാല്‍, പിറവത്ത് 200 പേര്‍ക്ക് സംരക്ഷണം നല്‍കാതിരിക്കാന്‍ പറയുന്ന ന്യായങ്ങള്‍ കോടതിക്കും സാധാരണക്കാര്‍ക്കും മനസിലാകുന്നില്ലെന്ന് കോടതി പറഞ്ഞു. പിറവം വിഷയം ഒത്തുതീര്‍ക്കാന്‍ ചര്‍ച്ച നടത്തുന്ന സര്‍ക്കാര്‍ ശബരിമല വിഷയത്തില്‍ എന്തുകൊണ്ട് ചര്‍ച്ച നടത്തുന്നില്ലെന്നും കോടതി ചോദിച്ചു.

നൂറു വര്‍ഷത്തോളമായി തുടരുന്ന, യഥാര്‍ത്ഥ മലങ്കരസഭാ വിഭാഗം ഏതെന്ന ഓര്‍ത്തഡോക്സ് – യാക്കോബായ സഭകളുടെ തര്‍ക്കത്തില്‍ ബഹു. സുപ്രീം കോടതി വിധി പ്രകാരം ഓര്‍ത്തഡോക്സ് പക്ഷത്തിനായിരുന്നു വിജയം. 2017 ജൂലൈ 3-ലെ വിധി പ്രകാരം യഥാര്‍ത്ഥ മലങ്കര സഭ ഓര്‍ത്തഡോക്സ് വിഭാഗമാണെന്നാണ് സുപ്രീം കോടതി വിധിച്ചത്. ഇതോടെ ഓര്‍ത്തഡോക്സ് വിഭാഗത്തിന്‍റെ പ്രതിനിധി സഭയേയും മലങ്കരസഭയുടെ അധിപനായി പരിശുദ്ധ കാതോലിക്കാ ബാവായെയെയും കോടതി അംഗീകരിച്ചു. 1934-ല്‍ രൂപീകൃതമായ ഭരണഘടനയനുസരിച്ച് മലങ്കര സഭയിലെ 1064 ഇടവകപള്ളികളും ഭരിക്കപ്പെടണമെന്നും കോടതി വിധിച്ചു. ഇടവക പള്ളിയുടെ വികാരിയായി ഒരു വൈദികനെ നിയമിക്കാനുള്ള അധികാരം നിയമപരമായി ഇപ്പോള്‍ മലങ്കര ഓര്‍ത്തഡോക്സ് സഭയ്ക്കാണ്. എന്നാല്‍ ഇത് അംഗീകരിക്കാന്‍ ഇടവകയിലെ യാക്കോബായ അംഗങ്ങളിലെ ഒരു വിഭാഗം തയ്യാറായിട്ടില്ല.

ഓര്‍ത്തഡോക്‌സ് വിഭാഗത്തിന് അനുകൂലമായ വിധി നടപ്പാക്കാന്‍ ശ്രമിക്കാതെ എന്തിന് അനുരജ്ഞന ശ്രമം നടത്തുന്നു എന്ന് കോടതി ചോദിച്ചു. നിങ്ങളുടെ അജണ്ട നടപ്പിലാക്കാന്‍ കോടതിയെ കൂട്ടുപിടിക്കാന്‍ കഴിയില്ലെന്നും ഹൈക്കോടതി അഡ്വക്കേറ്റ് ജനറലിനോട് പറഞ്ഞു.

പിറവം പള്ളിക്കേസില്‍ സുപ്രീം കോടതിയില്‍നിന്ന് അനുകൂല വിധി ഉണ്ടായെങ്കിലും നടപ്പാക്കി കിട്ടുന്നില്ലെന്ന് ചൂണ്ടിക്കാട്ടി ഓര്‍ത്തഡോക്‌സ് സഭാംഗങ്ങളാണ് ഹൈക്കോടതിയെ സമീപിച്ചത്. അനുരഞ്ജന ചര്‍ച്ച നടത്തുകയല്ല കോടതി വിധി നടപ്പാക്കാന്‍ ശ്രമിക്കുകയാണ് സര്‍ക്കാര്‍ ചെയ്യേണ്ടതെന്ന് കോടതി ചൂണ്ടിക്കാട്ടി. മറ്റു ചില കേസുകളില്‍ സുപ്രീം കോടതി വിധി നടപ്പിലാക്കാതെ മറ്റു മാര്‍ഗമില്ലെന്ന് പറയുന്ന സര്‍ക്കാര്‍ പിറവം കേസില്‍ എന്തുകൊണ്ട് ഈ നിലപാട് സ്വീകരിക്കുന്നുവെന്നും ഹൈക്കോടതി ആരാഞ്ഞു. സത്യത്തിനും നീതിക്കും ഇവിടെ എന്താണ് സ്ഥാനം ഉള്ളത്. കോടതി വിധികള്‍ പാടെ അവഗണിക്കുന്ന ഒരു പ്രവണത കണ്ടുവരുന്നു. കോടതി വിധികള്‍ നടത്തുവാന്‍ ഉത്തരവാദിത്തമുള്ള സര്‍ക്കാരുകള്‍ അതിനെ പാടെ അവഗണിക്കുകയും കേവലം നോക്കു കുത്തിയായി നില്‍ക്കുകയും ചെയ്യുന്നു. ഈ പ്രവണത മുന്നോട്ടു പോയാല്‍ രാജ്യത്തെ നീതിന്യായ വ്യവസ്ഥിതി പാടെ തകരും.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top