Flash News

സംസ്ഥാനത്തെ എട്ട് ജില്ലകള്‍ കോവിഡ് മുക്തമായി, ഇന്ന് പുതിയ കേസുകള്‍ ഒന്നുമില്ല, ഏഴ് പേര്‍ രോഗമുക്തി നേടി

May 6, 2020

pinarayi-vijayan-04തിരുവനന്തപുരം: സംസ്ഥാനത്ത് ഇന്നും കൊവിഡ്-19 കേസുകള്‍ റിപ്പോര്‍ട്ട് ചെയ്തില്ല. അതേസമയം 7 പേര്‍ക്ക് ഇന്ന് രോഗം ഭേദമായി. കോട്ടയത്ത് ആറ് പേരും പത്തനംതിട്ടയില്‍ ഒരാളുമാണ് ചികിത്സയിലുള്ളത്. സംസ്ഥാനത്ത് ഇതുവരെ 502 പേര്‍ക്ക് രോഗം സ്ഥിരീകരിച്ചിട്ടുണ്ട്. 14,670 പേരാണ് ആകെ നിരീക്ഷണത്തിലുള്ളത്. ഇതില്‍ 268 പേര്‍ ആശുപത്രികളിലാണ്. ഇന്ന് 58 പേരെ ആശുപത്രിയില്‍ പ്രവേശിപ്പിച്ചു.

സംസ്ഥാനത്തെ ആറ് ജില്ലകളില്‍ മാത്രമാണ് നിലവില്‍ കൊവിഡ് രോഗികളുള്ളത്. എട്ട് ജില്ലകള്‍ കൊവിഡ് മുക്തമായിട്ടുണ്ട്. പുതിയ ഹോട്‌സ്‌പോട്ടുകള്‍ ഇല്ലാത്തതും സംസ്ഥാനത്തിന് ആശ്വാസകരമാണെന്ന് മുഖ്യമന്ത്രി അറിയിച്ചു.

ലോക്ക്ഡൗണ്‍ മൂലം വിദേശരാജ്യങ്ങളില്‍ പെട്ടുപോയ കേരളീയര്‍ നാളെ മുതല്‍ കേരളത്തിലെത്തും. അബുദാബിയില്‍ നിന്ന് കൊച്ചിയിലേക്കും സൗദിയില്‍ നിന്ന് കോഴിക്കോട്ടേയ്ക്കുമാണ് നാളെ പ്രവാസികള്‍ എത്തുന്നത്.

മടങ്ങിയെത്തുന്നവരുടെ കാര്യത്തില്‍ സര്‍ക്കാര്‍ വലിയ കരുതലാണ് കാണിക്കുന്നതെന്ന് മുഖ്യമന്ത്രി വ്യക്തമാക്കി. വരുന്നവര്‍ താമസസ്ഥലം മുതല്‍ യാത്രാവേളയിലുടനീളം ജാഗ്രത പുലര്‍ത്തണം. വിമാനത്താവളം മുതല്‍ ജാഗ്രത വേണം. അവര്‍ക്ക് വേണ്ട സൗകര്യങ്ങള്‍ ഒരുക്കിയിട്ടുണ്ടെന്നും മുഖ്യമന്ത്രി പിണറായി വിജയന്‍ അറിയിച്ചു.

രാജ്യത്ത് പലയിടങ്ങളിലും വിദ്യാര്‍ത്ഥികള്‍ ഉള്‍പ്പെടെയുള്ളവര്‍ കുടുങ്ങിക്കിടക്കുന്നു. ഡല്‍ഹി ജാമിയ സര്‍വ്വകലാശാലയിലെ മലയാളി വിദ്യാര്‍ത്ഥികളോട് ആ മാസം 15ന് മുമ്പ് ഹോസ്റ്റലുകള്‍ ഒഴിയാന്‍ ആവശ്യപ്പെട്ടിട്ടുണ്ട്. നിരീക്ഷണ കേന്ദ്രങ്ങള്‍ ആക്കാന്‍ വേണ്ടിയാണിത്. അവിടെ പെണ്‍കുട്ടികള്‍ അടക്കം 40 വിദ്യാര്‍ത്ഥികളുണ്ട്. ഇവരുള്‍പ്പെടെ ഡല്‍ഹി, പഞ്ചാബ്, ഹിമാചല്‍, ഹരിയാന എന്നീ സംസ്ഥാനങ്ങളില്‍ ലോക്ക്ഡൗണ്‍ കാരണം കുടങ്ങിയ വിദ്യാര്‍ത്ഥികളെ കേരളത്തില്‍ എത്തിക്കാനുള്ള ശ്രമം നടത്തുമെന്നും മുഖ്യമന്ത്രി അറിയിച്ചു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top