അടുത്ത ഉത്തേജക പാക്കേജിനായുള്ള കരാറിൽ കോൺഗ്രസ് പ്രതിസന്ധിയിലായതിനാൽ യുഎസ് സമ്പദ്‌വ്യവസ്ഥ ഉയർത്തുകയെന്ന ലക്ഷ്യത്തോടെ പ്രസിഡന്റ് ഡൊണാൾഡ് ട്രംപ് ശനിയാഴ്ച പുതിയ എക്സിക്യൂട്ടീവ് ഉത്തരവുകളിൽ ഒപ്പുവച്ചു.
താത്കാലികമായി വർഷാവസാനം വരെ ടേക്ക് ഹോം പേയ്ചെക്ക് വർദ്ധിപ്പിക്കുന്നതിന്റെ ഭാഗമായി സോഷ്യൽ സെക്യൂരിറ്റി മെഡികെയർ പേറോൾ ടാക്സ് കുറച്ചുകൊണ്ട് ഉത്തരവിറക്കി. താൻ വീണ്ടും തിരഞ്ഞെടുക്കപ്പെട്ടാൽ സ്ഥിരമാക്കുമെന്നും ട്രംപ് പറഞ്ഞു.
ഇതിലൂടെ സോഷ്യൽ സെക്യൂരിറ്റിയിൽ സമ്മൂലമായ മാറ്റം വരുത്തുവാനും, അർഹതപ്പെട്ടവർക്ക് ലഭിക്കുന്ന ആനുകൂല്യങ്ങൾ കുറയുകയോ ഇല്ലാതാക്കുകയോ ചെയ്യുമെന്ന ആശങ്ക ഉണർത്തുന്നു.
മെഡികെയർ സോഷ്യൽ സെക്യൂരിറ്റി പോലുള്ളവ ഫണ്ട് ചെയ്യപ്പെടുന്നത് ജോലി ചെയ്യുന്നവരുടെ വരുമാന നികുതിയിൽ നിന്ന് ഒരല്പം മാറ്റിവെച്ചാണെന്ന് നമുക്ക് എല്ലാവർക്കും അറിയാവുന്ന കാര്യമാണല്ലോ. ചോദ്യം ഇതാണ് മെഡികെയർ സോഷ്യൽ സെക്യൂരിറ്റി പോലുള്ളവക്ക് ഫണ്ട് ചെയ്യപ്പെടാതെ വന്നാൽ സോഷ്യൽ സെക്യൂരിറ്റിയുടെ ഭാവി എന്താകും? പ്രസിഡന്റിന്റെ ഈ നീക്കം ആത്യന്തികമായി അമേരിക്കയുടെ സോഷ്യൽ സെക്യൂരിറ്റിയെ ഇല്ലാതാക്കുമോ?
മെഡികെയർ സോഷ്യൽ സെക്യൂരിറ്റി പോലുള്ളവ ഫണ്ട് ചെയ്യപ്പെടുന്നത് തൊഴിലുടമകളിൽ നിന്നും തൊഴിലാളികളിൽ നിന്നും നികുതി എടുത്തുകൊണ്ടാണ്. അതായത് കൃത്യമായി പറഞ്ഞാൽ
വരുമാനത്തിന്റെ 6.2% തൊഴിലാളിയും 6.2% തൊഴിലുടമയും (മൊത്തം 12.4%).
പ്രതിവർഷ വരുമാനം ഒരു ലക്ഷം ഡോളറിൽ താഴെയുള്ളവർക്ക് താത്കാലികമായി (ഓഗസ്റ്റ് മുതൽ വർഷാവസാനം വരെ) ശമ്പളനികുതിയിൽ അവധി നൽകാനാണ് ട്രംപ് ഉദ്ദേശിക്കുന്നത് എന്ന് ശനിയാഴ്ച പറഞ്ഞു. നവംബർ 3 ന് താൻ വിജയിക്കുകയാണെങ്കിൽ ഈ നികുതികൾ ക്ഷമിക്കുവാനും ഈ ശമ്പളനികുതി വെട്ടിക്കുറച്ചത് സ്ഥിരമാക്കുവാനും തൻ ശ്രമിക്കും എന്നും ട്രംപ് കൂട്ടിച്ചേർത്തു.
സോഷ്യൽ സെക്യൂരിറ്റി അഡ്മിനിസ്ട്രേഷന്റെ ഏറ്റവും പുതിയ കണക്കുകൾ സൂചിപ്പിക്കുന്നത് പ്രോഗ്രാമിന്റെ ട്രസ്റ്റ് ഫണ്ടുകൾ 2035 ൽ തീർന്നുപോകുമെന്നാണ്. എന്നാൽ സ്ഥിരമായി ശമ്പള നികുതി വെട്ടിക്കുറച്ചുകൊണ്ടു ഫണ്ടിങ് നിർത്തലാക്കിയാൽ 2035 വരെ കാത്തു നിൽക്കേണ്ടി വരില്ല 2023ൽ തന്നെ സോഷ്യൽ സെക്യൂരിറ്റി അടച്ചു പൂട്ടാം എന്ന് സോഷ്യൽ സെക്യൂരിറ്റി വർക്ക്സ് പ്രസിഡന്റും അഭിഭാഷകയുമായ നാൻസി ആൾട്ട്മാൻ പറഞ്ഞു.
എന്നാൽ അതേസമയം, ശമ്പള നികുതി വെട്ടിക്കുറക്കുന്നത് പ്രോഗ്രാമിന്റെ ഫണ്ടിംഗിനെ ബാധിക്കില്ലെന്ന് ട്രംപ് ഭരണകൂടം വാദിക്കുന്നു പക്ഷെ അത് എങ്ങനെ എന്ന് വ്യക്തമാക്കിയിട്ടില്ല.
സോഷ്യൽ സെക്യൂരിറ്റിക്കു നിലവിൽ 2.9 ട്രില്യൺ ഡോളർ കരുതൽ ശേഖരമുണ്ട്. ശമ്പള നികുതിയിലൂടെ പ്രതിവർഷം ഒരു ട്രില്യൺ ഡോളർ ഫണ്ടിങ്ങും നടക്കുന്നു. ഫണ്ടിംഗ് നിർത്തലാക്കിയാൽ കുറച്ചു വർഷങ്ങൾ കൊണ്ട് ഹർത്താൽ ശേഖരം തീരും.
സോഷ്യൽ സെക്യൂരിറ്റി നിർത്തലാക്കിയാലും ട്രംപിനും അതുപോലെയുള്ള അതിസമ്പന്നൻമ്മാർക്കും ഒന്നും സംഭവിക്കില്ല. റിട്ടയർമെന്റിൽ സോഷ്യൽ സെക്യൂരിറ്റിയും ഓരാശ്വാസമാകും എന്ന് ചിന്തിച്ചു അമേരിക്കൻ സ്വപ്നം ജീവിക്കാൻ വന്ന നമ്മളുടെ ഭാവി അത്ര സുഖകരമാവില്ല.
