Flash News

ആരാധനാലയങ്ങളില്‍ തോക്കുമായി പ്രവേശിക്കാം; വിര്‍ജീനിയ സെനറ്റിന്റെ അംഗീകാരം

January 26, 2019 , പി.പി. ചെറിയാന്‍

Newsimg1_91942526വിര്‍ജീനിയ: വിര്‍ജീനിയ സംസ്ഥാനത്തെ ദേവാലയങ്ങളിലേക്ക് ആരാധനയ്ക്കു വരുന്നവര്‍ക്ക് കൂടെ തോക്കും കൊണ്ടുവരാമെന്ന നിയമം വിര്‍ജീനിയ സെനറ്റ് അംഗീകരിച്ചു. ജനുവരി 24 വ്യാഴാഴ്ചയായിരുന്നു വിര്‍ജീനിയ സെനറ്റിന്റെ സുപ്രധാനമായ തീരുമാനമുണ്ടായത്.

വിര്‍ജീനിയ സെനറ്റിലെ റിപ്പബ്ലിക്കന്‍ അംഗങ്ങള്‍ എല്ലാവരും ബില്ലിനെ പിന്തുണച്ചപ്പോള്‍ ഡമോക്രാറ്റിക് അംഗങ്ങള്‍ ഇതിനെ എതിര്‍ത്തു. വിശ്വാസ സമൂഹം ഇത് ഒരിക്കലും ആഗ്രഹിക്കുന്നില്ലെന്ന് ഡമെക്രാറ്റിക് സെനറ്റര്‍ ബാര്‍ബര ഷെവെല (ആര്‍ലിംഗ്ടണ്‍) പറഞ്ഞു.

ആരാധനാലയങ്ങള്‍ക്കുനേരേ ഉണ്ടാകുന്ന ആക്രമങ്ങള്‍ തടയുന്നതിനു ഈ നിയമം ആവശ്യമാണെന്നു റിപ്പബ്ലിക്കന്‍ അംഗങ്ങള്‍ അഭിപ്രായപ്പെട്ടു. തോക്കുകള്‍ കൊണ്ട് ആരാധനാലയങ്ങള്‍ സംരക്ഷിക്കാമെന്നത് വെറും വ്യാമോഹമാണെന്നു ഈ നിയമത്തെ എതിര്‍ക്കുന്നവര്‍ പറയുന്നു.

പക്ഷെ ഈ നിയമം വിര്‍ജീനിയയില്‍ നിലനില്‍ക്കുമോ എന്നത് ചോദ്യചിഹ്നമാണ്. ഇവിടെ അധികാരത്തിലിരിക്കുന്ന ഡമോക്രാറ്റിക് ഗവര്‍ണര്‍ റാള്‍നോര്‍തം വില്ല് വീറ്റോ ചെയ്യുമെന്നാണ് പ്രതീക്ഷിക്കുന്നത്.

Newsimg2_78507366

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top