Flash News

കാലാവസ്ഥാ വ്യതിയാനത്തെ ചെറുക്കാന്‍ ആമസോണ്‍ സി‌ഇ‌ഒ ജെഫ് ബെസോസ് 10 ബില്യണ്‍ ഡോളര്‍ ഫണ്ട് ആരംഭിച്ചു

February 18, 2020

Amazonവാഷിംഗ്ടണ്‍: തന്‍റെ കമ്പനിയുടെ പാരിസ്ഥിതിക റെക്കോര്‍ഡിനെ പലപ്പോഴും വിമര്‍ശിക്കാറുണ്ടെങ്കിലും കാലാവസ്ഥാ വ്യതിയാനത്തെ നേരിടാന്‍ ഒരു പുതിയ ഫണ്ടിനായി 10 ബില്യണ്‍ ഡോളര്‍ ചെലവഴിക്കുന്നതായി ആമസോണിന്‍റെ സിഇഒയും ലോകത്തെ ഏറ്റവും ധനികനുമായ ജെഫ് ബെസോസ് തിങ്കളാഴ്ച പ്രഖ്യാപിച്ചു.

ഇന്‍സ്റ്റാഗ്രാമിലെ തന്‍റെ 1.4 ദശലക്ഷം ഫോളോവേഴ്സിന് അയച്ച പോസ്റ്റില്‍ ഇ-കൊമേഴ്സ് വ്യവസായി ബെസോസ് എര്‍ത്ത് ഫണ്ട് ശാസ്ത്രജ്ഞര്‍, പ്രവര്‍ത്തകര്‍, എന്‍ജിഒകള്‍ എന്നിവയ്ക്ക് ധനസഹായം നല്‍കുമെന്ന് പറഞ്ഞു. പ്രകൃതിയേയും ലോകത്തേയും സംരക്ഷിക്കാനും പരിരക്ഷിക്കാനും സഹായിക്കുന്ന ഒരു യഥാര്‍ത്ഥ്യമാണ് ഈ ഫണ്ട് എന്ന് അദ്ദേഹം പറഞ്ഞു.

‘കാലാവസ്ഥാ വ്യതിയാനമാണ് നമ്മുടെ ഗ്രഹത്തിന് ഏറ്റവും വലിയ ഭീഷണിയെന്നും അദ്ദേഹം പറഞ്ഞു. ഏകദേശം 130 ബില്യണ്‍ ഡോളറാണ് ബെസോസിന്റെ ആസ്തി.

കാലാവസ്ഥാ നയങ്ങളെ വിമര്‍ശിക്കുകയും കാലാവസ്ഥാ വ്യതിയാനത്തെ നേരിടാന്‍ കൂടുതല്‍ കാര്യങ്ങള്‍ ചെയ്യണമെന്ന് ആവശ്യപ്പെടുകയും ചെയ്യുന്ന നൂറുകണക്കിന് ആമസോണ്‍ ജീവനക്കാര്‍ കഴിഞ്ഞ മാസം ഒരു പെറ്റീഷനില്‍ ഒപ്പിട്ടിരുന്നു.

ഡോര്‍ ടു ഡോര്‍ ഡെലിവറികള്‍ക്കായി ഉപയോഗിക്കുന്ന പാക്കറ്റുകളില്‍ നിന്ന് ധാരാളം മാലിന്യങ്ങള്‍ സൃഷ്ടിച്ചതായും അതുപോലെ തന്നെ വന്‍തോതിലുള്ള വാഹനങ്ങളില്‍ നിന്ന് വാതകങ്ങള്‍ പുറന്തള്ളുന്നതായും ആമസോണിനെതിരെ ആരോപണങ്ങള്‍ ഉയര്‍ന്നിരുന്നു.

കാലാവസ്ഥാ വ്യതിയാനത്തിന്‍റെ വിനാശകരമായ പ്രത്യാഘാതങ്ങളെ ചെറുക്കുന്നതിനുള്ള പുതിയ മാര്‍ഗ്ഗങ്ങള്‍ പര്യവേക്ഷണം ചെയ്യുന്നതിന് മറ്റുള്ളവരോടൊപ്പം പ്രവര്‍ത്തിക്കാന്‍ ഞാന്‍ ആഗ്രഹിക്കുന്നുവെന്ന് ബെസോസ് തിങ്കളാഴ്ച പ്രഖ്യാപനത്തില്‍ പറഞ്ഞു.

കഴിഞ്ഞ വര്‍ഷം നടന്ന അദ്ദേഹത്തിന്റെ വിവാഹ മോചനം ലോകത്തിലെ ഏറ്റവും വിലയേറിയതായിരുന്നു എങ്കിലും, ലോകത്തിലെ ഏറ്റവും ധനികനായ വ്യക്തി എന്ന പദവി നിലനിര്‍ത്തിയിരുന്ന ബെസോസ്, തന്‍റെ പുതിയ ഫൗണ്ടേഷന്‍ ഈ വര്‍ഷം അവസാനം ഗ്രാന്‍റുകള്‍ നല്‍കാന്‍ ആരംഭിക്കുമെന്ന് പറഞ്ഞു.

കഴിഞ്ഞ സെപ്റ്റംബറില്‍, ആമസോണ്‍ 2040 ഓടെ കാര്‍ബണ്‍ ന്യൂട്രല്‍ ആകുമെന്നും കമ്പനി ഒരു ലക്ഷം ഇലക്ട്രിക് ഡെലിവറി ട്രക്കുകള്‍ക്ക് ഓര്‍ഡര്‍ നല്‍കുമെന്നും പ്രതിജ്ഞയെടുത്തിരുന്നു.

തന്‍റെ സോഷ്യല്‍ മീഡിയ പോസ്റ്റില്‍ ബെസോസ് കുറച്ച് വിശദാംശങ്ങള്‍ വെളിപ്പെടുത്തിയിരുന്നു. അതിന് നല്ല പ്രതികരണമാണ് അഭ്യുദയകാംക്ഷികളില്‍ നിന്ന് ലഭിച്ചതെന്ന് അദ്ദേഹം പറഞ്ഞു.

കാലാവസ്ഥാ വ്യതിയാന പ്രവര്‍ത്തകരെ പതിവായി ആക്രമിക്കുന്ന അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപുമായി ബെസോസ് പലപ്പോഴും ഏറ്റുമുട്ടിയിട്ടുണ്ട്.



Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top