Flash News

രാഹുലിന്റെ പ്രസംഗം പരിഭാഷപ്പെടുത്തി ജ്യോതി വിജയകുമാര്‍ കൈയ്യടി നേടി

April 16, 2019

raga-speechകൊല്ലം: പത്തനാപുരത്ത് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ പ്രസംഗത്തില്‍ കൈയ്യടി നേടിയത് തര്‍ജ്ജമയ്ക്ക്. സിവില്‍ സര്‍വ്വീസ് അക്കാദമിയിലെ ഫാക്വല്‍ട്ടിയായ ജ്യോതി വിജയകുമാറാണ് രാഹുലിന്റെ പത്തനാപുരം പ്രസംഗം പരിഭാഷ ചെയ്തത്. മാധ്യമപ്രവര്‍ത്തകയും അഭിഭാഷകയും കൂടിയായ ജ്യോതി ഇതാദ്യമായല്ല ജ്യോതി രാഹുലിന്റെ പ്രസംഗം തര്‍ജ്ജമ ചെയ്യുന്നത്. രാഹുലിന്റെ പ്രസംഗത്തിന്റെ ഫീല്‍ അതേ രീതിയില്‍ പ്രതിഫലിക്കുകയായിരുന്നു ജ്യോതിയുടെ പരിഭാഷയിലൂടെ. രാഹുല്‍ സംസാരിക്കുന്ന അതേ വേഗത്തില്‍ തന്നെയായിരുന്നു ജ്യോതിയുടെ പരിഭാഷയും.

വാക്കുകളുടെ ആശയം ഒട്ടും ചോരാതെ മലയാളികള്‍ക്ക് എളുപ്പം മനസിലാക്കാന്‍ സഹായകരമാകുന്ന കൂട്ടിച്ചേര്‍ക്കലുകള്‍ വരുത്തിയായിരുന്നു ജ്യോതി സംസാരിച്ചത്. 2011ല്‍ ജന്മനാടായ ചെങ്ങന്നൂരില്‍ രാഹുല്‍ ഗാന്ധിയുടെ പ്രസംഗം പരിഭാഷ ചെയ്തുകൊണ്ടാണ് ജ്യോതി പരിഭാഷകയെന്ന നിലയില്‍ തുടക്കമിട്ടത്. തുടര്‍ന്ന് 2014ലെ ലോക്സഭാ തെരഞ്ഞെടുപ്പ് വേളയിലും ജ്യോതി രാഹുലിന്റെ വാക്കുകള്‍ തര്‍ജ്ജമ ചെയ്തു. അന്ന് പ്രസംഗം കഴിഞ്ഞ് രാഹുല്‍ ജ്യോതിയെ അഭിനന്ദിച്ചിരുന്നു. ഇംഗ്ലീഷ് സാഹിത്യത്തില്‍ ബിരുദാനന്തര ബിരുദം നേടിയ ജ്യോതി 1999ല്‍ തിരുവനന്തപുരത്തെ മാര്‍ ഇവാനിയസ് കോളജിലെ ആദ്യ വനിതാ ചെയര്‍പേഴ്സണ്‍ ആയിരുന്നു. തിരുവനന്തപുരം പ്രസ് ക്ലബ്ബില്‍ നിന്നും ജേണലിസത്തില്‍ പി.ജി ഡിപ്ലോമ ചെയ്ത ജ്യോതി നിയമ ബിരുദവും കരസ്ഥമാക്കിയിട്ടുണ്ട്. നേരത്തെ ദൂരദര്‍ശനില്‍ അവതാരകയായും പ്രവര്‍ത്തിച്ചിട്ടുണ്ട്.

2017ല്‍ കോണ്‍ഗ്രസ് അധ്യക്ഷയായിരുന്ന സോണിയാ ഗാന്ധി കേരളത്തില്‍ വന്നവേളയിലും സോണിയയുടെ പ്രസംഗം പരിഭാഷ ചെയ്തചും ജ്യോതിയായിരുന്നു. ആ പരിഭാഷയും വലിയ കയ്യടി നേടിയിരുന്നു. സോണിയ ഗാന്ധിയടക്കമുള്ളവര്‍ ജ്യോതിയെ അഭിനന്ദിക്കുകയും ചെയ്തിരുന്നു. ഇന്ദിരാഗാന്ധിയുടെ വലിയ ആരാധികയായ ജ്യോതി ഇന്ദിരാഗാന്ധിയെക്കുറിച്ചുള്ള എ.ഐ.സി.സിയുടെ ‘ഇന്ദിരാഗാന്ധി, ലൈഫ് ഓഫ് സ്ട്രഗിള്‍’ എന്ന കയ്യെഴുത്ത് പ്രതികള്‍ പരിഭാഷപ്പെടുത്തിയിരുന്നു. അന്ന് മുതലാണ് കെ.പി.സി.സി ജ്യോതിയെന്ന പരിഭാഷകയെ, പ്രാസംഗികയെ കോണ്‍ഗ്രസ് വേദികളില്‍ ഉപയോഗപ്പെടുത്താന്‍ തുടങ്ങിയത്. 2018ല്‍ ചെങ്ങന്നൂര്‍ ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ത്ഥിയായി മത്സരിച്ച ഡി.സി.സി മുന്‍ ജനറല്‍ സെക്രട്ടറിയായ ഡി. വിജയകുമാറിന്റെ മകളാണ് ജ്യോതി. ഐ.ടി പ്രഫഷണലായ ആര്‍ പാരിയാണ് ജ്യോതിയുടെ ഭര്‍ത്താവ്.

jyothi-vijayakumar


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top