Flash News

ശനിയാഴ്ച 137മത് സാഹിത്യ സല്ലാപം ഡോ. ഔസേപ്പറമ്പിലിനൊപ്പം!

May 30, 2019 , ജയിന്‍ മുണ്ടയ്ക്കല്‍

137AMSSഡാളസ്: 2019 ജൂണ്‍ ഒന്നാം തീയതി ശനിയാഴ്ച സംഘടിപ്പിക്കുന്ന നൂറ്റിമുപ്പത്തിയേഴാമത് അമേരിക്കന്‍ മലയാളി സാഹിത്യ സല്ലാപം ‘ഡോ. ഔസേപ്പറമ്പിലിനൊപ്പം’ ആണ് നടത്തുക. ആധുനിക കത്തോലിക്കാ നവീകരണ പ്രസ്ഥാനക്കാര്‍ക്കിടയില്‍ പ്രമുഖ സ്ഥാനം വഹിക്കുന്ന പ്രവാസി കത്തോലിക്കാ പുരോഹിതനായ ‘ഡോ. ഔസേപ്പറമ്പിലാണ്’ പ്രമുഖ പ്രഭാഷണം നടത്തുന്നത്. ഇന്ത്യയിലെ പേരുകേട്ട പൂനാ സര്‍വ്വകലാശാലയിലെ ശാസ്ത്രാദ്ധ്യാപകനും ഗവേക്ഷകനും ആയിരുന്ന അദ്ദേഹം നാല്‍പ്പതോളം ഗവേക്ഷണ പ്രബന്ധങ്ങളുടെയും ധാരാളം ഈടുറ്റ പുസ്തകങ്ങളുടെയും രചയിതാവാണ്. പുരോഗമനവാദിയും എഴുത്തുകാരനും ചിന്തകനുമായ ഡോ. ഔസേപ്പറമ്പിലിനോട് നേരിട്ട് സംവദിക്കാനുള്ള ഈ അവസരം ഉപയോഗിക്കുവാനും അമേരിക്കന്‍ മലയാളികളുമായി ബന്ധപ്പെട്ട മറ്റു സാമൂഹിക സാഹിത്യ സാംസ്കാരിക ഭാഷാ വിഷയങ്ങള്‍ സമഗ്രമായി ചര്‍ച്ച ചെയ്യുവാനും താത്പര്യമുള്ള സഹൃദയരായ എല്ലാ നല്ല ആളുകളെയും ഭാഷാസ്‌നേഹികളെയും അമേരിക്കന്‍ മലയാളി സാഹിത്യ സല്ലാപത്തിലെയ്ക്ക് സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

2019 മെയ് നാലാം തീയതി ശനിയാഴ്ച സംഘടിപ്പിച്ച നൂറ്റിമുപ്പത്തിയാറാമത് അമേരിക്കന്‍ മലയാളി സാഹിത്യ സല്ലാപം ‘എതിരന്‍ കതിരവനൊപ്പം’ എന്ന പേരിലാണ് നടത്തിയത്. മലയാള പുരോഗമന ചിന്തകന്മാര്‍ക്കിടയില്‍ പ്രമുഖ സ്ഥാനം വഹിക്കുന്ന അമേരിക്കന്‍ മലയാളിയായ ‘ഡോ. ശ്രീധരന്‍ കര്‍ത്താ’ ആണ് ‘എതിരന്‍ കതിരവന്‍’ എന്ന പേരില്‍ അറിയപ്പെടുന്നത്. അമേരിക്കയിലെ പേരുകേട്ട ചിക്കാഗോ സര്‍വ്വകലാശാലയിലെ ശാസ്ത്രാദ്ധ്യാപകനും ഗവേക്ഷകനും എഴുത്തുകാരനും പ്രഭാഷകനും ചിന്തകനും ആണ് ഡോ. കര്‍ത്താ. പുരോഗമനവാദിയും ചിന്തകനുമായ എതിരന്‍ കതിരവനുമായി നേരിട്ട് സംവദിക്കാനും അദ്ദേഹത്തിന്‍റെ വിവിധ പ്രവര്‍ത്തന മണ്ഡലങ്ങളെക്കുറിച്ചു കൂടുതല്‍ അറിയുവാനും ഈ അവസരം ഉപകാരപ്പെട്ടു. സഹൃദയരായ അനേകം അമേരിക്കന്‍ മലയാളികള്‍ നൂറ്റിമുപ്പത്തിയാറാമത് അമേരിക്കന്‍ മലയാളി സല്ലാപത്തില്‍ പങ്കെടുത്ത് സംസാരിക്കുകയുണ്ടായി.

മനോഹര്‍ തോമസ്, ഡോ. എന്‍. പി. ഷീല, കെ. കെ. ജോണ്‍സന്‍, ഡോ. രാജന്‍ മര്‍ക്കോസ്, ജോര്‍ജ്ജ് വര്‍ഗീസ്, മേരി ശശി, അമ്മിണി, പി. പി. ചെറിയാന്‍, ജോസഫ് പോന്നോലി, തോമസ് എബ്രഹാം, സജി കരിമ്പന്നൂര്‍, സുനില്‍ മാത്യു വല്ലാത്തറ, യു. എ. നസീര്‍, ജോര്‍ജ് വര്‍ഗീസ്, തോമസ് ഫിലിപ്പ് റാന്നി, ശാന്ത രാജു തോമസ്, രാജു തോമസ്, ജോസഫ് തോമസ്, വര്‍ഗീസ് എബ്രഹാം ഡെന്‍വര്‍ , പി. വി. ചെറിയാന്‍, ജേക്കബ് കോര, ചാക്കോ ജോര്‍ജ്ജ്, തോമസ് ഫിലിപ്പ്, ജോസഫ് മാത്യു, വര്‍ഗീസ് ജോയി, ജേക്കബ് സി. ജോണ്‍, ജോര്‍ജ്ജ് വര്‍ഗീസ് നോര്‍ത്ത് കരോളിന, സി. ആന്‍ഡ്‌റൂസ്, ജയിന്‍ മുണ്ടയ്ക്കല്‍ എന്നിവരും ചര്‍ച്ചയില്‍ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളില്‍ നിന്നായി ധാരാളം ശ്രോതാക്കളും ഉണ്ടായിരുന്നു.

എല്ലാ മാസത്തിലെയും ആദ്യ ശനിയാഴ്ചയിലായിരിക്കും അമേരിക്കന്‍ മലയാളി സാഹിത്യ സല്ലാപം നടത്തുന്നത്. സല്ലാപത്തില്‍ പങ്കെടുക്കുവാന്‍ എല്ലാ ആദ്യശനിയാഴ്ചയും രാവിലെ പത്തു മുതല്‍ പന്ത്രണ്ട് വരെ (ഈസ്‌റ്റേണ്‍ സമയം) നിങ്ങളുടെ ടെലിഫോണില്‍ നിന്നും താഴെ കൊടുത്തിരിക്കുന്ന ടെലിഫോണ്‍ നമ്പരിലേയ്ക്ക് വിളിക്കാവുന്നതാണ്. 18572320476 കോഡ് 365923

ടെലിഫോണ്‍ ചര്‍ച്ചയില്‍ പങ്കെടുക്കുന്ന എല്ലാവര്‍ക്കും ചോദ്യങ്ങള്‍ ചോദിക്കാന്‍ അവസരം ഉണ്ടായിരിക്കും. jain@mundackal.com , internationalmalayalam@gmail.com എന്ന ഇമെയില്‍ വിലാസങ്ങളില്‍ ചര്‍ച്ചയില്‍ അവതരിപ്പിക്കാന്‍ താത്പര്യമുള്ള വിഷയങ്ങളും ചോദ്യങ്ങളും മുന്‍കൂറായി അയച്ചു കൊടുക്കാവുന്നതാണ്. കൂടുതല്‍ വിവരങ്ങള്‍ക്ക് ബന്ധപ്പെടുക: 8133893395 / 4696203269.
Join us on Facebook https://www.facebook.com/groups/142270399269590/


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top