Flash News
ഡാളസ് ഫോര്‍ട്ട്‌വര്‍ത്ത് വിമാനത്താവളത്തില്‍ വ്യാഴാഴ്ച മുതല്‍ ഫെയ്സ് മാസ്ക് നിര്‍ബ്ബന്ധമാക്കി   ****    ചൈനയ്ക്കെതിരെ അമേരിക്കയുടെ കുരുക്കു മുറുകുന്നു, രണ്ട് ചൈനീസ് ടെലികോം ഭീമന്മാര്‍ക്ക് അമേരിക്കയില്‍ വിലക്ക്   ****    ചൈനയ്ക്ക് അമേരിക്കയുടെ മറ്റൊരു തിരിച്ചടി, ചൈനയുമായി ബിസിനസ് നടത്തുന്ന ബാങ്കുകള്‍ക്ക് പിഴ ചുമത്തുന്ന നിയമം പാസാക്കി   ****    കോവിഡ്-19: ജനങ്ങളുടെ അശ്രദ്ധ രോഗ വ്യാപനത്തിന് ആക്കം കൂട്ടുന്നു, എറണാകുളം ബ്രോഡ്‌വേ മാര്‍ക്കറ്റ് അടച്ചു   ****    ജനാധിപത്യ കേരള കോണ്‍ഗ്രസ് നേതാക്കള്‍ കോടിയേരിയുമായി കൂടിക്കാഴ്ച നടത്തി, ജോസ് കെ മാണിക്ക് ഗ്രീന്‍ സിഗ്നല്‍ നല്‍കി കോടിയേരി   ****   

റെയില്‍‌വേ ട്രാക്കില്‍ കിടന്നുറങ്ങിയവരുടെ മേല്‍ ഗുഡ്സ് ട്രെയിന്‍ കയറിയിറങ്ങി, പതിനഞ്ച് പേര്‍ മരിച്ചു

May 8, 2020

rail-tracks-21588906709513ഔറംഗബാദ്: മഹാരാഷ്ട്രയിലെ ഔറംഗബാദില്‍ റെയില്‍വേ ട്രാക്കില്‍ കിടന്നുറങ്ങുകയായിരുന്ന അതിഥി തൊഴിലാളികള്‍ക്ക് മേല്‍ ട്രെയിന്‍ പാഞ്ഞുകയറി കുട്ടികളടക്കം 15 മരണം. മധ്യപ്രദേശിലേക്ക് കാല്‍നടയായി മടങ്ങുകയായിരുന്ന അതിഥി തൊഴിലാളികളുടെ മേലാണ് ചരക്ക് തീവണ്ടി പാഞ്ഞുകയറിയത്. 15 പേര്‍ മരിച്ചുവെന്നാണ് പ്രാഥമിക വിവരമെങ്കിലും കൃത്യമായ മരണസംഖ്യ അധികൃതര്‍ പുറത്തുവിട്ടിട്ടില്ല.

പുലര്‍ച്ചെ ആറു മണിയോടെയാണ് ദുരന്തം എന്നാണ് വിവരം. ഔറംഗബാദിനും ജല്‍നയ്ക്കുമിടയില്‍ കര്‍മാദ് എന്ന പൊലീസ് സ്‌റ്റേഷന്‍ പരിധിയിലാണ് അപകടമുണ്ടായിരിക്കുന്നത്. ട്രെയിന്‍ ഗതാഗതം ഇല്ലെന്ന് കരുതി ട്രാക്കില്‍ കിടന്നുറങ്ങുകയായിരുന്നു ഇവര്‍ എന്നാണ് വിവരം. അപകടമുണ്ടായത് പോലും വൈകിയാണ് അധികൃതര്‍ അറിഞ്ഞിരിക്കുന്നത്. രക്ഷാപ്രവര്‍ത്തനം പോലും ഇപ്പോള്‍ മാത്രമാണ് ആരംഭിച്ചത്. ആര്‍പിഎഫും പൊലീസും സ്ഥലത്ത് എത്തിയിട്ടുണ്ടെന്നാണ് സൗത്ത് സെന്‍ട്രല്‍ റെയില്‍വെ അറിയിക്കുന്നത്. മറ്റ് വിവരങ്ങളൊന്നും പുറത്തുവിട്ടിട്ടില്ല.

കൊവിഡ് മഹാമാരി അതിവേഗം പടര്‍ന്ന് പിടിക്കുന്ന മഹാരാഷ്ട്രയില്‍ നിന്ന് തൊഴിലില്ലാതായതോടെ നിരവധി പേര്‍ നാട്ടിലേക്ക് റോഡ് മാര്‍ഗവും അല്ലാതെയും മറ്റും നടന്ന് പോകുന്നുണ്ടായിരുന്നു. ഈ സംഘത്തില്‍പ്പെട്ടവരാണ് രാത്രി റെയില്‍വെ ട്രാക്കില്‍ കിടന്നുറങ്ങിയിരുന്നത്. അതിഥി തൊഴിലാളികള്‍ക്കായി ശ്രമിക് എ്‌ന പേരില്‍ തീവണ്ടി സര്‍വ്വീസ് നടത്തുന്നുണ്ടെങ്കിലും ഈ വിവരങ്ങള്‍ നഗരപ്രാന്തങ്ങളില്‍ താമസിക്കുന്നവര്‍ക്ക് അറിയില്ല. തൊഴിലില്ലാതായതോടെ ടിക്കറ്റ് വാങ്ങാന്‍ പോലും പണമില്ലാതെ വന്ന ഇവര്‍ നടന്നാണ് മറ്റ് സംസ്ഥാനങ്ങളിലുള്ള തങ്ങളുടെ വീടുകളിലേക്ക് മടങ്ങുന്നത്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top