Flash News

സാൻഡിയാഗോയിൽ കേരള ക്ളബ്ബും വായനശാലയും ഉദ്ഘാടനം ചെയ്തു

September 9, 2019 , joychen puthukulam

Newsimg1_9596575സാന്‍ഡിയാഗോ: കേരള കള്‍ച്ചറല്‍ ആന്‍ഡ് ലിറ്റററി ക്ലബ്ബിന്റെ (കേരള ക്ലബ് ഓഫ് സാന്‍ ഡിയാഗോ) ഔപചാരിക ഉത്ഘാടനം കഴിഞ്ഞ ദിവസം മുന്‍ മിസോറം ഗവര്‍ണ്ണര്‍ കുമ്മനം രാജശേഖരന്‍ നിര്‍വഹിച്ചു. മുതിര്‍ന്ന മാധ്യമപ്രവര്‍ത്തകന്‍ പി. ശ്രീകുമാര്‍ ക്ലബിന്റെ ആദ്യത്തെ ബുക്ക് ഭാരവാഹികള്‍ക്ക് കൈമാറി. കുമ്മനം രാജശേഖരന്‍ മലയാളം ഭാഷ പഠനത്തിന്റെ ആവശ്യകതയെ കുറിച്ചും, പാരമ്പര്യവും, മലയാള സംസ്‌കാരവും അടുത്ത തലമുറകളിലേക്ക് പകര്‍ന്നു കൊടുക്കേണ്ടതിനെ കുറിച്ചും, കെട്ടുറപ്പുള്ള ഒരു സമൂഹത്തെ വളര്‍ത്തിയെടുക്കുന്നതില്‍ വായനശാലകളുടെ പ്രാധാന്യത്തെ കുറിച്ചും വിശദീകരിച്ചു, തുടര്‍ന്ന് ക്ലബ് നടത്തിയ മലയാളം ക്ലാസ്സിലെ കുട്ടികള്‍ക്ക് സര്‍ട്ടിഫിക്കറ്റ് വിതരണം ചെയ്തു. കേരളത്തിന്റെ വിവിധഭാഗങ്ങളില്‍ നിന്നുള്ള നൂറോളം കുടുംബങ്ങള്‍ പങ്കെടുത്ത ചടങ്ങില്‍ കുമ്മനം രാജശേഖരന്‍ എല്ലാവരുമായും നേരിട്ട് സംവദിച്ചത് പ്രവാസി മലയാളികളായ അമേരിക്കക്കാര്‍ക്ക് ഒരു വേറിട്ട അനുഭവമായി.
ശ്യാം ശങ്കര്‍ സ്വാഗത പ്രസംഗം നടത്തുകയും, ഈ ക്ലബ്ബിന്റെ ഇനിയുള്ള പ്രവര്‍ത്തന രീതികളെ കുറിച്ച് വിശദീകരിക്കുകയും ചെയ്തു, തുടര്‍ന്ന് കുട്ടികള്‍ വിവിധ കലാപരിപാടികള്‍ അവതരിപ്പിച്ചു. ഹരികൃഷ്ണന്‍, രഞ്ജിത് നായര്‍, മനീഷ് കെ എം , സുരേഷ് നെല്ലിക്കാട് തുടങ്ങിയവര്‍ പരിപാടികള്‍ ഏകോപിപ്പിക്കുകയും, ഹരീഷ് പിള്ള നന്ദി പറയുകയും ചെയ്തു. മലയാളം ക്ലാസ്സിലെ അധ്യാപകരായ അനിത പൊറ്റക്കാട്, വിധു നായര്‍, ശാലിനി പിള്ള, നന്ദിത വര്‍മ്മ, ബിന്ദു നായര്‍ എന്നിവര്‍ ചടങ്ങുകള്‍ക്ക് നേതൃത്വം നല്‍കി

Newsimg3_63909965

Newsimg2_12106152


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top