Flash News

ഇന്നുമുതൽ ഇരുചക്ര വാഹനങ്ങളുടെ പിൻസീറ്റിൽ യാത്രചെയ്യുന്നവർക്കും ഹെല്‍മെറ്റ് നിര്‍ബന്ധം

December 1, 2019

images_159തിരുവനന്തപുരം: സംസ്ഥാനത്ത് ഇന്ന് (നവംബർ 1) മുതല്‍ ഇരുചക്ര വാഹനങ്ങളുടെ പിൻസീറ്റിൽ യാത്രചെയ്യുന്നവർക്കും ഹെല്‍മെറ്റ് നിര്‍ബന്ധം. കുട്ടികളുള്‍പ്പെടെ പിന്‍സീറ്റില്‍ യാത്ര ചെയ്യുന്നവർക്കെല്ലാം ഹെല്‍മെറ്റ് നിര്‍ബന്ധമാക്കിക്കൊണ്ട് രണ്ടാഴ്ച മുമ്പാണ് ഹൈക്കോടതി ഉത്തരവിട്ടത്. ഹൈക്കോടതി വിധിയുടെ പശ്ചാത്തലത്തില്‍ 4 വയസ്സിന് മുകളിലുള്ള ഇരുചക്ര വാഹന യാത്രക്കാര്‍ ബിഐഎസ് അംഗീകൃത ഹെല്‍മെറ്റ് ധരിക്കണമെന്ന് നിര്‍ദ്ദേശിച്ച് ട്രാന്‍സ്പോര്‍ട്ട് കമ്മീഷണര്‍ക്കും ഡിജിപിക്കും ജില്ലാ കലക്ടര്‍മാര്‍ക്കും ആര്‍ടിഒമാര്‍ക്കും ഗതാഗത വകുപ്പ് പ്രിന്‍സിപ്പല്‍ സെക്രട്ടറി കത്തയച്ചിട്ടുണ്ട്.

ഹെല്‍മെറ്റില്ലാതെയും സീറ്റ് ബല്‍റ്റില്ലാതെയും യാത്ര ചെയ്യുന്നവര്‍ക്ക് 500 രൂപയാണ് പിഴയായി സംസ്ഥാന സര്‍ക്കാര്‍ നിശ്ചയിച്ചിരിക്കുന്നത്. വാഹന ഉടമയില്‍ നിന്നാണ് പിഴ ഈടാക്കുക. കുറ്റം ആവർത്തിച്ചാൽ 1,000 രൂപയും പിഴ നൽകേണ്ടി വരും. സ്ഥിരമായി ഹെല്‍മെറ്റ് വയ്ക്കാതെ യാത്ര ചെയ്താല്‍ ലൈസന്‍സ് റദ്ദാക്കുന്നതുള്‍പ്പെടേയുള്ള നടപടികളിലേക്ക് നീങ്ങും.

കേന്ദ്ര മോട്ടോര്‍ വാഹന നിയമഭേദഗതിയില്‍ ഇരുചക്ര വാഹനങ്ങളിലെ പിന്‍സീറ്റ് യാത്രക്കാര്‍ക്കും ഹെല്‍മെറ്റ് നിര്‍ബന്ധമാക്കിയിരുന്നെങ്കിലും സംസ്ഥാനം നടപ്പാക്കിയിരുന്നില്ല. തുടര്‍ന്നാണ് ഈ വിഷയത്തില്‍ ഹൈക്കോടതിയുടെ ഇടപെടലുണ്ടായത്.

ഇരുചക്ര വാഹനങ്ങളിലെ രണ്ട് യാത്രക്കാരും ഹെല്‍മെറ്റ് ഉപയോഗിക്കുന്നുണ്ടെന്ന് ഉറപ്പുവരുത്താന്‍ ഇന്നു മുതല്‍ പരിശോധനയുണ്ടാവും.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top