ജമാഅത്തെ ഇസ്ലാമി ഖുർആൻ സമ്മേളനം നടത്തി

കൂട്ടിലങ്ങാടി : ജമാഅത്തെ ഇസ്ലാമി മക്കരപ്പറമ്പ ഏരിയ ഖുർആൻ സമ്മേളനം ജമാഅത്തെ ഇസ്ലാമി കേരള സെക്രട്ടറി ശിഹാബ് പൂക്കോട്ടൂർ കീരംകുണ്ട് റെയിൻബോ ഓഡിറ്റോറിയത്തിൽ ഉദ്ഘാടനം ചെയ്തു. മക്കരപ്പറമ്പ് ഏരിയ പ്രസിഡന്റ് എൻ.കെ അബ്ദുൽ അസീസ് അദ്ധ്യക്ഷത വഹിച്ചു. ‘ഖുർആനിന്റെ ഭാഷാ സൗന്ദര്യം’ വിഷയത്തിൽ ഫലാഹിയ കോളേജ് അസി. പ്രൊഫ. അസ്ഹർ പുള്ളിയിൽ സംസാരിച്ചു. വിവിധ പരീക്ഷകളിൽ ഉന്നത വിജയം നേടിയവരെ ഉപഹാരം നൽകി ആദരിച്ചു. ലയ്യ എൻ.കെ ഫലസ്തീൻ ഐക്യദാർഢ്യ ഗാനം ആലപിച്ചു. ടി അബ്ദുൽ ഗഫൂർ ഖിറാഅത്ത് നടത്തി. ഖുർആൻ സ്റ്റഡി ഏരിയ കൺവീനർ സി.പി കുഞ്ഞാലൻ കുട്ടി സ്വാഗതം പറഞ്ഞു.

കരിമണല്‍ ഖനന അഴിമതി കേസ്: മുഖ്യമന്ത്രിക്കും മകള്‍ വീണാ വിജയനുമെതിരെ മാത്യു കുഴൽനാടൻ നൽകിയ ഹർജിയിൽ വാദം പൂർത്തിയായി

തിരുവനന്തപുരം: ദുരന്തനിവാരണ നിയമത്തിൻ്റെ മറവിൽ നടന്ന കോടിക്കണക്കിന് രൂപയുടെ ധാതുമണൽ ഖനന അഴിമതി അന്വേഷിക്കണമെന്നാവശ്യപ്പെട്ട് മാത്യു കുഴൽനാഥൻ എംഎൽഎ സമർപ്പിച്ച ഹർജിയിൽ വാദം പൂർത്തിയായി. കേസിൽ ഏപ്രിൽ നാലിനാണ് വിധി. തിരുവനന്തപുരത്തെ പ്രത്യേക വിജിലൻസ് കോടതിയാണ് ഹർജി പരിഗണിക്കുന്നത്. ഹർജി കോടതി നേരിട്ട് അന്വേഷിക്കേണ്ടതില്ലെന്നും വിജിലൻസ് അന്വേഷണം മാത്രം മതിയെന്നും ചൂണ്ടിക്കാട്ടി മാത്യു കുഴൽനാടൻ കോടതിയിൽ മെമ്മോ സമർപ്പിച്ചു. മാത്യു കുഴൽനാടനുവേണ്ടി ഹാജരായ അഭിഭാഷകനോട് എന്ത് നിലപാടാണ് സ്വീകരിക്കേണ്ടതെന്ന് കോടതി ചോദിച്ചതിനെത്തുടര്‍ന്നാണ് അഭിഭാഷകൻ ഈ ആവശ്യം ഉന്നയിച്ചത്. മുഖ്യമന്ത്രി പിണറായി വിജയനും മകൾ വീണ തൈക്കണ്ടിയിലുമാണ് കേസിലെ ഏഴ് എതിർകക്ഷികൾ. പിണറായിക്കും മകൾക്കും പുറമെ സിഎംആർഎൽ ഉടമ എസ് എൻ ശശിധരൻ കർത്താ, സിഎംആർഎൽ, എംഎംഎൽ, ഇന്ത്യൻ റെയർ എർത്ത്‌സ്, എക്‌സലോജിക് എന്നിവരാണ് എതിർകക്ഷികൾ. ആറാട്ടുപുഴയിലും തൃക്കുന്നപ്പുഴയിലും ധാതുമണൽ ഖനനത്തിനായി കർത്ത ഭൂമി വാങ്ങിയെങ്കിലും 2004ലെ സംസ്ഥാന…

പൊടിമറ്റം സെന്റ് മേരീസ് പള്ളി വചനപ്രഘോഷണം, വിശുദ്ധവാര ശുശ്രൂഷകള്‍

പൊടിമറ്റം: പൊടിമറ്റം സെന്റ് മേരീസ് പള്ളിയിലെ വിശുദ്ധവാര തിരുകർമ്മങ്ങൾക്ക് മാർച്ച് 24 ഞായർ രാവിലെ 6:30ന് ആരംഭിക്കുന്ന ഓശാന ഞായർ ശുശ്രൂഷകളോടെ തുടക്കമാകും. തുടർന്ന് ഫാ. ജിൽസൺ മാത്യു കക്കാട്ടുപിള്ളി വി.സി യുടെ നേതൃത്വത്തിൽ വൈകുന്നേരം 5:00 മുതല്‍ 9:00 വരെയുള്ള വചനപ്രഘോഷണവും പ്രാര്‍ത്ഥനാശുശ്രൂഷയും 27 ബുധനാഴ്ച സമാപിക്കും. മാർച്ച് 28ന് പെസഹാ വ്യാഴത്തോടനുബന്ധിച്ച് രാവിലെ 8 മുതല്‍ ആരാധനയും വൈകുന്നേരം 4-ന് പെസഹാ തിരുക്കര്‍മങ്ങളും നടത്തപ്പെടും. മാർച്ച് 29 ദുഃഖവെള്ളിയാഴ്ച രാവിലെ 9ന് പാറത്തോട് കുരിശടിയില്‍ നിന്നു പൊടിമറ്റം സെന്റ് മേരീസ് പള്ളിയിലേക്ക് കെ കെ റോഡിലൂടെ കുരിശിന്റെ വഴിയും തുടര്‍ന്ന് 10.30ന് ദുഃഖവെള്ളി തിരുക്കര്‍മങ്ങളും. ഏപ്രില്‍ 8-ന് ദുഃഖശനി ശുശ്രൂഷകൾ രാവിലെ 6.30ന് ആരംഭിക്കും. മാർച്ച് 31ന് ഈസ്റ്റര്‍ ഞായറിന്റെ ഭാഗമായി പുലര്‍ച്ചെ 2.45ന് ഉയര്‍പ്പ് തിരുനാള്‍ തിരുകർമ്മങ്ങൾ ആരംഭിക്കും. രാവിലെ 7: 15ന്…

മലയാളത്തിലെ ആദ്യത്തെ ടൂർണമെന്റ് ജേർണൽ പ്രകാശനം ചെയ്തു

തൃശ്ശൂർ: കേരളത്തിലെ ആദ്യകാല ചെസ്സ് പരിശീലനകേന്ദ്രങ്ങളിലൊന്നായിരുന്ന തൃശ്ശൂരിലെ ശങ്കരയ്യ റോഡിൽ ഏപ്രിൽ 28നു നടക്കുന്ന ഏകദിന സംസ്ഥാനതല സമ്മർ ചെസ്സ് ടൂർണമെന്റിനോടനുബന്ധിച്ചു തയ്യാറാക്കിയ ജേർണൽ സംഗീത സംവിധായകൻ ഔസേപ്പച്ചൻ പ്രകാശനം ചെയ്തു. ശങ്കരയ്യ റോഡിലെ ആദ്യകാല ചെസ്സ് കളിക്കാരനായിരുന്ന കളപ്പുരയ്ക്കൽ വാസുവിന്റെ സ്മരണാർത്ഥം ഡിജിറ്റൽ ഫിലിം മേക്കേഴ്‌സ് ഫോറം ട്രസ്റ്റിന്റെ സ്പോർട്സ് വിങ്ങാണ് ടൂർണമെന്റ് ആരംഭിക്കുന്നത്. ചെറുപ്പത്തിൽ താനുമൊരു ചെസ്സ് കളിക്കാരനായിരുന്നുവെന്നും സംഗീതത്തിന്റെ വഴിയിലേക്കു തിരഞ്ഞപ്പോഴാണു ചെസ്സിനെ കൈവിടേണ്ടി വന്നതെന്നും ഔസേപ്പച്ചൻ പറഞ്ഞു. പ്രാദേശികമായ ഇത്തരം ടൂർണമെന്റുകളാണു ചെസ്സിനെ ജനകീയമാക്കുന്നതെന്നും അദ്ദേഹം പറഞ്ഞു. ഒരു ടൂർണമെന്റ് നടത്തിപ്പിനുവേണ്ടി ഇത്തരമൊരു പുസ്തക സംരംഭം ആദ്യത്തെ സംഭവമാണെന്ന്, ജേർണൽ ഏറ്റുവാങ്ങികൊണ്ട് ചെസ്സ് അസോസിയേഷൻ കേരളയുടെ ജില്ലാ പ്രസിഡന്റ് വി. ശശീധരൻ പറഞ്ഞു. ഔസേപ്പച്ചന്റെ വസതിയിൽവെച്ചു നടന്ന ചടങ്ങിൽ, ജേർണലിന്റെ എഡിറ്ററും ട്രസ്റ്റ് ചെയർമാനുമായ സതീഷ് കളത്തിൽ, കേരളകൗമുദി ബ്യൂറോ ചീഫ്…

ആര്‍ എൽ വി രാമകൃഷ്ണനെതിരെ കലാമണ്ഡലം സത്യഭാമയുടെ വിവാദ പരാമര്‍ശം: ഈ സ്ത്രീ വ്യാജ കലാമണ്ഡലം സത്യഭാമയാണെന്ന് ശ്രീകുമാരന്‍ തമ്പി

തിരുവനന്തപുരം: ആര്‍ എൽ വി രാമകൃഷ്ണൻ വിഷയത്തിൽ പ്രതികരണവുമായി കലാ-സാംസ്കാരിക-ചലച്ചിത്ര പ്രവർത്തകൻ ശ്രീകുമാരൻ തമ്പി. ഈ സ്ത്രീയല്ല യഥാർത്ഥ കലാമണ്ഡലം സത്യഭാമയെന്ന് ശ്രീകുമാരൻ തമ്പി ഫേസ്ബുക്ക് പേജിലൂടെ വിമർശിച്ചു. ‘ഈ സ്ത്രീയല്ല യഥാർത്ഥ കലാമണ്ഡലം സത്യഭാമ. പ്രശസ്ത കഥകളി ആചാര്യൻ കലാമണ്ഡലം പത്മനാഭൻ നായരുടെ ഭാര്യയും കലാമണ്ഡലത്തിലെ അദ്ധ്യാപികയുമായിരുന്നു കലാമണ്ഡലം സത്യഭാമ. താൻ സംവിധാനം ചെയ്ത ‘ഗാനം’, ‘ബന്ധുക്കൾ ശത്രുക്കൾ’ എന്നീ ചിത്രങ്ങളിലെ കൊറിയോഗ്രാഫി ചെയ്തത് യഥാർത്ഥ സത്യഭാമയാണെന്ന് അദ്ദേഹത്തിൻ്റെ ഫേസ്ബുക്ക് പോസ്റ്റിൽ പറഞ്ഞു. കലാമണ്ഡലം ക്ഷേമാവതി, കലാമണ്ഡലം സരസ്വതി, കലാമണ്ഡലം ലീലാമ്മ തുടങ്ങിയ പ്രശസ്ത നർത്തകിമാർ യഥാർത്ഥ സത്യഭാമയുടെ ശിഷ്യരാണ്. കലാമണ്ഡലം പത്മനാഭൻ നായരുടെയും പത്നി കലാമണ്ഡലം സത്യഭാമയുടെയും കലാജീവിതത്തെക്കുറിച്ചുള്ളതാണ് ശ്രീകുമാരൻ തമ്പിയുടെ സംവിധാനത്തിൽ വർഷങ്ങൾക്ക് മുമ്പ് ദൂരദർശനിൽ സംപ്രേഷണം ചെയ്ത ‘ദയിതേ കേൾ നീ’ എന്ന ഡോക്യുമെൻ്ററി. പ്രതിഭയായിരുന്ന യഥാർത്ഥ സത്യഭാമയെ ഈ സത്യഭാമയുമായി…

ആർഎൽവി രാമകൃഷ്ണനെ അവഹേളിച്ച് കലാമണ്ഡലം സത്യഭാമ നടത്തിയ പരാമർശത്തിന് മറുപടിയുമായി കൈതപ്രം ദാമോദരൻ നമ്പൂതിരി

കോഴിക്കോട് : ആർഎൽവി രാമകൃഷ്ണനെതിരായ കലാമണ്ഡലം സത്യഭാമയുടെ അധിക്ഷേപത്തെ അപലപിച്ച് മലയാളത്തിലെ പ്രശസ്ത ഗാനരചയിതാവ് കൈതപ്രം ദാമോദരൻ നമ്പൂതിരി. ആർഎൽവി രാമകൃഷ്ണൻ ഏറെ ശ്രദ്ധിക്കപ്പെട്ട കലാകാരനാണെന്ന് കൈതപ്രം ദാമോദരൻ നമ്പൂതിരി പറഞ്ഞു. അത്തരക്കാരെ വ്യക്തിപരമായി ആക്രമിക്കുന്നത് ഒരു തരത്തിലും അംഗീകരിക്കാനാകില്ലെന്നും കലാകാരന്മാർക്കിടയിൽ ജാതി അധിക്ഷേപം ഉണ്ടാകരുതെന്നും അദ്ദേഹം കൂട്ടിച്ചേർത്തു. ആർഎൽവി രാമകൃഷ്ണനെതിരെ കലാമണ്ഡലം സത്യഭാമ നടത്തിയ പരാമർശത്തിനെതിരെ വ്യാപക പ്രതിഷേധം ഉയർന്നിരുന്നു, രാമകൃഷ്ണനെ പിന്തുണച്ച് നിരവധി പ്രമുഖർ രംഗത്തെത്തിയിരുന്നു. ഒരു യൂട്യൂബ് ചാനലിന് നൽകിയ അഭിമുഖത്തിലാണ് സത്യഭാമ രാമകൃഷ്ണനെ അപമാനിച്ചത്. അഭിമുഖത്തിൽ, മോഹിനിയാട്ടം അവതരിപ്പിക്കുന്നവർക്ക് ഒരു മോഹിനിയുടെ ഗുണങ്ങൾ ഉണ്ടായിരിക്കണമെന്ന് അവർ പറഞ്ഞു. അവനെ (ആർഎൽവി രാമകൃഷ്ണൻ) കണ്ടപ്പോൾ കാക്കയുടെ നിറമാണെന്നായിരുന്നു സത്യഭാമയുടെ പരാമര്‍ശം. സത്യഭാമയുടെ വിവാദ പരാമര്‍ശം: “മോഹിനിയായിരിക്കണം എപ്പോഴും മോഹിനിയാട്ടം കളിക്കേണ്ടത്. ഇയാള് കണ്ട് കഴിഞ്ഞാല്‍ കാക്കയുടെ നിറം. എല്ലാം കൊണ്ടും കാല് ഇങ്ങനെ…

കലാമണ്ഡലം സത്യഭാമയുടെ വിവാദ പരാമർശം: മനുഷ്യാവകാശ കമ്മീഷൻ സ്വമേധയാ കേസെടുത്തു

തൃശൂർ: നർത്തകനും നടനുമായ ആർ.എൽ.വി രാമകൃഷ്ണനെതിരെ സത്യഭാമയുടെ വിവാദ പ്രസംഗത്തിനെതിരെ മനുഷ്യാവകാശ കമ്മീഷൻ സ്വമേധയാ കേസെടുത്തു. പരാമർശം പരിശോധിച്ച് 15 ദിവസത്തിനകം റിപ്പോർട്ട് സമർപ്പിക്കാൻ കമ്മിഷൻ അംഗം വി.കെ.ബീനാകുമാരി തൃശൂർ ജില്ലാ പൊലീസ് മേധാവിയോടും സർക്കാർ സാംസ്കാരിക സെക്രട്ടറിയോടും ആവശ്യപ്പെട്ടു. കറുത്ത നിറമുള്ളവര്‍ മോഹിനിയാട്ടം പോലുള്ള നൃത്തം ചെയ്യരുതെന്ന പരാമർശത്തിനെതിരെയാണ് കേസെടുത്തിരിക്കുന്നത്. മാധ്യമവാർത്തയുടെ അടിസ്ഥാനത്തിൽ സ്വമേധയാ രജിസ്റ്റർ ചെയ്ത കേസിലാണ് നടപടി. മനുഷ്യാവകാശ പ്രവർത്തകനായ ഗിന്നസ് മാട സാമിയും ഇതേ വിഷയത്തിൽ പരാതി നൽകിയിരുന്നു. പ്രശസ്ത കലാകാരനും നർത്തകനുമായ ആർഎൽവി രാമകൃഷ്ണനെ അധിക്ഷേപിച്ച സംഭവം കഴിഞ്ഞ ദിവസം പുറത്തുവന്നിരുന്നു. ഒരു യൂട്യൂബ് ചാനലിന് നൽകിയ അഭിമുഖത്തിൽ കലാമണ്ഡലം സത്യഭാമ മോഹിനിയാട്ടം അവതരിപ്പിക്കുന്നവർ മോഹിനിയുടെ ഗുണങ്ങൾ ഉൾക്കൊള്ളണമെന്നും ആകർഷകമായ സ്വഭാവസവിശേഷതകൾ ഉൾക്കൊള്ളണമെന്നും പറഞ്ഞു. പുരുഷന്മാർ മോഹിനിയാട്ടം കളിക്കുന്നത് അരോചകമാണെന്നും ഇയാൾക്ക് കാക്കയുടെ നിറമാണെന്നുമായിരുന്നു സത്യഭാമയുടെ വാക്കുകൾ. ‘മോഹിനിയായിരിക്കണം എപ്പോഴും…

സി.എ.എ നടപ്പിലാക്കുന്നത് സംഘ്പരിവാറിൻ്റെ ഇലക്ഷൻ തന്ത്രം മാത്രമല്ല : ഫ്രറ്റേണിറ്റി മൂവ്മെൻ്റ്

മലപ്പുറം : സി.എ.എ നിയമം നടപ്പിലാക്കുന്നത് ഇലക്ഷൻ തന്ത്രം മാത്രമല്ല അത് സംഘ്പരിവാറിൻ്റെ വംശഹത്യ പദ്ധതിയാണെന്നും ഫ്രറ്റേണിറ്റി മൂവ്മെൻ്റ് ആഹ്വനം ചെയ്തു. ഫ്രറ്റേണിറ്റി മലപ്പുറം ജില്ലാ കമ്മിറ്റി സംഘടിപ്പിച്ച സാഹോദര്യ രാഷ്ട്രീയ സംഗമത്തിലാണ് ഇത് ആവശ്യപ്പെട്ടത്. സംഗമത്തിൽ മലപ്പുറം ജില്ലയിലെ വ്യത്യസ്ത രാഷ്ട്രീയ സാമൂഹിക സംഘടനകളിലെ വിദ്യാർത്ഥി യുവജന നേതൃത്വം പങ്കെടുത്തു.ഫ്രറ്റേണിറ്റി ജില്ലാ വൈസ് പ്രസിഡന്റ് വി. ടി. എസ് ഉമർ തങ്ങൾ സ്വാഗതം പറഞ്ഞ ചടങ്ങിൽ ജില്ലാ പ്രസിഡന്റ് ജംഷീൽ അബൂബക്കർ അധ്യക്ഷത വഹിച്ചു. വെൽഫെയർ പാർട്ടി ജില്ലാ പ്രസിഡന്റ് നാസർ കീഴുപറമ്പ് ഉദ്ഘാടനം ചെയ്തു. കെ.വി സഫീർഷാ (വെൽഫെയർ പാർട്ടി ), ഷമീമ സക്കീർ (ഫ്രറ്റേണിറ്റി),ബാവ വിസപ്പടി (യൂത്ത് ലീഗ്), അഡ്വ: അൻഷദ്(കെ.എസ്.യു), കെ.എം. ഇസ്മായീൽ എം.എസ്.എഫ്), സതീഷ് ചേരിപുറം (യുവകലാസാഹിതി), ഇർഷാദ് മൊറയൂർ (എസ്.ഡി.പി.ഐ), ഹസൻകുട്ടി പുതുവള്ളി(പി.ഡി.പി.), കലാം ആലുങ്ങൽ (എൻ.വൈ.എൽ), പി.പി.അബ്ദുൽ ബാസിത് (സോളിഡാരിറ്റി ), ഷിബിലി മസ്ഹർ (എസ്.ഐ.ഒ), ജന്നത്ത്. ടി. (ജി.ഐ.ഒ), പി.സി. അബ്ദുൽ ഖയ്യൂം…

രാജ്യത്തിനായുള്ള പ്രാര്‍ത്ഥനയിലും ഉപവാസത്തിലും പങ്കുചേരുക: സിബിസിഐ ലെയ്റ്റി കൗണ്‍സില്‍

കൊച്ചി: കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യയുടെ ആഹ്വാനപ്രകാരം 2024 മാര്‍ച്ച് 22 ന്  നടക്കുന്ന രാജ്യത്തിനായുള്ള പ്രാര്‍ത്ഥനയിലും ഉപവാസത്തിലും പങ്കുചേരുവാന്‍ ക്രൈസ്തവ വിശ്വാസി സമൂഹത്തോട് സിബിസിഐ ലെയ്റ്റി കൗണ്‍സില്‍ ചെയര്‍മാന്‍ ബിഷപ് മാര്‍ ജോര്‍ജ് മഠത്തിക്കണ്ടത്തിലും സെക്രട്ടറി ഷെവലിയര്‍ അഡ്വ.വി. സി. സെബാസ്റ്റ്യനും അഭ്യര്‍ത്ഥിച്ചു. ഭാരത കത്തോലിക്കാ സഭയുടെ 14 റീജിയണുകള്‍ 174 രൂപതകള്‍, ദേവാലയങ്ങള്‍, ധ്യാനകേന്ദ്രങ്ങള്‍, കരിസ്മാറ്റിക് പ്രസ്ഥാനങ്ങള്‍, സന്യസ്ത സഭകള്‍, അല്മായ സംഘടനകള്‍, ഭക്തസംഘടനകള്‍, സഭാസ്ഥാപനങ്ങള്‍ എന്നിവ ഉള്‍പ്പെടെ വിവിധ ക്രൈസ്തവ സമൂഹങ്ങളും രാജ്യത്തിനായുള്ള പ്രാര്‍ത്ഥനയിലും ഉപവാസത്തിലും പങ്കുചേരും. രാജ്യത്ത് സമാധാനവും ഐക്യവും കാത്തുസൂക്ഷിച്ച് ഭരണഘടന വിഭാവനം ചെയ്യുന്ന മതേതരത്വവും സമത്വവും ജനാധിപത്യവും ഈ മണ്ണില്‍ നിലനിര്‍ത്തപ്പെടണം. ഭീകരവാദത്തിനും തീവ്രവാദ അജണ്ടകള്‍ക്കുമെതിരെ സമാധാനത്തിന്റെയും പരസ്പര സ്നേഹത്തിന്റെയും സാഹോദര്യത്തിന്റെയും സന്ദേശം പങ്കുവയ്ക്കുവാനും കാത്തുസൂക്ഷിക്കുവാനും ഭാരത കത്തോലിക്കാസഭ രാജ്യത്തിനായുള്ള പ്രാര്‍ത്ഥനയ്ക്കും ഉപവാസത്തിനും ആഹ്വാനം ചെയ്തിരിക്കുന്നതെന്ന് ലെയ്റ്റി…

വീണാ വിജയൻ കേസിൽ കാരക്കോണം മെഡിക്കൽ കോളേജിന് എസ്എഫ്ഐഒ നോട്ടീസ്

തിരുവനന്തപുരം: കേരള മുഖ്യമന്ത്രി പിണറായി വിജയൻ്റെ മകൾ വീണ വിജയൻ്റെ ഐടി കമ്പനിയെക്കുറിച്ച് അന്വേഷിക്കുന്ന സീരിയസ് ഫ്രോഡ് ഇൻവെസ്റ്റിഗേഷൻ ഓഫീസ് (എസ്എഫ്ഐഒ) കാരക്കോണം സോമർവെൽ മെമ്മോറിയൽ സിഎസ്ഐ മെഡിക്കൽ കോളേജിന് എക്‌സലോജിക് സൊല്യൂഷൻസുമായുള്ള സാമ്പത്തിക ഇടപാടുകളുടെ പേരിൽ നോട്ടീസ് അയച്ചു. 2017–2018 സാമ്പത്തിക വർഷത്തിലെ രണ്ട് സ്ഥാപനങ്ങളുടെയും സാമ്പത്തിക ഇടപാടുകളെ സംബന്ധിച്ച രേഖകൾ എസ്എഫ്ഐഒയ്ക്ക് ലഭിച്ചതായി റിപ്പോർട്ടുണ്ട്. ഈ രേഖകളുമായി ബന്ധപ്പെട്ട് എസ്എഫ്ഐഒ കൂടുതൽ വിവരങ്ങൾ തേടിയിട്ടുണ്ട്. കോളേജ് അഡ്മിനിസ്ട്രേറ്ററായിരുന്ന, ഇപ്പോൾ സിഎസ്ഐ സഭയുടെ കീഴിലുള്ള മറ്റൊരു സ്ഥാപനത്തിൽ ജോലി ചെയ്യുന്ന പി തങ്കരാജിന് നോട്ടീസ് നൽകിയിട്ടുണ്ട്.. എക്‌സോളോജിക് സൊല്യൂഷൻസും മെഡിക്കൽ കോളേജും ഒപ്പിട്ട ധാരണാപത്രത്തിൻ്റെ പകർപ്പ്, വർക്ക് ഓർഡറുകൾ, ഇൻവോയ്‌സുകൾ, അനുബന്ധ രേഖകൾ എന്നിവയുടെ പകർപ്പുകൾ എസ്എഫ്ഐഒ ആവശ്യപ്പെട്ടിട്ടുണ്ട്. കൊച്ചി ആസ്ഥാനമായുള്ള കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡ് (CMRL) മുഖ്യമന്ത്രിയുടെ മകൾ വീണാ വിജയൻ്റെ…