Flash News
ട്രാന്‍സ്‌ജെന്‍ഡര്‍ യുവതികളെ കൊലപ്പെടുത്തിയ കേസില്‍ രണ്ടു യുവാക്കള്‍ അറസ്റ്റില്‍   ****    സര്‍ക്കാരിന്റെ ഓണ്‍ലൈന്‍ മദ്യവില്പന; ബെവ്കോ ആപ്പ് പരാജയപ്പെട്ടത് ബാറുടമകള്‍ക്കുവേണ്ടി സര്‍ക്കാര്‍ കള്ളക്കളി കളിച്ചതാണെന്ന് ആരോപണം   ****    പോലീസുകാരെ ഭീഷണിപ്പെടുത്തിയ സിപി‌എമ്മുകാരോട് കീഴടങ്ങാന്‍ പാര്‍ട്ടി നേതൃത്വത്തിന്റെ നിര്‍ദ്ദേശം   ****    ക്വാറന്റൈനില്‍ കഴിയുന്ന പ്രവാസികളില്‍ നിന്ന് പണം ഈടാക്കുന്നത് അവരോടു ചെയ്യുന്ന വഞ്ചനയാണെന്ന് ഇ.ടി. മുഹമ്മദ് ബഷീര്‍   ****    ഛത്തീസ്ഗഢിലെ ആദ്യ മുഖ്യമന്ത്രി അജിത് ജോഗി അന്തരിച്ചു   ****    ‘ഗൂഗിള്‍ പേ’ ആപ്പിനെതിരെയുള്ള പരാതിയില്‍ കോമ്പറ്റീഷന്‍ കമ്മീഷന്‍ ഓഫ് ഇന്ത്യ അന്വേഷിക്കുന്നു   ****   

അഞ്ച് കോടിയിലധികം ഇന്ത്യക്കാര്‍ക്ക് കൈകഴുകാനുള്ള സൗകര്യങ്ങളില്ല, കൊറോണ പടരാന്‍ സാധ്യതയെന്ന് റിപ്പോര്‍ട്ട്

May 23, 2020

soapy-handsന്യൂഡല്‍ഹി: ഇന്ത്യയിലെ അഞ്ച് കോടിയിലധികം ജനങ്ങള്‍ക്ക് കൈ കഴുകുന്നതിനുള്ള ശരിയായ സംവിധാനം ഇല്ല, അതിനാല്‍ കൊറോണ വൈറസ് ബാധിച്ച് മറ്റുള്ളവരിലേക്ക് അണുബാധ പടരാനുള്ള സാധ്യത വളരെ കൂടുതലാണെന്ന് റിപ്പോര്‍ട്ട്.

സമ്പന്ന രാജ്യങ്ങളിലെ ആളുകളുമായി താരതമ്യപ്പെടുത്തുമ്പോള്‍ സോപ്പും ശുദ്ധജലവും ലഭിക്കാത്തതിനാല്‍ താഴ്ന്ന, ഇടത്തരം വരുമാനമുള്ള രാജ്യങ്ങളിലെ രണ്ട് ബില്യണിലധികം ആളുകള്‍ക്ക് അണുബാധ പെട്ടെന്ന് പിടിപെടാന്‍ സാധ്യതയുണ്ടെന്ന് വാഷിംഗ്ടണ്‍ സര്‍വകലാശാലയിലെ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് മാട്രിക്സ് ആന്‍ഡ് ഇവാലുവേഷന്‍ (ഐഎച്ച്എംഇ) ഗവേഷകര്‍ പറഞ്ഞു. കോവിഡ്-19 പടരാനുള്ള സാധ്യത ഏറെ കൂടുതലാണ്. ലോക ജനസംഖ്യയുടെ നാലിലൊന്നാണ് ഈ സംഖ്യ.

എന്‍വയോണ്‍മെന്‍റല്‍ ഹെല്‍ത്ത് പെര്‍സ്പെക്റ്റീവ്സ് ജേര്‍ണലില്‍ പ്രസിദ്ധീകരിച്ച ഒരു പഠനമനുസരിച്ച്, ഉപസഹാറന്‍ ആഫ്രിക്കയിലെയും ഓഷ്യാനിയയിലെയും 50 ശതമാനത്തിലധികം ആളുകള്‍ക്ക് കൈകഴുകാനുള്ള സൗകര്യമില്ല.

കോവിഡ് 19 അണുബാധ തടയുതിനുള്ള പ്രധാന നടപടികളിലൊന്നാണ് കൈ കഴുകല്‍ എന്ന് ഐഎച്ച്എംഇ പ്രൊഫസര്‍ മൈക്കല്‍ ബ്രൗണര്‍ പറഞ്ഞു. പല രാജ്യങ്ങളിലും ഇത് ലഭ്യമല്ല എന്നത് നിരാശാജനകമാണ്. ആ രാജ്യങ്ങളിലെ ആരോഗ്യ പരിരക്ഷാ സൗകര്യങ്ങളും പരിമിതമാണ്.

46 രാജ്യങ്ങളിലെ ജനസംഖ്യയുടെ പകുതിയിലധികം പേര്‍ക്കും സോപ്പും ശുദ്ധജലവും ലഭ്യമല്ലെന്ന് ഗവേഷകര്‍ കണ്ടെത്തി.
ഇതനുസരിച്ച് ഇന്ത്യ, പാകിസ്ഥാന്‍, ചൈന, ബംഗ്ലാദേശ്, നൈജീരിയ, എത്യോപ്യ, കോംഗോ, ഇന്തോനേഷ്യ എന്നിവിടങ്ങളില്‍ അഞ്ച് കോടിയിലധികം ആളുകള്‍ക്ക് കൈകഴുകാനുള്ള സൗകര്യമില്ലെന്ന വിലയിരുത്തല്‍ നടത്തി.

ഹാന്‍ഡ് സാനിറ്റൈസര്‍ പോലുള്ള കാര്യങ്ങള്‍ താല്‍ക്കാലിക ക്രമീകരണങ്ങളാണ്. കോവിഡില്‍ നിന്ന് പരിരക്ഷിക്കുന്നതിന് ദീര്‍ഘകാല നടപടികള്‍ ആവശ്യമാണ്. ശരിയായ കൈ കഴുകാത്തതിനാല്‍ പ്രതിവര്‍ഷം 700,000 ല്‍ അധികം ആളുകള്‍ മരിക്കുമെന്ന് ബ്രൗണര്‍ പറഞ്ഞു.

ലോകജനസംഖ്യയുടെ 25 ശതമാനം പേര്‍ക്ക് ഫലപ്രദമായി കൈകഴുകാനുള്ള സൗകര്യങ്ങള്‍ ലഭ്യമല്ലെങ്കിലും 1990 നും 2019 നും ഇടയില്‍ പല രാജ്യങ്ങളിലും ഗണ്യമായ പുരോഗതി ഉണ്ടായിട്ടുണ്ടെന്ന് അദ്ദേഹം വാര്‍ത്താ മാധ്യമങ്ങളോട് പറഞ്ഞു.

തങ്ങളുടെ രാജ്യങ്ങളുടെ ശുചിത്വം മെച്ചപ്പെടുത്തിയ രാജ്യങ്ങള്‍ സൗദി അറേബ്യ, മൊറോക്കോ, നേപ്പാള്‍, ടാന്‍സാനിയ എന്നിവയാണെന്നും അദ്ദേഹം പറഞ്ഞു.

വീടുകള്‍ കൂടാതെ, സ്കൂളുകള്‍, ജോലിസ്ഥലം, ആരോഗ്യ പരിപാലന കേന്ദ്രങ്ങള്‍, മറ്റ് പൊതു സ്ഥലങ്ങള്‍ എന്നിവയില്‍ കൈകഴുകാനുള്ള സൗകര്യങ്ങള്‍ വളരെ കുറവാണെന്ന് പഠനം പറയുന്നു.



Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top