Category: POLITICS

ന്യൂഡൽഹി: എഐസിസി അദ്ധ്യക്ഷ തെരഞ്ഞെടുപ്പിനുള്ള വിജ്ഞാപനം കോൺഗ്രസിന്റെ കേന്ദ്ര തിരഞ്ഞെടുപ്പ് അതോറിറ്റി വ്യാഴാഴ്ച പുറപ്പെടുവിക്കും. രണ്ട് പതിറ്റാണ്ടുകൾക്ക് ശേഷമാണ് പാർട്ടി അദ്ധ്യക്ഷ സ്ഥാനത്തേക്ക് മത്സരം വരുന്നത്. ശശി തരൂര്‍ സോണിയാ ഗാന്ധിയുമായും രാജസ്ഥാൻ മുഖ്യമന്ത്രി അശോക് ഗെലോട്ടുമായുള്ള കൂടിക്കാഴ്ചയ്ക്ക് ശേഷം, പാര്‍ട്ടിയുടെ കടിഞ്ഞാന്‍ രാഹുല്‍ ഗാന്ധി ഏറ്റെടുക്കാന്‍ തയ്യാറായില്ലെങ്കില്‍, മത്സര രംഗത്തിനിറങ്ങുമെന്ന സൂചന നല്‍കിയിട്ടുണ്ട്. സെപ്തംബർ 24 മുതൽ 30 വരെയാണ് തെരഞ്ഞെടുപ്പിനുള്ള നാമനിർദേശ പത്രിക സമർപ്പിക്കാനുള്ള നടപടികൾ. നാമനിർദേശ പത്രികകളുടെ സൂക്ഷ്മ പരിശോധന ഒക്‌ടോബർ ഒന്നിനും പത്രിക പിൻവലിക്കാനുള്ള അവസാന തീയതി ഒക്ടോബർ എട്ടിനുമായിരിക്കും. ഒന്നിലധികം സ്ഥാനാർത്ഥികളുണ്ടെങ്കിൽ തിരഞ്ഞെടുപ്പ് ഒക്ടോബർ 17 നും ആവശ്യമെങ്കിൽ വോട്ടെണ്ണലും ഒക്ടോബർ 19 ന് വോട്ടെണ്ണലും ഫലപ്രഖ്യാപനവും നടക്കും. മത്സരാർത്ഥികളെ സംബന്ധിച്ച് വ്യക്തതയില്ലെങ്കിലും തരൂരും ഗെഹ്‌ലോട്ടും തമ്മിലുള്ള മത്സരത്തിനാണ് സാധ്യത. പാർട്ടി അദ്ധ്യക്ഷ തെരഞ്ഞെടുപ്പിന് നാമനിർദേശ പത്രിക സമർപ്പിക്കാൻ തീരുമാനിച്ചാൽ…