Flash News

പ്രണയത്തില്‍ നിന്നൊരല്പം ! (കവിത)

February 20, 2019 , അബൂതി

Pranayathil Ninnoralpam banner-1എന്നിലെ വാര്‍ദ്ധക്യം നെഞ്ച് കുത്തിച്ചുമയ്ക്കുന്ന –
നേരത്തൊരിത്തിരി ചുട് നീര് നീട്ടുവാന്‍ നിന്റെ –
പ്രണയത്തില്‍ നിന്നൊരല്പം നീ പാത്തുവച്ചീടണേ!
യൗവനം തൊണ്ട് തല്ലിപ്പടിയിറങ്ങിയ മേനിയില്‍ –
പൊടിയും വിയര്‍പ്പു മുത്തുകള്‍ മെല്ലെ തുടക്കണേ!

പകച്ചു പതറിയ കുഴിഞ്ഞ കണ്ണുകളിലെഴുതുവാന്‍
നിന്റെ പുഞ്ചിരിപ്പാലാഴിയില്‍ നിന്നുമൊരല്പം
ആശ്വാസത്തിന്റെ സുറുമ നീ പാത്തു വെക്കണേ!
കൊട്ടിയടച്ചു തുടങ്ങിയ കാതു കള്‍ക്കേകാന്‍ നിന്റെ
ഇശലിന്റെയീരടികള്‍ നീയോര്‍ത്തു വച്ചീടണേ!

പതുങ്ങിയെത്തുമ്മരണം നിന്‍ മാറില്‍ നിന്നുമെന്നെ-
പറിച്ചെടുക്കുവേയെനിക്കേകുവാന്‍ രണ്ടശ്രുകണങ്ങള്‍ –
പ്രണയാഗ്നിയില്‍ തിളപ്പിച്ച് നീ പാത്തു വെക്കണേ!
ഇരുളിന്റെ കമ്പളം കൊണ്ടെന്നെ പുതയ്ക്കുന്ന നേരം
മണ്ണിലേക്കെനിക്ക് കൂട്ടാകുവാനുള്ള നീര്‍ത്തുള്ളികള്‍!

ആത്മാവില്‍ കനലായിടും ചുടുചുംബനങ്ങളില്ലാത്ത;
ചുഴിയായ് മുറുക്കിമാറോട് ചേര്‍ക്കുമാലിംഗനങ്ങളില്ലാത്ത;
കാറ്റുപോല്‍ വഹിക്കുമുന്‍മാദ രതികൂജനങ്ങളില്ലാത്ത;
നുരുമ്പാന്‍ തുടങ്ങിയോരാരെന്‍ വയസ്സായ നെഞ്ചിനെ
തഴുകിയുറക്കുവാനിത്തിരി പ്രണയം നീ മാറ്റിവച്ചീടണേ!


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top