Flash News

പെഷവാര്‍ ആക്രമണം: മരണ സംഖ്യ 81 ആയി

September 23, 2013 , ടി.പി. ആന്റണി, ന്യൂഡല്‍ഹി

Peshawar-church-attacks

പെഷവാര്‍: പെഷവാര്‍ ദേവാലയത്തിനു പുറത്തുണ്ടായ ചാവേര്‍ ആക്രമണങ്ങളില്‍ കൊല്ലപ്പെട്ടവരുടെ എണ്ണം 81 ആയി. 145 പേര്‍ക്കാണ് ആക്രമണങ്ങളില്‍ പരിക്കേറ്റത്. ഖിസ ഖവാനി ബാസാറിലെ ദേവാലയത്തില്‍ ഞായറാഴ്ച പ്രാര്‍ത്ഥനയ്‌ക്കെത്തിയ വിശ്വാസികളാണ് ആക്രമണത്തിന് ഇരകളായത്.

 

ക്രിസ്തീയ സമുദായത്തിനുനേര്‍ക്ക് പാക്കിസ്ഥാനിലുണ്ടായ ഏറ്റവും ശക്തമായ ആക്രമണമാണിത്. പോലീസും സുരക്ഷാ സേനയും സംഭവസ്ഥലം വളഞ്ഞിരിക്കുകയാണ്. ഇരട്ട ചാവേറുകളാണ് ആക്രമണം നടത്തിയത്.

 

കൊല്ലപ്പെട്ടവരില്‍ 34 സ്ത്രീകളും 7 കുട്ടികളും ഉള്‍പ്പെടും. തെഹ്‌റീക് താലിബാന്‍ പാക്കിസ്ഥാന്‍ ആക്രമണത്തിന്റെ ഉത്തരവാദിത്വം ഏറ്റെടുത്തു.

 

യുഎസ് ഡ്രോണ്‍ ആക്രമണങ്ങള്‍ നിറുത്തുന്നതുവരെ വിദേശീയരേയും അമുസ്ലീങ്ങളേയും കൊലപ്പെടുത്താന്‍ തെഹ്‌റീക് താലിബാന്‍ പദ്ധതി തയ്യാറാക്കിയതായി ടിടിപി വക്താവ് അഹ്മദ് മര്‍വാത് പറഞ്ഞു. ഇതിനായി ജുനൂദ് ഉല്‍ഹിഫ്‌സ എന്ന സംഘടന രൂപീകരിച്ചിട്ടുണ്ടെന്നും ഇയാള്‍ വ്യക്തമാക്കി.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top