Flash News

ലീല മാരേട്ട് ടീമില്‍ മത്സരിക്കുന്ന ഫൊക്കാന യൂത്ത് പ്രതിനിധി ഗണേഷ് എസ്. ഭട്ടിനു പിന്തുണയേറി

February 14, 2020 , ജോയിച്ചന്‍ പുതുക്കുളം

ganeshന്യൂയോര്‍ക്ക്: നിലവിലുള്ള ഫൊക്കാന നാഷണല്‍ കമ്മിറ്റിയില്‍ യൂത്ത് പ്രതിനിധിയായ ഗണേഷ് എസ്. ഭട്ട് ലീല മാരേട്ട് ടീമില്‍ ഒരു തവണ കൂടി യൂത്ത് പ്രതിനിധിയായി മത്സരിക്കാന്‍ തീരുമാനിച്ചു.

കേരള അസോസിയേഷന്‍ ഓഫ് ഗ്രേറ്റര്‍ വാഷിംഗ്ടണ്‍ അംഗമായ ഗണേഷ് സിനിമാ സംവിധായകനും, മികച്ച നടനും, കഴിവുറ്റ കഥാകൃത്തുമാണ്. നൃത്തം, പത്രപ്രവര്‍ത്തനം എന്നിവയിലും തന്റെ കഴിവ് തെളിയിച്ചിട്ടുണ്ട്. അടുത്ത കാലയളവില്‍ “അനിയന്‍കുഞ്ഞും തന്നാലായത്’ എന്ന ഷോര്‍ട്ട് ഫിലിമിലെ അഭിനയം വളരെയധികം പ്രശംസ പിടിച്ചുപറ്റി. “Chained’ എന്ന ഇംഗ്ലീഷ് സിനിമയിലും തനതായ വ്യക്തിമുദ്ര പതിപ്പിച്ചിട്ടുണ്ട്. സോഫ്റ്റ് വെയര്‍ എന്‍ജിനീയറായ ഗണേഷ് കാസര്‍ഗോഡ് നീലേശ്വരം സ്വദേശിയാണ്.

കേരള അസോസിയേഷന്‍ ഓഫ് ഗ്രേറ്റര്‍ വാഷിംഗ്ടണ്‍ കമ്മിറ്റി അംഗമായും സേവനം അനുഷ്ഠിച്ചിട്ടുണ്ട്. ബഹുമുഖ പ്രതിഭയായ ഗണേഷ് ഫൊക്കാനയ്ക്ക് ഒരു മുതല്‍ക്കൂട്ടാണെന്നു പ്രസിഡന്റ് ലീല മാരേട്ട്, സെക്രട്ടറി അലക്‌സ് തോമസ്, വൈസ് പ്രസിഡന്റ് സുജ ജോസ്, കമ്മിറ്റി അംഗങ്ങളായ അപ്പുക്കുട്ടന്‍പിള്ള, തിരുവല്ല ബേബി, ബോര്‍ഡ് ഓഫ് ട്രസ്റ്റി അംഗങ്ങളായ സണ്ണി ജോസഫ് (കാനഡ), ഏബ്രഹാം ഈപ്പന്‍ (ഹൂസ്റ്റണ്‍), അഡീഷണല്‍ ജോയിന്റ് സെക്രട്ടറി പ്രസാദ് ജോണ്‍ (ഫ്‌ളോറിഡ), ഷാജു സാം (ന്യൂയോര്‍ക്ക് റീജണല്‍ പ്രസിഡന്റ്), ജേക്കബ് കല്ലുപുര (ന്യൂഇംഗ്ലണ്ട് റീജണല്‍ പ്രസിഡന്റ്), അലക്‌സാണ്ടര്‍ കൊച്ചുപുരയ്ക്കല്‍ (ചിക്കാഗോ റീജണല്‍ പ്രസിഡന്റ്), ജോജി കടവില്‍ (ഫിലാഡല്‍ഫിയ റീജണല്‍ പ്രസിഡന്റ്), റജി കുര്യാന് (ഹൂസ്റ്റണ്‍ റീജണല്‍ പ്രസിഡന്റ്) എന്നിവര്‍ അഭിപ്രായപ്പെട്ടു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top