Flash News

റാന്നി സ്വദേശി ജോബിന്‍ മാത്യുവിനെ തേടി ബ്രിട്ടിഷ് കൊട്ടാരത്തിന്റെ അംഗീകാരം

May 15, 2019 , നിബു വെള്ളവന്താനം

received_375895999936100മാഞ്ചസ്റ്റര്‍: മെയ് 21, 23 തിയ്യതികളില്‍ ബ്രിട്ടീഷ് ബക്കിംഗ്‌ഹാം കൊട്ടാരത്തില്‍ എലിസബത്ത് രാജ്ഞി ക്ഷണിച്ചിരിക്കുന്ന പ്രത്യേക ഗാര്‍ഡന്‍ ടീ പാര്‍ട്ടിയില്‍ ലിവര്‍പൂള്‍ മലയാളിയും ഷെഫുമായ ജോബിന്‍ മാത്യുവിന് ബ്രിട്ടീഷ് കൊട്ടാര വിഭാഗത്തിന്റെ പ്രത്യേക ക്ഷണം ലഭിച്ചു. റാന്നി കുറ്റിയില്‍ പാസ്റ്റര്‍ മാത്യൂ ജേക്കബിന്റെ മകനാണ് ജോബിന്‍.

2018 മെയ് 19ന് വിന്‍സര്‍ കാസില്‍ വെച്ച് നടന്ന ഹാരി-മേഗന്‍ രാജകീയ വിവാഹത്തില്‍ ജോബിന്‍ മാത്യു ഷെഫുമാരില്‍ ഒരാളായി തിരഞ്ഞെടുക്കപ്പെട്ടിരുന്നു. രണ്ടായിരത്തിലധികം അപേക്ഷകരില്‍ പന്ത്രണ്ടാമത്തെ പേരുകാരനായിട്ടാണ് ജോബിനെ തിരഞ്ഞെടുത്തത്.

ഇംഗ്ലണ്ടിലെ സി.എച്ച് & കോ എന്ന പ്രശസ്തമായ കേറ്ററിംഗ് വിഭാഗത്തിന്റെ സ്കൂള്‍, കോളേജ് ഇവന്‍റ് മാനേജര്‍മാരില്‍ ഒരാളാണ് ജോബിന്‍ മാത്യു. മുംബൈയില്‍ നിന്നും കേറ്ററിംഗ് ബിരുദം നേടിയ ശേഷം ഹോട്ടല്‍ ലീലയിലും അതിനുശേഷം കോമ്പസ് ഗ്രൂപ്പ്, സൗത്ത് ഈസ്റ്റ് ഏഷ്യയിലെ തായ്‌ലന്‍ഡ്, സിംഗപ്പൂര്‍, മലേഷ്യ, വിയറ്റ്‌നാം ഓഫ്‌ഷോര്‍ മാനേജരായും സേവനമനുഷ്ഠിച്ചിട്ടുണ്ട്.

കഴിഞ്ഞ ദിവസങ്ങളില്‍ വാര്‍ത്തകളില്‍ നിറഞ്ഞുനിന്ന ഫുട്‌ബോള്‍ മാമാങ്കത്തില്‍ ലിവര്‍പൂളിനുവേണ്ടി ഗോളുകള്‍ നേടിയ ഡിവോക് ഒറിഗിയുടെ പേഴ്‌സണല്‍ ഷെഫ്‌മാരില്‍ പ്രധാനിയുമാണ് ജോബിന്‍ മാത്യു. യുകെയില്‍ വിവിധ മലയാളി വാര്‍ഷിക കണ്‍വന്‍ഷനുകളിലെ കേറ്ററിംഗ് സര്‍വീസുകള്‍ക്കും ജോബിന്‍ നേതൃത്വം നല്‍കി വരുന്നു.

പത്തനംതിട്ട ജില്ലയിലെ റാന്നി സ്വദേശിയണ് കുറ്റിയില്‍ ജോബിന്‍. ഭാര്യ ഷെര്‍ലി ജോബിന്‍. മക്കള്‍: രൂബേന്‍ മാത്യു, ജിയാന മാത്യു.

received_419276755319925 received_796667210716639received_2347947652157813


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top