മനില: ഗ്രാമീണര്‍ക്ക് പണവും ഭക്ഷണവും എത്തിക്കാന്‍ പോയ രണ്ട് സൈനികരെ കമ്മ്യൂണിസ്റ്റ് വിമതര്‍ കൊലപ്പെടുത്തിയതിനെത്തുടര്‍ന്ന് രാജ്യത്ത് സൈനികനിയമം ഏര്‍പ്പെടുത്തുമെന്ന് ഫിലിപ്പീന്‍സ് പ്രസിഡന്റ് റോഡ്രിഗോ ഡുട്ടെര്‍ട്ടെ പ്രസ്താവിച്ചു.
ലോകത്തിലെ മറ്റ് രാജ്യങ്ങളെപ്പോലെ കൊറോണ വൈറസിന്റെ വര്‍ദ്ധിച്ചുവരുന്ന അണുബാധയെ നേരിടാന്‍ ഫിലിപ്പീൻസ് ശ്രമിക്കുന്നു.
മെയ് 15 നകം മനിലയിലും നിരവധി പ്രവിശ്യകളിലും നഗരങ്ങളിലും ബന്ദ് വിപുലീകരിക്കാന്‍ കാബിനറ്റ് ഉദ്യോഗസ്ഥരുമായി നടത്തിയ കൂടിക്കാഴ്ചയില്‍ അംഗീകാരം നല്‍കിയതായി പ്രസിഡന്റ് വക്താവ് ഹാരി റോക്ക് പറഞ്ഞു.
‘ഞാന്‍ എല്ലാവര്‍ക്കും മുന്നറിയിപ്പ് നല്‍കുന്നു, എനിക്ക് സൈനികനിയമം നടപ്പിലാക്കാന്‍ കഴിയുമെന്ന് സായുധ സേനയ്ക്കും പോലീസിനും നോട്ടീസ് നല്‍കുന്നു,’ ടെലിവിഷന്‍ പ്രസംഗത്തില്‍ ഡുട്ടേര്‍ട്ട് കമ്മ്യൂണിസ്റ്റ് വിമതരോട് പറഞ്ഞു,
‘ന്യൂ പീപ്പിള്‍സ് ആര്‍മിയുടെ’ ഗറില്ലകള്‍ വന്‍കിട കമ്പനികളില്‍ നിന്ന് വന്‍തോതില്‍ പണം കൈപ്പറ്റുകയും മരിച്ച സൈനികരുടെ ആയുധങ്ങള്‍ മോഷ്ടിക്കുകയും ചെയ്തുവെന്ന് ഡുട്ടേര്‍ട്ട് ആരോപിച്ചു.
വിമതര്‍ ഈ ആരോപണങ്ങള്‍ നിഷേധിക്കുകയും ഗ്രാമീണരെ ഈ പകര്‍ച്ചവ്യാധിയെ നേരിടാന്‍ സഹായിക്കുകയാണെന്നും പറഞ്ഞു.
ഫിലിപ്പൈന്‍സില്‍ കോവിഡ് -19 കേസുകളില്‍ 7,000 പേര്‍ക്ക് രോഗം സ്ഥിരീകരിച്ചു. 462 പേര്‍ മരിച്ചു.
