Flash News

ജെറോം ജെന്നിക്ക് മീഡിയ പ്‌ളസിന്റെ ബെസ്റ്റ് ടാലന്റഡ് ഫുട്‌ബോളര്‍ അവാര്‍ഡ്

March 23, 2019 , അഫ്സല്‍ കിളയില്‍

JEROME JENNY

മീഡിയ പ്ളസ് ഏര്‍പ്പെടുത്തിയ ബെസ്റ്റ് ടാലന്റഡ് ഫുട്‌ബോളര്‍ അവാര്‍ഡ് ജെറോം ജെന്നിക്ക് ഐ.സി.സി പ്രസിഡന്റ് എ.പി മണികണ്ഠന്‍, ഐ.സി.ബി.എഫ് പ്രസിഡന്റ് പി.എന്‍ ബാബുരാജന്‍ എന്നിവര്‍ ചേര്‍ന്ന് സമ്മാനിക്കുന്നു

ദോഹ: ഖത്തറിലെ ബിര്‍ള പബ്‌ളിക് സ്‌ക്കൂള്‍ അഞ്ചാം ക്‌ളാസ് വിദ്യാര്‍ഥി ജെറോം ജെന്നിക്ക് മീഡിയപ്‌ളസിന്റെ ബെസ്റ്റ് ടാലന്റഡ് ഫുട്‌ബോളര്‍ അവാര്‍ഡ്. ഐ.സി.സി അശോക ഹാളില്‍ നടന്ന വര്‍ണ്ണാഭമായ ചടങ്ങില്‍ ഐ.സി.സി പ്രസിഡന്റ് എ.പി മണികണ്ഠന്‍, ഐ.സി.ബി.എഫ് പ്രസിഡന്റ് പി.എന്‍ ബാബുരാജന്‍ എന്നിവര്‍ ചേര്‍ന്ന് അവാര്‍ഡ് സമ്മാനിച്ചു. ഖത്തറിലെ ഏഴ് ലക്ഷത്തോളം വരുന്ന ഇന്ത്യന്‍ സമൂഹത്തില്‍ നിന്നും ഖത്തരീ ക്ലബ്ബില്‍ അണ്ടര്‍ 12 കാറ്റഗറിയില്‍ കളിക്കുന്ന ഏക ഇന്ത്യന്‍ വിദ്യാര്‍ത്ഥിയാണ് ജെറോം.

ഖത്തറിലെ പ്രമുഖ സംരംഭകനും പൊതുപ്രവര്‍ത്തകനുമായ ജെന്നി ആന്റണിയുടെ രണ്ടാമത്തെ മകനായ ജെറോം കഴിഞ്ഞ രണ്ട് വര്‍ഷത്തോളമായി അല്‍ സദ്ദ് ക്‌ളബ്ബ് ടീമില്‍ കളിക്കുന്നുണ്ട്. തൃശൂര്‍ ജില്ലയിലെ കൊടുങ്ങല്ലൂര്‍ താലൂക്കില്‍പ്പെട്ട ചെന്ത്രാപ്പിന്നി സ്വദേശിയായ ജെറോം ഖത്തറിലാണ് ജനിച്ചത്. ഫുട്‌ബോളിനോടുള്ള അദമ്യമായ ആവേശമാണ് ജെറോമിനെ അല്‍ സദ്ദ് ക്‌ളബ്ബിലെത്തിച്ചത്.

മീഡിയ പ്ളസ് സി.ഇ.ഒ ഡോ. അമാനുല്ല വടക്കാങ്ങര അദ്ധ്യക്ഷത വഹിച്ചു. ഫാദര്‍ സേവേറിയോസ് തോമസ്, സ്റ്റാര്‍ കിച്ചണ്‍ എക്യുപ്മെന്റ്സ് & സ്റ്റാര്‍ എന്‍ സ്‌റ്റൈല്‍ ഫിറ്റ്നെസ് മാനേജിംഗ് ഡയറക്ടര്‍ പി.എം. അബ്ദുല്‍ സലാം, അസീം ടെക്നോളജീസ് ഫൗണ്ടര്‍ & സി.ഇ.ഒ ഷഫീഖ് കബീര്‍, എം.പി ട്രേഡേഴ്സ് മാനേജിംഗ് ഡയറക്ടര്‍ ഡോ. എം.പി ഷാഫി ഹാജി, ക്വാളിറ്റി അഡ്മിനിസ്ട്രേഷന്‍ കണ്‍സള്‍ട്ടന്‍സി മാനേജിംഗ് ഡയറക്ടര്‍ ഹംസാസ് കെ.എം, പി.കെ സ്റ്റാര്‍ ഗ്രൂപ്പ് മാനേജിംഗ് ഡയറക്ടര്‍ പി.കെ മുസ്തഫ എന്നിവര്‍ സന്നിഹിതരായിരുന്നു.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top