Flash News

ചിക്കാഗോ മാര്‍ത്തോമാ ശ്ലീഹാ കത്തീഡ്രലില്‍ നോമ്പുകാല ധ്യാനം

April 10, 2019 , ജോയിച്ചന്‍ പുതുക്കുളം

Newsimg1_8642167ചിക്കാഗോ: മാര്‍ത്തോമാ ശ്ശീഹാ കത്തീഡ്രലില്‍ 2019 -ലെ ഈസ്റ്ററിനൊരുക്കമായുള്ള നോമ്പുകാല ധ്യാനം ഏപ്രില്‍ 12-നു രാവിലെ 8.30-നുള്ള ദിവ്യബലിയോടെ ആരംഭിക്കും. ഷംഷാബാദ് രൂപത്യാധ്യക്ഷന്‍ മാര്‍ റാഫേല്‍ തട്ടിലായിരിക്കും ധ്യാനം നയിക്കുന്നത്. വെള്ളിയാഴ്ചയും ശനിയാഴ്ചയും രാവിലെ 10 മണി മുതല്‍ വൈകുന്നേരം 5 വരെ ആയിരിക്കും ധ്യാനപ്രസംഗങ്ങള്‍. ഞായറാഴ്ച ഉച്ചയ്ക്ക് രണ്ടു മണിയോടെ ധ്യാനം അവസാനിക്കുന്നതാണ്.

ഏപ്രില്‍ 9 മുതല്‍ ധ്യാനദിവസങ്ങളിലും വലിയ ആഴ്ചകളിലും മലയാളത്തിലും ഇംഗ്ലീഷിലും കുമ്പസാരിക്കുന്നതിനുള്ള സൗകര്യം ഉണ്ടായിരിക്കുന്നതാണ്. കുട്ടികള്‍ക്കും മുതിര്‍ന്നവര്‍ക്കും പ്രത്യേകമായി ധ്യാന പ്രസംഗങ്ങള്‍ ഉണ്ടായിരിക്കും. ബേബി സിറ്റിംഗിനുള്ള സൗകര്യവും ഏര്‍പ്പെടുത്തിയിട്ടുണ്ട്.

ഏപ്രില്‍ 18-ന് പെസഹാ വ്യാഴാഴ്ച വൈകിട്ട് 7-നു വി. കുര്‍ബാന, പ്രദക്ഷിണം, കാല്‍കഴുകല്‍ ശുശ്രൂഷയും വൈകിട്ട് 9 മുതല്‍ 12 വരെ വിശുദ്ധ കുര്‍ബാനയുടെ ആരാധന എന്നിവ നടക്കും. പെസഹാ വ്യാഴാഴ്ച ഒരു കുര്‍ബാനയേ ഉണ്ടായിരിക്കുകയുള്ളൂ. പെസഹാ അപ്പംമുറിക്കല്‍ എല്ലാ ഭവനങ്ങളിലും ആചരിക്കേണ്ടതാണ്.

ഏപ്രില്‍ 19-നു ദുഖവെള്ളിയാഴ്ച രാവിലെ 9 മുതല്‍ ഉച്ചകഴിഞ്ഞ 2 വരെ വാര്‍ഡ് തിരിച്ചുള്ള ആരാധനയും, 2 മുതല്‍ 4.30 വരെ ദുഖവെള്ളിയാഴ്ചയോടനുബന്ധിച്ചുള്ള പ്രത്യേക ധ്യാനചിന്താവതരണം, 5 മണിക്ക് കുരിശിന്റെ വഴി, 7-ന് പീഢാനുവ ചരിത്രം, നഗരികാണിക്കല്‍, കുരിശ് വന്ദനം എന്നിവ നടക്കും.

ഏപ്രില്‍ 20-നു രാവിലെ 8.30-നു വി. കുര്‍ബാന, പുത്തന്‍വെള്ളം വെഞ്ചരിപ്പ്, വൈകിട്ട് 7 മണിക്ക് ഈസ്റ്റര്‍ തിരുകര്‍മ്മങ്ങള്‍.

ഏപ്രില്‍ 21- ഈസ്റ്റര്‍ ഞായറാഴ്ച രാവിലെ പത്തിനു വി. കുര്‍ബാന.

ഏപ്രില്‍ 15,16,17 തീയതികളില്‍ കുട്ടികള്‍ക്കും മുതിര്‍ന്നവര്‍ക്കും കുമ്പസാരിക്കുന്നതിനുള്ള സൗകര്യം ഉണ്ടായിരിക്കുന്നതാണ്.

വിശുദ്ധ വാരാചരണ സമയക്രമം:

ഏപ്രില്‍ 14-ഓശാന ഞായര്‍.
രാവിലെ 8-ന് വി. കുര്‍ബാന, 9.30-നു ഓശാന തിരുകര്‍മ്മങ്ങള്‍ പാരീഷ് ഹാളില്‍ ആരംഭിക്കും. 10-നു വിശുദ്ധ കുര്‍ബാന- പ്രധാന ദേവാലയത്തില്‍ മലയാളത്തിലും, ബേസ്‌മെന്റ് ചാപ്പലില്‍ ഇംഗ്‌ളീഷിലും. 12 മണിക്ക് തമുക്കു നേര്‍ച്ച പാരീഷ് ഹാളില്‍. വൈകുന്നേരം 5.30-നു കത്തീഡ്രലിലും, 5 മണിക്ക് നോര്‍ത്ത് ബ്രൂക്കിലും വി. കുര്‍ബാന.

ഏപ്രില്‍ 15,16,17 തീയതികളില്‍ പതിവുപോലെ രാവിലെയും വൈകുന്നേരവും വി. കുര്‍ബാനയുണ്ടായിരിക്കുന്നതാണ്. കുമ്പസാരത്തിനുള്ള സൗകര്യവും ഉണ്ടായിരിക്കുന്നതാണ്. ഏപ്രില്‍ 17-നു വൈകുന്നേരം 6.30-നു ക്രിസം മാസ്. അടുത്തവര്‍ഷത്തേക്ക് ആവശ്യമായ മൂറോന്‍/തൈലം വെഞ്ചരിക്കുന്നത് ഇന്നേദിവസമാണ്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top