Flash News

ക്‌നാനായ റീജിയണ്‍ പ്രീ മാര്യേജ് കോഴ്‌സ് ഒക്ടോബറില്‍ ന്യുജേഴ്‌സിയില്‍ നടത്തപ്പെട്ടു

December 29, 2018 , ബിനോയി സ്റ്റീഫന്‍ കിഴക്കനടി

Newsimg1_11720549

ഷിക്കാഗോ: ഷിക്കാഗോ സെന്റ് തോമസ് രൂപതയുടെ കീഴിലുള്ള ക്‌നാനായ റീജിയണിലെ ഫാമിലി കമ്മീഷന്റെ നേത്യുത്വത്തില്‍, ന്യുജേഴ്‌സിയിലുള്ള ക്രിസ്തുരാജ ദൈവാലയത്തില്‍ വച്ച് ത്ര്വിദിന പ്രീമാര്യേജ് കോഴ്‌സ് നടത്തപ്പെട്ടു. നവംബര്‍ 30 മുതല്‍ ഡിസംബര്‍ 2 വരെ നടത്തപ്പെട്ട കോഴ്‌സില്‍ 21 യുവജനങ്ങള്‍ പങ്കെടുത്തു. അമേരിക്കയിലെ ഏറ്റവും പുതിയതും, ക്‌നാനായ റീജിയണിലെ 14 ) മത്തെ ദൈവാലയവുമായ ന്യുജേഴ്‌സി ക്രിസ്തുരാജ ദൈവാലയത്തില്‍ വച്ച് നടത്തപ്പെട്ട ആദ്യത്തെ പരിപാടിയായിരുന്നു ഈ പ്രീമാര്യേജ് കോഴ്‌സ്.

വിവാഹജീവിതത്തിലേക്ക് പ്രവേശിക്കുന്ന യുവജനങ്ങള്‍ അറിഞ്ഞിരിക്കേണ്ട വിവിധ വിഷയങ്ങളെ ആസ്പദമാക്കി മോണ്‍. തോമസ് മുളവനാല്‍, ഫാ. റെനി കട്ടേല്‍, ഫാ. ജോസ് ആദോപ്പള്ളില്‍, ഡോ. അജിമോള്‍ പുത്തന്‍പുരയില്‍, ബെന്നി കാഞ്ഞിരപ്പാറ, ജെറില്‍ & മെറിന്‍ കള്ളിക്കല്‍, സാബു തടിപ്പുഴ, ജയ കുളങ്ങര, റ്റോണി പുല്ലാപ്പള്ളില്‍ എന്നിവര്‍ ക്ലാസ്സുകള്‍ നയിച്ചു.

അമേരിക്കയിലൊ, ഇന്ത്യയിലോ വിവാഹിതരാകുവാന്‍ ഉദ്ദേശിക്കുന്ന മുഴുവന്‍ കത്തോലിക്കാ യുവജനങ്ങളും ഈ കോഴ്‌സില്‍ പങ്കെടുത്ത് സര്‍ട്ടിഫിക്കറ്റുകള്‍ കരസ്ഥമാക്കണമെന്ന് ക്‌നാനായ റീജിയണ്‍ ഡയറക്ടര്‍ മോണ്‍. തോമസ് മുളവനാല്‍ അറിയിക്കുന്നു. ക്‌നാനായ റീജിയണിലെ അടുത്ത പ്രീമാര്യേജ് കോഴ്‌സ്, 2019 മാര്‍ച്ച് 1 മുതല്‍ 3 വരെ ഷിക്കാഗോ സെന്റ്. മേരീസ് ദൈവാലയത്തില്‍ വച്ച് നടത്തപ്പെടുന്നതാണ്. ഇതില്‍ പങ്കെടുക്കുവാന്‍ ആഗ്രഹിക്കുന്നവര്‍ 630 205 5078 എന്ന നമ്പറില്‍ ബന്ധപ്പെട്ട് അവരുടെ പേരുകള്‍ റെജിസ്റ്റര്‍ ചെയ്യേണ്ടതാണ്.

ന്യുജേഴ്‌സി ക്രിസ്തുരാജ ദൈവാലയത്തില്‍ വച്ച് നടത്തപ്പെട്ട ഈ പ്രീമാര്യേജ് കോഴ്‌സിന്, ഇടവക വികാരി ഫാ. റെനി കട്ടേല്‍, ലൂമോന്‍ ലൂക്കോസ് മാന്തുരുത്തില്‍, ജോസ് കുഞ്ഞ്ചാമക്കാല, ടോം കടയംപള്ളി, വിത്സണ്‍ വലിയകല്ലുങ്കല്‍, തോമസ് പാലശ്ശേരില്‍ തുടങ്ങിയവര്‍ നേതൃത്വം നല്‍കി.

Newsimg2_78626791 (1)


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top