Flash News

ന്യൂയോര്‍ക്കില്‍ ഇന്ത്യന്‍ വംശജനായ ഹിന്ദു പുരോഹിതന് മര്‍ദനം; ഒരാള്‍ പിടിയില്‍

July 21, 2019

Newsimg1_19062618ന്യൂയോര്‍ക്ക്: ഇന്ത്യന്‍ വംശജനായ ഹിന്ദു പുരോഹിതന് നേരെ ന്യൂയോര്‍ക്കില്‍ ആക്രമണം. ഗ്ലെന്‍ ഓക്‌സിലെ ശിവ് ശക്തി പീത് ക്ഷേത്രത്തിലെ പുരോഹിതനായ സ്വാമി ഹരീഷ് ചന്ദര്‍പുരി ആണ് ആക്രമണത്തിനിരയായത്. വ്യാഴാഴ്ച രാവിലെ 11 മണിയോടെയായിരുന്നു സംഭവം.

തെരുവിലൂടെ നടന്ന് പോകവെ ക്ഷേത്രത്തിന് സമീപത്ത് വെച്ച് ഒരാള്‍ പിന്നില്‍ നിന്ന് മര്‍ദിക്കുകയായിരുന്നുവെന്ന് അദ്ദേഹം പറഞ്ഞു. മര്‍ദനത്തില്‍ പരിക്കേറ്റ പുരിയെ ആശുപത്രിയില്‍ പ്രവേശിപ്പിച്ചു.

ഹരീഷ് ചന്ദര്‍ പുരിയുടെ മുഖം ഉള്‍പ്പടെ ശരീരത്തിന്‍െറ വിവിധ ഭാഗങ്ങളില്‍ ചതവുകളേറ്റിട്ടുണ്ട്. സംഭവവുമായി ബന്ധപ്പെട്ട് സെര്‍ജിയോ ഗൗവേയ്(52) എന്നയാളെ പൊലീസ് അറസ്റ്റ് ചെയ്തു. മര്‍ദിച്ചതിനും അപമാനിച്ചതിനും കുറ്റകരമായ രീതിയില്‍ ആയുധം കൈവശം വെച്ചതിനും പൊലീസ് കേസെടുത്തിട്ടുണ്ട്. ‘ഇത് എന്‍െറ അയല്‍പക്കമാണ്’ എന്ന് ആക്രമണത്തിനിടെ അക്രമി വിളിച്ചു പറയുന്നുണ്ടായിരുന്നുവെന്നാണ് വിവരം.

നാല് ഡെമോക്രാറ്റിക് കോണ്‍ഗ്രസ് വനിതകള്‍ക്കെതിരെ ട്രംപ് ട്വീറ്റ് ചെയ്ത് ദിവസങ്ങള്‍ക്കകമാണ് പുരോഹിതനെതിരെ ആക്രമണമുണ്ടായത്. ‘‘ഞങ്ങളുടെ രാജ്യം സ്വതന്ത്രവും സുന്ദരവും വിജയകരവുമാണ്. നിങ്ങള്‍ ഞങ്ങളുടെ രാജ്യത്തെ വെറുക്കുകയാണെങ്കില്‍, നിങ്ങള്‍ക്ക് ഇവിടെ സന്തോഷകരമല്ലെങ്കില്‍, പോകാം.’’എന്നായിരുന്നു ട്രംപിന്‍െറ ട്വീറ്റ്.

 


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top