Flash News

കൊറോണ വൈറസ്: കേന്ദ്രത്തിന് താളം തെറ്റുന്നു, രോഗവ്യാപനം അനിയന്ത്രിതമായി, ഡല്‍ഹി മൂന്നാം സ്ഥാനത്ത്

May 30, 2020

covid delhiന്യൂഡല്‍ഹി: കോവിഡ്-19 വ്യാപനം തടയുന്നതില്‍ പല രാജ്യങ്ങളും ഒരു പരിധിവരെ വിജയിച്ചെങ്കിലും ഇന്ത്യയുടെ സ്ഥിതി നേരെ വിപരീത ദിശയിലേക്കാണ് നീങ്ങിക്കൊണ്ടിരിക്കുന്നത്. ലോക്ക്ഡൗണില്‍ ഇളവുകള്‍ നല്‍കിയതാണ് ഇപ്പോള്‍ രാജ്യമൊട്ടാകെ വ്യാപനം കൂടാന്‍ കാരണമെന്ന് വിദഗ്ധര്‍ അഭിപ്രായപ്പെടുന്നു.

രോഗബാധയും മരണനിരക്കും ഇന്ത്യയില്‍ ഇപ്പോള്‍ കൂടിക്കൊണ്ടിരിക്കുകയാണ്. വരുംദിവസങ്ങളില്‍ ഇത് ക്രമാതീതമായ ഉയരാനുള്ള സാധ്യതയും ഉണ്ടെന്ന് ആരോഗ്യ വിദഗ്ധര്‍ അവകാശപ്പെടുന്നു. ഡല്‍ഹിയില്‍ 16281 പേര്‍ക്കാണ് ഇതുവരെ രോഗം സ്ഥിരീകരിച്ചത്. 7495 പേര്‍ രോഗമുക്തി നേടി. 316 പേര്‍ മരണപ്പെട്ടു. ആശുപത്രി ബെഡുകളുടെ അഭാവം ഡല്‍ഹിയില്‍ വലിയ പ്രതിസന്ധി സൃഷ്ടിച്ചിരിക്കുന്നു എന്നാണ് റിപ്പോര്‍ട്ട്. ഇതോടെ ഹോം ക്വാറന്റീന് കൂടുതല്‍ പ്രധാന്യം കൊടുക്കാന്‍ ഡല്‍ഹി സര്‍ക്കാര്‍ ഒരുങ്ങുന്നതായും വാര്‍ത്തയുണ്ട്.

എന്നാല്‍ കൊവിഡ് വ്യാപനം ഗുരുതരമായതോടെ ഡല്‍ഹിയിലെ ഹോട്ടലുകളും കൊവിഡ് ചികിത്സാ കേന്ദ്രങ്ങള്‍ ആക്കുകയാണ്. ഡല്‍ഹി സര്‍ക്കാര്‍ പുറത്തിറക്കിയ കൊവിഡ് ആശുപത്രികളുടെ പുതിയ പട്ടികയില്‍ അഞ്ച് ഹോട്ടലുകളാണുള്ളത്. ഹോട്ടല്‍ ക്രൗണ്‍ പ്ലാസ, സൂര്യ, സിദ്ധാര്‍ത്ഥ, ഷെറാട്ടന്‍, ജിവിതേഷ് എന്നീ ഹോട്ടലുകളാണ് ചികിത്സ കേന്ദ്രങ്ങളാകുന്നത്. രോഗബാധിതരുടെ എണ്ണം കുത്തനെ ഉയരുന്ന സാഹചര്യത്തിലാണ് ഡല്‍ഹി സര്‍ക്കാര്‍ നടപടി. അഞ്ച് സ്വകാര്യ ആശുപത്രികളേയും കൊവിഡ് ആശുപത്രികളാക്കി മാറ്റിയിട്ടുണ്ട്.

ഇന്ത്യയിലാകെ 1,73,763 കൊവിഡ് ബാധിതരാണുള്ളത്. 82,627 രോഗമുക്തരായപ്പോള്‍ 4,980 മരണങ്ങളും സംഭവിച്ചു. കൊവിഡ് ബാധിതരുടെ എണ്ണത്തില്‍ മൂന്നാമതാണ് ഡല്‍ഹി. 59,546 കൊവിഡ് ബാധിതരുള്ള മഹാരാഷ്ട്രയാണ് ഒന്നാമത്. തമിഴ്‌നാട്ടില്‍ 19,372ഉും, ഗുജറാത്തില്‍ 15,562ഉും കൊവിഡ് ബാധിതരാണുള്ളത്.




Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top