Flash News

ധന്യ സനല്‍ അഗസ്ത്യാര്‍കൂടം കയറിയ ആദ്യത്തെ സ്ത്രീ ; പ്രതിഷേധവുമായി ആദിവാസികള്‍

January 14, 2019

134669_1547458380തിരുവനന്തപുരം : പ്രതിഷേധങ്ങള്‍ക്കിടെ അഗസ്ത്യാര്‍കൂടം മലയുടെ മുകളില്‍ കയറി ഒരു വനിത .ഡിഫന്‍സ് പിആര്‍ഒ ധന്യ സനലാണ് ഹൈക്കോടതി വിധി വന്നതിന് ശേഷം ആദ്യമായി അഗസ്ത്യാര്‍കൂടത്തിന്റെ മുകളിലേക്ക് കയറിയത്. സ്ത്രീകളെ ട്രക്കിങ്ങില്‍ നിന്ന് മാറ്റി നിര്‍ത്താനാവില്ല എന്ന് പറഞ്ഞാണ് ഹൈക്കോടതി നിരോധനം നീക്കിയത്. വിധി വന്നതിന് ശേഷമുളള ആദ്യത്തെ അഗസ്ത്യാര്‍കൂടം യാത്രയാണ് ഇന്ന് ആരംഭിച്ചത്. നൂറോളം സ്ത്രീകളാണ് യാത്രയ്ക്ക് ബുക്ക് ചെയ്തിരിക്കുന്നത്.

എന്നാല്‍ ആദിവാസികളുടെ വികാരം വ്രണപ്പെടുത്താന്‍ താത്പര്യമില്ലെന്നും വിലക്കേര്‍പ്പെടുത്തിയിരിക്കുന്ന പ്രദേശത്തേക്ക് പോകില്ലെന്നും ധന്യ സനല്‍ വ്യക്തമാക്കി. നടവഴിയിലൂടെ മാത്രമായിരിക്കും താന്‍ യാത്ര ചെയ്യുകയെന്നും അവര്‍ കൂട്ടിച്ചേര്‍ത്തു. എന്നാല്‍ സ്ത്രീകള്‍ അഗസ്ത്യാര്‍കൂടത്തില്‍ യാത്ര ചെയ്യുന്നതിനെതിരെ പ്രതിഷേധവുമായി ആദിവാസികള്‍ രംഗത്തെത്തി. പ്ലക്കാര്‍ഡുകള്‍ പിടിച്ച് സ്ത്രീകളും കുട്ടികളും അടക്കമുളളവര്‍ ബോണക്കാട് പ്രതിഷേധം നടത്തി. അഗസ്ത്യാര്‍കൂടത്തിന്റെ അവസാനത്തെ മലയില്‍ പോകുന്നതിനെതിരെയാണ് കാണി ആദിവാസി വിഭാഗം രംഗത്തെത്തിയത്. അഗസ്ത്യ മുനി അന്ത്യവിശ്രമം കൊള്ളുന്ന മലയാണ് ഇതെന്നാണ് വിശ്വാസം. ആചാരലംഘനം നടത്തിയാല്‍ ശക്തമായി പ്രതിഷേധിക്കുമെന്നാണ് ആദിവാസി വിഭാഗത്തിന്റെ മുന്നറിയിപ്പ്.

സ്ത്രീകള്‍ക്കും 14 വയസ്സിന് താഴെയുളള കുട്ടികള്‍ക്കും തിരുവനന്തപുരം നെയ്യാര്‍ വന്യജീവി സങ്കേതത്തിലെ അഗസ്ത്യാര്‍കൂടത്തേക്കുളള പ്രവേശനം നേരത്തെ വനംവകുപ്പ് വിലക്കിയിരുന്നു. അന്വേഷി,വിംഗ്‌സ, പെണ്ണൊരുമ തുടങ്ങിയ സംഘടനകളിലെ പ്രതിനിധികള്‍ ഹൈക്കോതിയെ സമീപിച്ചതിനെ തുടര്‍ന്നാണ് അനുകൂല വിധി സമ്പാദിച്ചത്. ജനുവരി 14 മുതല്‍ മാര്‍ച്ച് 1 വരെയാണ് അഗസ്ത്യാര്‍കൂടം ട്രക്കിംഗ് നടക്കുക. അഗസ്ത്യാര്‍കൂടം മലയുടെ ഏറ്റവും മുകളിലേക്ക് സ്ത്രീകളെ കയറ്റുന്നതിനെതിരെ കാണി ആദിവാസി വിഭാഗവും ചില സംഘടനകളും പ്രതിഷേധം ഉയര്‍ത്തിയതിനെ തുടര്‍ന്നായിരുന്നു നിരോധനം കൊണ്ടുവന്നത്. സ്ത്രീകള്‍ മല കയറുന്നത് ആചാരലംഘനമായാണ് കാണി വിഭാഗം കണക്കാക്കുന്നത്.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top