Flash News

കേന്ദ്ര സര്‍ക്കാരിന്റെ ‘സ്വദേശ്’ പദ്ധതിയിലൂടെ വിദേശ രാജ്യങ്ങളില്‍ നിന്ന് തിരിച്ചെത്തിയ പ്രവാസികള്‍ക്ക് ഇന്ത്യയില്‍ ജോലി സാധ്യത

June 3, 2020

569843-airliftന്യൂഡല്‍ഹി: വിദേശത്ത് നിന്ന് ഇന്ത്യയിലേക്ക് മടങ്ങിയ പ്രവാസികള്‍ക്ക് ജോലി നല്‍കാന്‍ കേന്ദ്ര സര്‍ക്കാര്‍ ഒരുങ്ങുന്നു. ‘സ്വദേശ്’ എന്ന പദ്ധതിയിലൂടെയാണ് വിവിധ രംഗത്ത് നൈപുണ്യത്തിനനുസരിച്ച് പേരുകള്‍ രജിസ്റ്റര്‍ ചെയ്യാന്‍ കേന്ദ്ര സര്‍ക്കാരിന്റെ ഡാറ്റാബേസ് ഒരുക്കിയിരിക്കുന്നത്. ഈ പദ്ധതിയില്‍ കേന്ദ്ര സര്‍ക്കാരും സംസ്ഥാന സര്‍ക്കാരുകളും വ്യവസായ മേഖലയും ഒരുമിച്ച് പ്രവര്‍ത്തിക്കും.

നൈപുണ്യ വികസന മന്ത്രാലയവും വിദേശകാര്യ മന്ത്രാലയവുമാണ് ഇതിന് സൗകര്യമൊരുക്കുന്നത്. 1800 123 9626 (Indian Toll Free Number) എന്ന ഫോണ്‍ നമ്പറില്‍ വിളിച്ചാല്‍ വിശദവിവരങ്ങള്‍ ലഭിക്കുന്നതാണ്. പ്രവാസികള്‍ www.nsdcindia.org/swades എന്ന വെബ്സൈറ്റ് പോര്‍ട്ടലില്‍ അവരവരുടെ പേരുവിവരങ്ങളും തൊഴില്‍ പരിചയവും മറ്റും പൂരിപ്പിക്കേണ്ടതാണ്.

പ്രധാനമന്ത്രിയുടെ നിര്‍ദ്ദേശ പ്രകാരമാണ് വന്ദേ ഭാരത് മിഷനു കീഴിലുള്ള തൊഴിലാളികളുടെ നൈപുണ്യ മാപ്പിംഗ് ഞങ്ങള്‍ നടത്തുന്നതെന്ന് കേന്ദ്ര നൈപുണ്യ, സംരംഭക മന്ത്രി മഹേന്ദ്ര നാഥ് പാണ്ഡെ പറഞ്ഞു. സിവില്‍ ഏവിയേഷന്‍ മന്ത്രാലയത്തിന്‍റെ പങ്കാളിത്തത്തിലാണ് ഈ പദ്ധതി പ്രവര്‍ത്തിക്കുന്നതെന്നും അദ്ദേഹം പറഞ്ഞു. വിദേശത്തു നിന്ന് തിരിച്ചു വന്ന ഓരോ വ്യക്തികളുടേയും തൊഴില്‍ പരിചയം അഥവാ നൈപുണ്യ കാര്‍ഡ് നിര്‍മ്മിക്കുകയാണ് ആദ്യം ചെയ്യുന്നത്. അത് അവര്‍ക്ക് തൊഴിലവസരങ്ങള്‍ ലഭ്യമാക്കാന്‍ സഹായിക്കും.

ഇന്ത്യയില്‍ തിരിച്ചെത്തിയ പ്രവാസികളുടെ ജോലി നഷ്ടപ്പെട്ടതിനാലാണ് ഇങ്ങനെയൊരു പദ്ധതി ആസൂത്രണം ചെയ്തതെന്ന് സിവില്‍, വ്യോമയാന മന്ത്രി ഹര്‍ദീപ് സിംഗ് പുരി പറഞ്ഞു. തിരിച്ചെത്തിയവരുടെ പ്രത്യേക കഴിവുകള്‍ ആഭ്യന്തര, അന്താരാഷ്ട്ര വിപണികളില്‍ പ്രയോജനകരമാക്കുന്നതിനാണ് പോര്‍ട്ടല്‍ നിര്‍മ്മിക്കാന്‍ ഞങ്ങള്‍ നൈപുണ്യ വികസന മന്ത്രാലയത്തെ സമീപിച്ചതെന്ന് അദ്ദേഹം പറഞ്ഞു. വന്ദേ ഭാരത് മിഷനു കീഴില്‍ ഞങ്ങള്‍ വിമാനത്തിനകത്ത് പ്രഖ്യാപനങ്ങള്‍ നടത്തിയിരുന്നു. വിമാനത്താവളത്തില്‍ ബാനറുകളും സ്ഥാപിച്ചിട്ടുണ്ട്. ഈ സംരംഭത്തെക്കുറിച്ചുള്ള വിവരങ്ങള്‍ ഞങ്ങള്‍ അവര്‍ക്ക് നല്‍കുകയും ചെയ്തിട്ടുണ്ട്, അദ്ദേഹം കൂട്ടിച്ചേര്‍ത്തു.





Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top