Flash News

കാമുകനൊപ്പം പോകാന്‍ ഭര്‍ത്താവിനെ ക്രൂരമായി കൊലപ്പെടുത്തി; അമ്മയ്ക്ക് വധശിക്ഷ നല്‍കണമെന്ന് മക്കള്‍

July 24, 2019

mur_2ചഢീഗഡ്: കാമുകനൊപ്പം പോകാന്‍ രണ്ടു കുട്ടികളുടെ അമ്മയായ യുവതി ഭര്‍ത്താവിനെ കൊലപ്പെടുത്തി. സിമ്രാന്‍ കൗര്‍ എന്ന യുവതിയാണ് ഭര്‍ത്താവ് രാജ്പ്രീതിനെ കൊലപ്പെടുത്തിയ ശേഷം കാമുകനൊപ്പം പോയത്. പഞ്ചാബിലെ തന്‍തരണ്‍ ജില്ലയില്‍ ഞായറാഴ്ച രാത്രിയാണ് സംഭവം.

ഭര്‍ത്താവിന് കഴിക്കാനുള്ള ഭക്ഷണത്തില്‍ യുവതി വിഷം കലര്‍ത്തിയിരുന്നു. എന്നാല്‍ ഇത് കൊണ്ട് ഭര്‍ത്താവ് മരിക്കുമോയെന്ന സംശയം ഉണ്ടായി. തുടര്‍ന്ന് കയറുപയോഗിച്ച് കഴുത്ത് ഞെരിച്ചു. അബോധാവസ്ഥയിലായ ഭര്‍ത്താവ് മരിച്ചുവെന്ന് കരുതി സിമ്രാന്‍ മക്കളെ ഭര്‍ത്താവിന്റെ വീട്ടില്‍ ഏല്‍പ്പിച്ച ശേഷം കാമുകനോടൊപ്പം സ്ഥലം വിടുകയായിരുന്നു.
രജ്പ്രീതിന്റെ വീട്ടിലെത്തിയ കുട്ടികള്‍ അച്ഛന്റെ കഴുത്തില്‍ അമ്മ കയറിട്ട് മുറുക്കുന്നതു കണ്ടതായി മുത്തശ്ശനോട് പറഞ്ഞതോടെയാണ് സംഭവം പുറംലോകം അറിഞ്ഞത്. ഉടനെ കുട്ടികളെയും കൂട്ടി വീട്ടിലെത്തിയ ബന്ധുക്കള്‍ കണ്ടത് മരണത്തോട് മല്ലിടുന്ന രജ്പ്രീതിനെയാണ്. ഉടനെ ഇദ്ദേഹത്തെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

അച്ഛനെ കൊന്ന അമ്മയെ തൂക്കിക്കൊല്ലണമെന്നാണ് മക്കളുടെ ആവശ്യം.

രാജ്പ്രീതും സിമ്രാനും തമ്മിലുള്ള വിവാഹം നടന്നിട്ട് 12 വര്‍ഷമായി. അടുത്തിടെയാണ് സിമ്രാന്‍ മറ്റൊരു യുവാവുമായി പ്രണയത്തിലായത്. മക്കളെയോര്‍ത്തങ്കിലും ഈ ബന്ധത്തില്‍ നിന്ന് പിന്മാറണമെന്ന് സിമ്രാന്റെ കുടുംബം ആവശ്യപ്പെട്ടിരുന്നു. എന്നാല്‍ യുവതി ഇതിന് തയ്യാറായില്ല. യുവതിക്കും കാമുകനുമെതിരെ രാജ്പ്രീതിന്റെ പിതാവ് പരാതി നല്‍കിയിട്ടുണ്ട്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top