Flash News

ഇസ്രായേലിന്‍റെ രഹസ്യ ലാബില്‍ കൊറോണ വൈറസ് വാക്സിന്‍ ഉല്പാദിപ്പിച്ചതായി റിപ്പോര്‍ട്ട്

May 5, 2020

izrailബയോട്ടിക് ബോംബുകളും മാരകമായ വിഷങ്ങളും ഉല്‍പാദിപ്പിക്കുന്ന ഇസ്രായേലിന്‍റെ രഹസ്യ ലാബില്‍, കൊറോണ വൈറസ് വാക്സിന്‍ ഉല്പാദിപ്പിച്ചതായി റിപ്പോര്‍ട്ട്. ഇസ്രായേലിന്‍റെ ഈ അത്യാധുനിക പ്രതിരോധ ബയോളജിക്കല്‍ ഇന്‍സ്റ്റിറ്റ്യൂട്ട് അതിന്‍റെ സ്വകാര്യതയ്ക്ക് ലോകമെമ്പാടും പ്രസിദ്ധമാണ്. കനത്ത സുരക്ഷാ ക്രമീകരണങ്ങളുള്ള ഈ ലാബ് ജൈവ, രാസായുധങ്ങളും, ആയുധങ്ങളും നിര്‍മ്മിക്കുന്ന ഒളിത്താവളമാണെന്ന് വിശ്വസിക്കപ്പെടുന്നു.

അന്നത്തെ പ്രധാനമന്ത്രിയുടെ ശാസ്ത്ര ഉപദേഷ്ടാവായിരുന്ന പ്രൊഫസറും ഏണസ്റ്റ് ഡേവിഡ് ബെര്‍ഗ്മാനും ചേര്‍ന്നാണ് 1952 ല്‍ പ്രതിരോധ ഇന്‍സ്റ്റിറ്റ്യൂട്ട് സ്ഥാപിച്ചത്. ഈ സ്ഥാപനം മെഡിക്കല്‍ സയന്‍സ് ടെക്നിക്കുകള്‍, പകര്‍ച്ചവ്യാധികള്‍ തടയല്‍ എന്നിവയില്‍ പ്രവര്‍ത്തിക്കുന്നുവെന്ന് പറയപ്പെടുന്നു. ഇസ്രായേലില്‍ വാക്സിനുകളും മരുന്നുകളും നിര്‍മ്മിക്കുന്നതിനും ഇന്‍സ്റ്റിറ്റ്യൂട്ട് ഉപയോഗിക്കുന്നു. കൊറോണ വൈറസ് വാക്സിന്‍ നിര്‍മ്മിച്ചുവെന്നാണ് ഇപ്പോള്‍ ഈ ലാബ് അവകാശപ്പെടുന്നത്. ഈ വാക്സിന്‍ കൊറോണ വൈറസിനെ മോണോക്ലോണല്‍ രീതിയില്‍ ആക്രമിക്കുകയും രോഗികളുടെ ശരീരത്തിനുള്ളിലെ കൊറോണ വൈറസിനെ കൊല്ലുകയും ചെയ്യുമെന്ന് ഇസ്രായേല്‍ പ്രതിരോധ മന്ത്രി പറഞ്ഞു.

തെക്കന്‍ തെലാബിബില്‍ നിന്ന് 20 കിലോമീറ്റര്‍ അകലെയുള്ള നെസ് ജിയോണയിലാണ് ഇസ്രായേല്‍ ഡിഫന്‍സ് ബയോളജിക്കല്‍ ഇന്‍സ്റ്റിറ്റ്യൂട്ട് സ്ഥിതി ചെയ്യുന്നത്. 150 ശാസ്ത്രജ്ഞര്‍ ഉള്‍പ്പെടെ 350 ല്‍ അധികം ആളുകള്‍ ഇന്‍സ്റ്റിറ്റ്യൂട്ടില്‍ ജോലി ചെയ്യുന്നുണ്ട്. ഈ സ്ഥാപനം ഇസ്രായേലിന് എത്രത്തോളം പ്രധാനമാണെന്ന് പ്രധാനമന്ത്രി ബെഞ്ചമിന്‍ നെതന്യാഹുവിന് നേരിട്ട് റിപ്പോര്‍ട്ട് ചെയ്യുന്നതില്‍ നിന്ന് മനസ്സിലാക്കാം. ഏത് പ്രതിസന്ധിയിലും സര്‍ക്കാര്‍ ഏജന്‍സികളുമായി ചേര്‍ന്ന് പ്രവര്‍ത്തിക്കുന്നതാണ് ഈ ലാബ്.

ഇസ്രായേലിന്‍റെ പ്രതിരോധ ബയോളജിക്കല്‍ ഇന്‍സ്റ്റിറ്റ്യൂട്ട് ലോകത്തിലെ ഏറ്റവും നിഗൂഢമായ ലാബുകളില്‍ ഒന്നായി കണക്കാക്കപ്പെടുന്നു. ശത്രുക്കളുടെ ആക്രമണങ്ങളില്‍ നിന്ന് രക്ഷനേടാന്‍ ഇസ്രായേല്‍ ജൈവ, രാസായുധങ്ങളും ആയുധങ്ങളും നിര്‍മ്മിക്കുന്നുവെന്നാണ് വിവരം. കൂടാതെ ഇന്‍സ്റ്റിറ്റ്യൂട്ട് രഹസ്യാന്വേഷണ ഏജന്‍സിയായ മൊസാദുമായും സഹകരിക്കുന്നുണ്ട്. ഇസ്രായേല്‍ ശത്രുക്കളെ വധിക്കാന്‍ ഇവിടെ ഉല്പാദിപ്പിച്ച വിഷം ലോകമെമ്പാടും ഉപയോഗിക്കുന്നുണ്ട്.
ഭൂമിക്കടിയില്‍ നിര്‍മ്മിച്ചിട്ടുള്ള ഈ ലാബിലാണ് മാരകമായ വിഷങ്ങളും രാസായുധങ്ങളും നിര്‍മ്മിക്കാന്‍ ഇസ്രായേല്‍ ഉപയോഗിക്കുന്നത്. ബ്രിട്ടീഷ് രഹസ്യാന്വേഷണ ഉദ്യോഗസ്ഥന്‍ ഗോര്‍ഡന്‍ തോമസിന്‍റെ അഭിപ്രായത്തില്‍ ഈ ഇസ്രായേലി രഹസ്യ ലാബ് അതീവ സുരക്ഷയിലാണ് പ്രവര്‍ത്തിക്കുന്നത്. ഈ ഇന്‍സ്റ്റിറ്റ്യൂട്ടിന് ചുറ്റും കോണ്‍ക്രീറ്റ് മതില്‍ കെട്ടിപ്പൊക്കിയിട്ടുണ്ട്. തന്നെയുമല്ല, ഈ സ്ഥാപനത്തിന് മുകളില്‍ കൂടി ഒരു വിമാനവും പറക്കാന്‍ അനുവദിക്കുകയുമില്ല.

കോണ്‍‌ക്രീറ്റ് മതില്‍ മാത്രമല്ല, ബോംബ് പ്രൂഫ് വാതിലുകള്‍, ഹൈടെക് സുരക്ഷാ സംവിധാനങ്ങള്‍, സെന്‍സറുകള്‍ എന്നിവയും സ്ഥാപിച്ചിട്ടുണ്ട്. ഇസ്രായേലി സായുധ സുരക്ഷാ ഗാര്‍ഡുകള്‍ പരിസരത്ത് പട്രോളിംഗ് നടത്തുന്നുമുണ്ട്. ഈ ഇന്‍സ്റ്റിറ്റ്യൂട്ടിനെക്കുറിച്ച് ഒരു മാപ്പിലും പരാമര്‍ശമില്ല. കോഡ് ഏരിയയും റെറ്റിന പരിശോധനയും കൂടാതെ ഓരോ പ്രദേശത്തും ആര്‍ക്കും പ്രവേശിക്കാന്‍ കഴിയില്ല. ഇതിന്‍റെ വാതിലുകള്‍ ബോംബ് പ്രൂഫും സ്വൈപ്പ് ചെയ്ത കാര്‍ഡുകളും ഉപയോഗിച്ചേ തുറക്കാന്‍ കഴിയൂ. അവയുടെ കോഡുകള്‍ ദിവസവും മാറുന്നു. എല്ലാ മാസവും ഇവിടെ ജോലി ചെയ്യുന്നവരുടെ ആരോഗ്യം സൂക്ഷ്മമായി പരിശോധിക്കുന്നു. ഈ ഇന്‍സ്റ്റിറ്റ്യൂട്ടില്‍ കുറഞ്ഞത് 6 പേരെങ്കിലും മരിച്ചതായി പറയപ്പെടുന്നു. എന്നാല്‍, അതിന്‍റെ കാരണങ്ങള്‍ ഇപ്പോഴും അജ്ഞാതമാണ്.




Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top