ഡിസംബർ 10-നകം മൂടൽമഞ്ഞുള്ള പ്രഭാതത്തെ വരവേൽക്കാൻ കേരളം ഒരുങ്ങുന്നു

തിരുവനന്തപുരം: സംസ്ഥാനത്ത് നീണ്ടുനിൽക്കുന്ന മഴ തണുത്ത വടക്കുകിഴക്കൻ കാറ്റിന്റെ വരവ് വൈകിപ്പിച്ച നിലവിലെ സാഹചര്യമനുസരിച്ച്, ഉൾക്കടലിൽ മറ്റ് പ്രധാന കാലാവസ്ഥാ രൂപീകരണങ്ങളൊന്നും ഇല്ലെങ്കിൽ ഡിസംബർ 10 നകം സംസ്ഥാനം മൂടൽമഞ്ഞുള്ള പ്രഭാതത്തെ വരവേൽക്കുമെന്ന് പ്രതീക്ഷിക്കുന്നതായി കാലാവസ്ഥാ വകുപ്പ്. ഇത്തവണത്തെ ഏറ്റവും കൂടിയ പകൽ താപനില ഡിസംബർ, ജനുവരി, ഫെബ്രുവരി മാസങ്ങളിൽ ഗണ്യമായി കുറയാൻ സാധ്യതയുണ്ടെന്നും, കുറഞ്ഞ താപനില മുൻവർഷങ്ങളിലേതിന് സമാനമായിരിക്കുമെന്നും ഇന്ത്യൻ കാലാവസ്ഥാ വകുപ്പ് അതിന്റെ ഏറ്റവും പുതിയ ബുള്ളറ്റിനിൽ പറഞ്ഞു. അറബിക്കടലിൽ നിന്നുള്ള പടിഞ്ഞാറൻ കാറ്റ് സംസ്ഥാനത്തേക്ക് വടക്കുകിഴക്കൻ കാറ്റിന്റെ ഒഴുക്കിനെ തടയുന്നു. അറബിക്കടലിലും ബംഗാൾ ഉൾക്കടലിലും രൂപപ്പെട്ട ന്യൂനമർദ്ദം മഞ്ഞുകാലത്തിന്റെ ആരംഭം വൈകിപ്പിച്ചു. ഒക്‌ടോബർ മുതൽ ഈ കാലയളവിൽ ശരാശരി അഞ്ച്-ആറ് ന്യൂനമർദ്ദ സംവിധാനങ്ങൾക്കെതിരെ 11 ന്യൂനമർദ്ദം രൂപപ്പെട്ടിട്ടുണ്ട്. ശനിയാഴ്ചയോടെ ജവാദ് ചുഴലിക്കാറ്റ് വീശിയടിക്കുന്നതോടെ വലിയ കാലാവസ്ഥാ സംവിധാനങ്ങളൊന്നും ഉണ്ടാകില്ലെന്നും അങ്ങനെയെങ്കിൽ ഡിസംബർ 10നകം…

അട്ടപ്പാടി ശിശു മരണം സംഭവിച്ച ആദിവാസി ഊരുകളിൽ വെൽഫെയർ പാർട്ടി നേതാക്കൾ സന്ദർശനം നടത്തി

അഗളി: ശിശു മരണം സംഭവിച്ച അട്ടപ്പാടി ആദിവാസി ഊരുകളിൽ വെൽഫെയർ പാർട്ടി സംസ്ഥാന, ജില്ലാ നേതാക്കൾ സന്ദർശനം നടത്തി. ആദിവാസി ഊരുകളിലെ ശിശു മരണങ്ങളുടെ ഉത്തരവാദിത്വത്തിൽ നിന്നും സംസ്ഥാന സർക്കാരിന് ഒഴിഞ്ഞുമാറാനാകില്ലെന്നും, പോഷഹാകാരക്കുറവു മൂലം കുഞ്ഞുങ്ങൾ മരണപ്പെടുന്ന അത്യന്തം ഗുരുതരമായ ജീവൻ പ്രശ്നങ്ങളോടുള്ള സർക്കാരിന്റെ നിരുത്തരവാദപരമായ സമീപനം അവസാനിപ്പിക്കണമെന്നും ദീർഘകാലമായി ആദിവാസി ഊരുകളിൽ നിലനിൽക്കുന്ന ഗുരുതരമായ ആരോഗ്യപ്രശ്നങ്ങൾ പരിഹരിക്കുന്നതിനായി സമഗ്രമായ ആരോഗ്യ പദ്ധതി പ്രഖ്യാപിച്ച് അടിയന്തിരമായി സംസ്ഥാന സർക്കാർ നടപ്പാക്കണമെന്നും സംസ്ഥാന വൈസ് പ്രസിഡണ്ട് സുരേന്ദ്രൻ കരിപ്പുഴ ആവശ്യപ്പെട്ടു. പട്ടയം ലഭിച്ചിട്ടും ഭൂമി ലഭ്യമാവാത്ത നഞ്ചിയമ്മ ഉൾപ്പടെ ഉള്ളവരെ നേതാക്കൾ സന്ദർശിച്ച് പാർട്ടിയുടെ പിന്തുണ അറിയിച്ചു. ഈ ഡിസംബർ മാസം തന്നെ അട്ടപ്പാടിയിൽ ആദിവാസി നേതാക്കളെയും സാമൂഹ്യ പ്രവർത്തകരെയും ഭൂമി നഷ്ടപ്പെട്ടവരെയും വിളിച്ചു ചേർത്ത് ആദിവാസികളുടെ ഭൂമി അടക്കമുള്ള ജീവിത പ്രശ്നങ്ങളിൽ പാർട്ടി പുതിയ മൂവ്മെന്റ് നടത്തുമെന്ന്…

കോടതി ഗുമസ്ഥയെ കൈയ്യേറ്റം ചെയ്ത അച്ഛനും മകനുമെതിരെ കേസ്

കോട്ടയം: വിവാഹമോചനക്കേസുമായി ബന്ധപ്പെട്ട കോടതി ഉത്തരവ് കൈമാറാനെത്തിയ വനിതാ ക്ലർക്കിന് നേരെ കൈയ്യേറ്റം നടത്തിയ അച്ഛനും മകനുമെതിരെ കേസ്. പാലാ കുടുംബ കോടതിയുടെ ഉത്തരവുമായെത്തിയ ഗുമസ്ഥ റിന്‍സിയാണ് ആക്രമണത്തിനിരയായത്. പാലാ കുടുംബ കോടതിയിൽ പൂഞ്ഞാർ സ്വദേശിനിയും തലയോലപ്പറമ്പ് സ്വദേശിയുമായുള്ള വിവാഹ മോചനക്കേസില്‍ കോടതിയില്‍ ഹാജരാകാനുള്ള ഉത്തരവുമായാണ് റിന്‍സി പെണ്‍കുട്ടിയുടെ വീട്ടിലെത്തിയത്. ആ സമയത്താണ് പെൺകുട്ടിയുടെ പിതാവ് ജെയിംസും സഹോദരൻ നിഹാലും ചേർന്ന് ആക്രമിച്ചത്. ഇന്ന് ഉച്ചയോടെയായിരുന്നു സംഭവം. കല്ലുകൊണ്ടുൾപ്പെടെ അടിക്കാൻ ശ്രമിച്ച ഇവർ ഗുമസ്ഥയെ തള്ളുകയും ചെയ്തു. ആക്രമണത്തിൽ പരിക്കേറ്റ റിന്‍സിയെ ആശുപത്രിയിൽ പ്രവേശിപ്പിച്ചു. കേസുമായി ബന്ധപ്പെട്ട് മുൻപ് തലതവണ പെൺകുട്ടിയുടെ വീട്ടുകാരെ വിളിപ്പിച്ചെങ്കിലും അവർ എത്താൻ തയ്യാറായിരുന്നില്ല. കോടതി നടപടികളുമായി അവർ സഹകരിച്ചതുമില്ല. ഇതോടെയാണ് ഗുമസ്ഥയായ റിന്‍സി നേരിട്ട് നിർദ്ദേശം കൈമാറാൻ എത്തിയത്. പരാതിക്കാരനായ തലയോലപ്പറമ്പ് സ്വദേശിയും ജീവനക്കാരിക്കൊപ്പമുണ്ടായിരുന്നു. ദമ്പതികളുടെ കുട്ടിയെ കേരളത്തിന് പുറത്തേക്ക് കൊണ്ടുപോകരുതെന്ന…

മോഡലുകളായ അൻസി കബീർ, അഞ്ജന ഷാജൻ എന്നിവരുടെ അപകട മരണം; സൈജു തങ്കച്ചന്റെ സുഹൃത്ത് ഫെബി ജോണിനെ അന്വേഷണ സംഘം ചോദ്യം ചെയ്യാനൊരുങ്ങുന്നു

കൊച്ചി: മോഡലുകളായ അൻസി കബീർ, അഞ്ജന ഷാജൻ എന്നിവരുടെ അപകട മരണത്തില്‍ കൂടുതല്‍ പേര്‍ അന്വേഷണ സംഘത്തിന്റെ നിരീക്ഷണത്തിലായി. അവരിലൊരാളായ തൃശൂര്‍ സ്വദേശി ഫെബി ജോണിനെ അന്വേഷണ സംഘം ചോദ്യം ചെയ്യാനൊരുങ്ങുകയാണ്. ഫെബിയുടെ ഔഡി കാര്‍ സൈജുവിന് ഉപയോഗിക്കാനായി കൊടുത്തിരുന്നു. ഫെബിയുടെ സുഹൃത്തുക്കള്‍ക്കു വേണ്ടിയാണ് സൈജു തങ്കച്ചന്‍ പാര്‍ട്ടി ഒരുക്കിയതെന്നാണ് അന്വേഷണ സംഘം പറയുന്നത്. സൈജുവിന്റെ മൊബൈല്‍ ഫോണില്‍ പാസ്‌വേഡ് പ്രൊട്ടക്റ്റില്‍ സൂക്ഷിച്ചിരുന്ന രഹസ്യ ഹോൾഡറിൽ കുറ്റകൃത്യങ്ങളുടെ വിഡിയോകൾ അന്വേഷണ സംഘം കണ്ടെത്തി. അതേസമയം മോഡലുകളുടെ മരണവുമായി ബന്ധപ്പെട്ട് സൈജു തങ്കച്ചനെതിരെ ഒന്‍പത് കേസുകളാണ് പോലീസ് ചുമത്താന്‍ ഉദ്ദേശിക്കുന്നത്. സൈജുവിന്റെ മൊഴിയുടെ അടിസ്ഥാനത്തിലാണ് നടപടി. മോഡലുകളുടെ മരണവുമായി ബന്ധപ്പെട്ടുള്ള ചോദ്യം ചെയ്യലിലാണ് ലഹരി പാര്‍ട്ടികളെക്കുറിച്ച് വിവരം ലഭിച്ചത്. ഇയാളുടെ മൊബൈൽ ഫോണിൽ നിന്ന് കിട്ടിയ ചിത്രങ്ങളും വീഡിയോകളും അടിസ്ഥാനമാക്കിയാണ് കേസെടുക്കുന്നത്. ലഹരി മരുന്ന് ഉപയോഗിച്ചതിനാണ് കേസെടുക്കുക. വിവിധ…

ചെളിയും 65 തരം ഔഷധസസ്യങ്ങളും ഉപയോഗിച്ച് വീടൊരുക്കി ശില്പി സിലാ സന്തോഷ്

തിരുവനന്തപുരം: ചെളിയും 65 ഔഷധസസ്യങ്ങളും ചേര്‍ത്ത് 200 ചതുരശ്ര അടി വിസ്തീര്‍ണ്ണത്തില്‍ വീട് നിര്‍മ്മിച്ച സന്തോഷത്തിലാണ് ശിൽപിയായ സന്തോഷ്. സംസ്ഥാന തലസ്ഥാനത്ത് നിന്ന് 100 കിലോമീറ്റർ അകലെ അടൂരിൽ അദ്ദേഹത്തിന്റെ ഉറ്റ സുഹൃത്ത് ജേക്കബ് തങ്കച്ചന്റെ അഞ്ചേക്കർ കൃഷിഭൂമിയിലാണ് വീട് നിര്‍മ്മിച്ചിരിക്കുന്നത്. ശിൽപ നിർമ്മാണത്തിൽ, പ്രത്യേകിച്ച് ക്ഷേത്രങ്ങളുടെ നിർമ്മാണത്തിൽ ഏർപ്പെട്ടിരിക്കുന്ന ഒരു കുടുംബത്തിൽ പെട്ടയാളാണ് സന്തോഷ് എന്ന ഈ 39-കാരന്‍. “എനിക്ക് എല്ലായ്‌പ്പോഴും വിവിധ സസ്യങ്ങളോട്, പ്രത്യേകിച്ച് ഔഷധ സസ്യങ്ങളോട് ഇഷ്ടമായിരുന്നു. കഴിഞ്ഞ ആറ് വർഷമായി, ഞാൻ സ്വന്തമായി ഗവേഷണം നടത്തുകയും വിവിധ ഔഷധങ്ങളിൽ നിന്ന് ഉണ്ടാക്കുന്ന ഒരു കഷായം കലർത്തി ചെളിയിൽ കലർത്തി അതിന്റെ തീവ്രത പരിശോധിക്കുന്നു,” സന്തോഷ് പറഞ്ഞു. ആയുർവേദത്തിലും ഔഷധ സസ്യങ്ങളിലുമുള്ള 40 ഓളം വ്യത്യസ്ത വിദഗ്ധരുമായി താൻ സംസാരിച്ചതായും സന്തോഷ് പറഞ്ഞു. “ഞാൻ എന്റെ ഗവേഷണത്തിന്റെ മുഴുവൻ ഫയലും തങ്കച്ചനെ കാണിച്ചു.…

അയോഗ്യരായ ഫാക്കൽറ്റികളെ തിരിച്ചയക്കുക; അധികമായി നൽകിയ ശമ്പളം തിരിച്ചുപിടിക്കുക; ഐ‌ച്ച്‌ആര്‍ഡിക്ക് സര്‍ക്കാരിന്റെ നിര്‍ദ്ദേശം

തിരുവനന്തപുരം: ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്‌സ് ഡെവലപ്‌മെന്റിന് (ഐഎച്ച്ആർഡി) കീഴിലുള്ള എഞ്ചിനീയറിംഗ് കോളേജുകളിലെ 137 ഫാക്കൽറ്റി അംഗങ്ങളുടെ സേവന-വേതന വ്യവസ്ഥകളെ ബാധിക്കുന്ന നടപടിയിൽ, ഓൾ ഇന്ത്യ കൗൺസിൽ ഫോർ ടെക്‌നിക്കൽ എജ്യുക്കേഷനും (എഐസിടിഇ), യൂണിവേഴ്‌സിറ്റി ഗ്രാന്റ്സ് കമ്മീഷനും (യുജിസി) നിർദ്ദേശിച്ച യോഗ്യതകൾ ഇല്ലാത്ത ഫാക്കൽറ്റികളോട് അവരുടെ മുന്‍ സേവനത്തിലേക്ക് തിരിച്ചുപോകാന്‍ സംസ്ഥാന സര്‍ക്കാര്‍ നിര്‍ദ്ദേശിച്ചു. അവർക്ക് ലഭിച്ച അധിക ശമ്പളവും മറ്റ് വേതനങ്ങളും അവരിൽ നിന്ന് ഈടാക്കുകയും ചെയ്യും. ഐഎച്ച്ആർഡിയിലെ ഒരു സ്രോതസ്സ് അനുസരിച്ച്, ഈ നീക്കം നിരവധി ഫാക്കൽറ്റി അംഗങ്ങളെ പോളിടെക്നിക്കുകൾ പോലുള്ള മാതൃ സ്ഥാപനങ്ങളിലേക്ക് മാറ്റുന്നതിന് ഇടയാക്കും. 50,000 രൂപ മുതൽ 1.25 ലക്ഷം രൂപ വരെ മാസശമ്പളം വെട്ടിക്കുറയ്ക്കാനും ഇത് കാരണമാകും. ഈ ഫാക്കൽറ്റി അംഗങ്ങളിൽ ഭൂരിഭാഗവും ആദ്യം കരാർ അടിസ്ഥാനത്തിൽ നിയമിക്കുകയും നീണ്ട പ്രക്ഷോഭത്തിനും രാഷ്ട്രീയ സ്വാധീനം വഴിയും എൻജിനീയറിംഗ് കോളേജുകളിൽ…

കോവിഡ്-19: സംസ്ഥാനത്ത് ഇന്ന് 5405 പോസിറ്റീവ് കേസുകള്‍; 96 പേര്‍ മരിച്ചു

തിരുവനന്തപുരം: സംസ്ഥാനത്ത് ഇന്ന് 5405 പേര്‍ക്ക് കോവിഡ്-19 പോസിറ്റീവ് സ്ഥിരീകരിച്ചു. രോഗം സ്ഥിരീകരിച്ചവരില്‍ 14 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 5093 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 260 പേരുടെ സമ്പര്‍ക്ക ഉറവിടം വ്യക്തമല്ല. 38 ആരോഗ്യ പ്രവര്‍ത്തകര്‍ക്കും രോഗം ബാധിച്ചു. തിരുവനന്തപുരം 988, എറണാകുളം 822, കോഴിക്കോട് 587, തൃശൂര്‍ 526, കോട്ടയം 518, കൊല്ലം 351, മലപ്പുറം 282, പത്തനംതിട്ട 253, കണ്ണൂര്‍ 236, വയനാട് 220, ഇടുക്കി 193, പാലക്കാട് 180, ആലപ്പുഴ 162, കാസര്‍ഗോഡ് 87 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 64,191 സാമ്പിളുകളാണ് പരിശോധിച്ചത്.ടെസ്റ്റ് പോസിറ്റിവിറ്റി നിരക്ക് 8.42. കഴിഞ്ഞ ദിവസങ്ങളിലുണ്ടായ 96 മരണങ്ങളാണ് കൊറോണ മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ സുപ്രീംകോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ…

ശബരിമല വെർച്വൽ ക്യൂ ഡാറ്റയുടെ സ്വകാര്യത; ടിസിഎസിനോട് വിശദീകരണം തേടി ഹൈക്കോടതി

കൊച്ചി: ശബരിമല ദർശനത്തിനായി രൂപകല്പന ചെയ്തിട്ടുള്ള വെർച്വൽ ക്യൂ പ്ലാറ്റ്‌ഫോമിൽ ഡാറ്റാ സ്വകാര്യത ഉറപ്പാക്കാൻ സ്വീകരിച്ച നടപടികൾ വിശദീകരിച്ച് സത്യവാങ്മൂലം സമർപ്പിക്കാൻ ഹൈദരാബാദിലെ ടാറ്റ കൺസൾട്ടൻസി സർവീസസിന് കേരള ഹൈക്കോടതി ബുധനാഴ്ച നിർദേശം നൽകി. ശബരിമല തീർഥാടനത്തിനായുള്ള വെർച്വൽ ക്യൂ മാനേജ്‌മെന്റിനെതിരായ സ്വമേധയാ കേസും മറ്റ് ഹർജികളും പരിഗണിക്കവെയാണ് ജസ്റ്റിസ് അനിൽ കെ നരേന്ദ്രനും ജസ്റ്റിസ് പി ജി അജിത്കുമാറും അടങ്ങുന്ന ഡിവിഷൻ ബെഞ്ചിന്റെ ഉത്തരവ്. വെർച്വൽ-ക്യു ബുക്കിംഗ് സമയത്ത് ശേഖരിച്ച ഡാറ്റ മറ്റെന്തെങ്കിലും ആവശ്യത്തിന് ഉപയോഗിക്കുന്നുണ്ടോയെന്നും ആ ഡാറ്റയിലേക്കുള്ള ആക്‌സസ് സംസ്ഥാന പോലീസിനോ മറ്റേതെങ്കിലും ഏജൻസിക്കോ ലഭ്യമാണോയെന്നും സത്യവാങ്മൂലത്തിൽ വ്യക്തമാക്കാൻ ടിസി‌എസ് പ്രോജക്ട് മാനേജരോട് കോടതി നിർദ്ദേശിച്ചു. വെർച്വൽ ക്യൂ പ്ലാറ്റ്‌ഫോമിന് ആവശ്യമായ അടിസ്ഥാന സൗകര്യങ്ങളും മനുഷ്യശേഷിയും വ്യക്തമാക്കാൻ പ്രോജക്ട് മാനേജരോട് ആവശ്യപ്പെട്ടിട്ടുണ്ട്. പോലീസ് കൈകാര്യം ചെയ്യുന്ന ശബരിമല തീർഥാടന മാനേജ്‌മെന്റ് സിസ്റ്റത്തിന് (എസ്‌പിഎംഎസ്) ഇഷ്‌ടാനുസൃതമാക്കിയ…

നജാത്ത് കോളേജിൽ വിദ്യാർത്ഥിനികൾക്ക് പ്രീ മാരിറ്റൽ കൗൺസിലിംഗ്

മണ്ണാർക്കാട്: സംസ്ഥാന ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ മണ്ണാർക്കാട് നജാത്ത് ആർട്സ് ആന്റ് സയൻസ് കോളേജിൽ ആദ്യ വർഷ ബിരുദ വിദ്യാർത്ഥിനികൾക്കായി ചതുർ ദിന പ്രീമാരിറ്റൽ കൗൺസിലിംഗ് പരിശീലന പരിപാടി സംഘടിപ്പിച്ചു. മണ്ണാർക്കാട് നഗരസഭ ചെയർമാൻ സി. മുഹമ്മദ് ബഷീർ ഉദ്ഘാടനം നിർവഹിച്ചു. കോളേജ് പ്രിൻസിപ്പൽ പ്രൊഫ. മുഹമ്മദലി അദ്ധ്യക്ഷത വഹിച്ചു. പാലക്കാട് മൈനോറിറ്റി പരിശീലന കേന്ദ്രം പ്രിൻസിപ്പൽ ഡോ. കെ. വാസുദേവൻ പിള്ള മുഖ്യ പ്രഭാഷണം നിർവഹിച്ചു. നല്ല കുടുംബാന്തരീക്ഷവും സാമൂഹിക പ്രതിബദ്ധതയുമുള്ളവരാക്കി പുതുതലമുറയെ വളർത്തുകയെന്ന ലക്ഷ്യത്തിലാണ് കൗൺസിലിംഗ് നടത്തിവരുന്നതെന്ന് ഡോ. കെ. വാസുദേവൻ പിള്ള പറഞ്ഞു. നാല് ദിവസത്തെ കൗൺസിലിംഗ് തിങ്കളാഴ്ചയാണ് ആരംഭിച്ചത്. വ്യാഴാഴ്ച്ച സമാപിക്കും. 4 ദിവസങ്ങളിലായി 8 സെഷനുകളായാണ് കൗൺസിലിംഗ് ക്ലാസുകൾ നടക്കുന്നത്.

സംഘ്പരിവാറിൻ്റെ മുസ്ലിം വെറുപ്പിന് പച്ചക്കൊടി കാണിക്കുന്നതാണ് ശംസീറിൻ്റെ പ്രസ്താവന: എസ്.ഐ.ഒ

ഹലാൽ ബോർഡുകൾ ഹോട്ടലുകളിൽ നിന്നും എടുത്തുമാറ്റണമെന്നും അതിന് പണ്ഡിത നേതൃത്വം മുൻകൈ എടുക്കണമെന്ന ഷംസീറിൻ്റെ പ്രസ്ഥാവന കേരളീയ പൊതുമണ്ഡലത്തിൽ മുസ്ലിം വെറുപ്പ് ഉത്പാദിപ്പിച്ച് കൊണ്ടിരിക്കുന്ന സംഘ്പരിവാറിൻ്റെ അജണ്ടയെ ന്യൂനീകരിക്കുന്നതും അതിന് പച്ചക്കൊടി കാണിക്കുന്നതുമാണെന്ന് എസ്.ഐ.ഒ സംസ്ഥാന പ്രസിഡൻ്റ് അംജദ് അലി ഇ.എം അഭിപ്രായപെട്ടു. ‘Streets against Islamophobia’ എന്ന പ്രമേയത്തില്‍ പൊന്നാനി സി.വി. ജംഗ്ഷനില്‍ എസ്.ഐ.ഒ. മലപ്പുറം ജില്ലാ കമ്മിറ്റി സംഘടിപ്പിച്ച പരിപാടിയില്‍ അനൂപ് വി.ആര്‍, സഹല്‍ ബാസ്, ശിബിലി തുടങ്ങിയവര്‍ സംസാരിച്ചു. മുഹമ്മദ് മുനവ്വർ എം പി.ആർ സെക്രട്ടറി, എസ്.ഐ.ഒ മലപ്പുറം