Flash News

ഭദ്രാസന ഫാമിലി കോണ്‍ഫറന്‍സ്: യോങ്കേഴ്‌സ് പാര്‍ക്ക്ഹില്‍ ഇടവകയിലെ രജിസ്‌ട്രേഷന്‍ കിക്കോഫ്

January 9, 2019 , ജോര്‍ജ് തുമ്പയില്‍

IMG-20190109-WA0002

ന്യൂയോര്‍ക്ക് : മലങ്കര ഓര്‍ത്തഡോക്‌സ് സഭ നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി കോണ്‍ഫറന്‍സിന്റെ യോങ്കേഴ്‌സ് പാര്‍ക്ക്ഹില്‍ സെന്റ് ഗ്രിഗോറിയോസ് ഇടവകയിലെ രജിസ്‌ട്രേഷന്‍ കിക്കോഫ് 2019 ജനുവരി 6ന് നടന്നു. വികാരി ഫാ.നൈനാന്‍ ഈശോ ഫാമിലി കോണ്‍ഫറന്‍സ് ഭാരവാഹികളെ സ്വാഗതം ചെയ്യുകയും, കോണ്‍ഫറന്‍സിന് എല്ലാ പിന്തുണയും അറിയിക്കുകയും ചെയ്തു.

സഭാ മാനേജിംഗ് കമ്മിറ്റി അംഗം റോയി എണ്ണച്ചേരില്‍, ഭദ്രാസന കൗണ്‍സില്‍ അംഗങ്ങളായ സാജന്‍ മാത്യു, ഡോ.ഫിലിപ് ജോര്‍ജ്, കോണ്‍ഫറന്‍സ് ജനറല്‍ സെക്രട്ടറി ജോബി ജോണ്‍, മറ്റ് ഭാരവാഹികളായ സണ്ണി വറുഗീസ്, തോമസ് കോശി, മറിയാമ്മ ഏബ്രഹാം, ജീമോന്‍ വറുഗീസ്, ജെയ്‌സണ്‍ തോമസ്, ജിയോ ചാക്കോ എന്നിവര്‍ കോണ്‍ഫറന്‍സിനെപ്പറ്റിയുള്ള വിവരണം നല്‍കുകയും, ഇടവയാംഗങ്ങളെ ഉദ്ബുദ്ധമാക്കുകയും ചെയ്തു.

റോയി എണ്ണച്ചേരില്‍, സാജന്‍ മാത്യു, ബിബു ജോര്‍ജ്, ജേക്കബ് പി ചാക്കോ എന്നിവര്‍ ഗ്രാന്റ് സ്‌പോണ്‍സര്‍ മാത്യു രജിസ്റ്റര്‍ ചെയ്തു. സുവനീര്‍ പരസ്യങ്ങളും ലഭിച്ചു.

ജൂലൈ 17 മുതല്‍ 20 വരെ നടക്കുന്ന കോണ്‍ഫറന്‍സിനായുള്ള ഒരു ആലോചനായോഗം ജനുവരി 12 ശനിയാഴ്ച 2 മണിക്ക് മിഡ്‌ലാന്‍ഡ് പാര്‍ക്ക് സെന്റ് സ്റ്റീഫന്‍സ് ഇടവകയില്‍ വെച്ച് ഭദ്രാസന അദ്ധ്യക്ഷന്‍ സഖറിയ മാര്‍ നിക്കോളോവോസ് മെത്രാപ്പോലീത്തായുടെ അദ്ധ്യക്ഷതയില്‍ കൂടുമെന്ന്, ജനറല്‍ സെക്രട്ടറി ജോബി ജോണ്‍ അറിയിച്ചു. എല്ലാ കമ്മിറ്റിക്കാരും, അഭ്യുദയകാംക്ഷികളും പങ്കെടുക്കണമെന്നും അറിയിച്ചിട്ടുണ്ട്.(497 Godwin Ave, Midland Park, NJ).

IMG-20190109-WA0003 IMG-20190109-WA0004


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top