Day: August 1, 2016

ഷിക്കാഗോ: 2016 ഓഗസ്റ്റ് മാസ സാഹിത്യവേദിയായ 197-മത് സാഹിത്യവേദി അഞ്ചാംതീയതി വെള്ളിയാഴ്ച വൈകുന്നേരം 6.30-നു കണ്‍ട്രി ഇന്‍ ആന്‍ഡ് സ്യൂട്ടില്‍ (2200 S. Elmhurst, MT Prospect, IL) സമ്മേളിക്കുന്നതാണ്. പ്രശസ്ത സിനിമാ നിര്‍മ്മാതാവും, സംവിധായികയും, സമൂഹ്യപ്രവര്‍ത്തകയുമായ അഡ്വ. ലിജി പുല്ലാപ്പള്ളി, ഭാരതത്തിലെ വിവിധ സംസ്ഥാനങ്ങള്‍ സന്ദര്‍ശിച്ച്, അനവധി ഗുരുക്കന്മാരുടേയും, മഹര്‍ഷിമാരുടേയും കീഴില്‍ ധ്യാനവിചിന്തനങ്ങളുടെ വിവിധ ഘട്ടങ്ങളിലൂടെ നേടിയ പരിശീലനങ്ങളുടെ പിന്‍ബലത്തില്‍ രചിച്ച “കിങ്ഡം വാര്‍’ എന്ന പുസ്തകത്തിന്റെ ആസ്വാദക ചര്‍ച്ച ഗ്രന്ഥകാരിയുടെ നേതൃത്വത്തില്‍ സാഹിത്യവേദിയില്‍ അരങ്ങേറുന്നതാണ്. 196-മത് സാഹിത്യവേദി ജോസ് ആന്റണി പുത്തന്‍വീട്ടിലിന്റെ അധ്യക്ഷതയില്‍ കൂടി “അച്ചന്‍ നടത്തിയ വഴികളിലൂടെ’ എന്ന പ്രബന്ധം രമാ രാജ അവതരിപ്പിച്ചു. ലക്ഷ്മി നായര്‍ “ഒരു വിലാപം’ എന്ന കവിത എഴുതി അവതരിപ്പിച്ചു. നോവലിസ്റ്റ് മാത്യു മറ്റത്തിലിന്റെ നിര്യാണത്തില്‍ സാഹിത്യവേദി അനുശോചനം രേഖപ്പെടുത്തി. ഷാജന്‍ ആനിത്തോട്ടത്തിന്റെ കൃതജ്ഞതയോടുകൂടി ഡോ. ചിന്നമ്മ…

മാവേലിക്കര: മാവേലിക്കരയിലെ പ്രമുഖ ഫോട്ടോഗ്രാഫറും ന്യൂസ്‌റിപ്പോര്‍ട്ടറുമായ ബാബൂസ് പനച്ചമൂട് (കെ.പിഏബ്രഹാം)ന്റെ മാതാവ് ചിന്നമ്മ(87) നിര്യാതയായി. പത്തിച്ചിറ സെന്റ് ജോണ്‍സ് ഓര്‍ത്തഡോക്‌സ് വലിയപള്ളി മുന്‍ ട്രസ്റ്റിയും സെക്രട്ടറിയുമായ പത്തിച്ചിറ നെല്ലുരകിഴക്കതില്‍ രാജുഭവനത്തില്‍ റിട്ട.ജോയിന്റ ആ.ടി.ഒ ടി.സി പാപ്പച്ചന്റെ ഭാര്യയാണ് പരേത. ഈരേഴ വടക്ക്മുറിയില്‍ മംഗലത്ത് കുടുംബാംഗമാണ്. സംസ്‌കാരം ചൊവ്വാഴ്ച രണ്ടുമണിക്ക് വീട്ടിലെ ശുശ്രൂഷകള്‍ക്ക്‌ശേഷം പത്തിച്ചിറ സെന്റ്‌ജോണ്‍സ് ഓര്‍ത്തഡോക്‌സ് വലിയപള്ളിയില്‍ മക്കള്‍:കെ.പി മാത്യൂ,കെ.പി ഏബ്രഹാം, കെ.പിവര്‍ഗീസ്, കെ.പിസഖറിയ (നാലുപേരുംകെ.എസ്.എ ഉദ്യോഗസ്ഥര്‍), കെ.പി എലിസബത്ത ്(റിട്ട ്‌ഹെഡ്മിസ്ട്രസ് മറ്റം സെന്റ്‌ജോണ്‍സ് എച്ച്.എസ്.എസ്), ബിന്ദു.പി. സൂസണ്‍ (വൈസ്പ്രിന്‍സിപ്പല്‍, എം.ജി.എംസീനിയര്‍ സെക്കണ്ടറി സ്‌കൂള്‍, കരുവാറ്റ), മരുമക്കള്‍: അച്ചാമ്മ മാത്യൂ, ഉഷവി.ജോര്‍ജ് (പ്രിന്‍സിപ്പല്‍, ഗവ.ബോയ്‌സ് എച്ച്.എസ്.എസ ്ഹരിപ്പാട്), ലിനിവര്‍ഗീസ ്(പൂത്തുര്‍), ഷീലജോണ്‍ (അധ്യാപിക, മറ്റം സെന്റ് ജോണ്‍സ് എച്ച്.എസ്.എസ്), അഡ്വ.മാത്യൂ വേളങ്ങാടന്‍ (കറ്റാനം), ജയ്‌സ്മാത്യൂ, മുഞ്ഞനാട്ട് (കരുവാറ്റ) മനേജര്‍ എസ്.ബി.ടി മാന്നാര്‍.

കാസര്‍കോട്: മലയാളികളെ ദുരൂഹസാഹചര്യത്തില്‍ കാണാതായതുമായി ബന്ധപ്പെട്ട് ബിഹാര്‍ സ്വദേശിനി യാസ്മിനെ (29) ഡല്‍ഹിയില്‍ അറസ്റ്റ് ചെയ്തു. ഇവര്‍ നാലു വയസ്സുള്ള കുഞ്ഞുമായി ഡല്‍ഹി വിമാനത്താവളത്തില്‍നിന്ന് കാബൂളിലേക്ക് പോകാനത്തെിയപ്പോഴാണ് അറസ്റ്റിലായത്. മലയാളികളുടെ കൂട്ട തിരോധാനത്തിന് പിന്നിലെ സൂത്രധാരനെന്ന് സംശയിക്കുന്ന ഉടുമ്പുന്തല സ്വദേശി അബ്ദുല്‍റാഷിദിനെ കാണാതായി എന്ന പരാതിക്കുശേഷം നിരന്തരമായി ഇദ്ദേഹത്തിന്‍െറ ഫോണില്‍ യാസ്മിന്‍ ബന്ധപ്പെട്ടതായി പൊലീസിന് വിവരം ലഭിച്ചിരുന്നു. ഇതിന്‍െറ അടിസ്ഥാനത്തിലാണ് അറസ്റ്റ്. റാഷിദിനടുത്തേക്ക് പോകാനാണ് വിമാനത്താവളത്തിലത്തെിയതെന്ന് യാസ്മിന്‍ ചോദ്യംചെയ്യലില്‍ സമ്മതിച്ചു. എന്‍ജിനീയറായ അബ്ദുല്‍റാഷിദ് വിദേശത്തെ ജോലി ഉപേക്ഷിച്ചാണ് പടന്ന പീസ് സ്കൂളില്‍ ജോലി ചെയ്തത്. ഇദ്ദേഹത്തിന് സ്ഥാപനത്തിലെ കമ്പ്യൂട്ടര്‍, പ്രിന്‍റര്‍, ഇന്‍റര്‍നെറ്റ് എന്നിവയുടെ ചുമതലയായിരുന്നു.

തിരുവനന്തപുരം: നിയമനങ്ങള്‍ സമയബന്ധിതമായി പൂര്‍ത്തിയാക്കണമെന്നാവശ്യപ്പെട്ട് ഇന്ത്യ റിസര്‍വ് ബറ്റാലിയന്‍ (ഐ.ആര്‍.ബി) റാങ്ക്പട്ടികയിലുള്ളവര്‍ ആത്മഹത്യാഭീഷണി മുഴക്കി. സെക്രട്ടേറിയറ്റിന് എതിര്‍വശത്തെ കാര്‍ഷിക ബാങ്ക് കെട്ടിടത്തിന് മുകളില്‍ കയറി ആത്മഹത്യഭീഷണി മുഴക്കിയ സംഘം രാത്രി വൈകിയും അവിടത്തെന്നെ നില്‍ക്കുകയാണ്. റാങ്ക്പട്ടിക കാലാവധി പൂര്‍ത്തിയാകാന്‍ ഒരുമാസമേയുള്ളൂ. ഈ സാഹചര്യത്തില്‍ സര്‍ക്കാറില്‍നിന്ന് രേഖാമൂലം ഉറപ്പുലഭിക്കാതെ പിന്‍വാങ്ങില്ലെന്ന നിലപാടിലാണ് ഉദ്യോഗാര്‍ഥികള്‍. ആഭ്യന്തര സെക്രട്ടറി നളിനി നെറ്റോ ഉള്‍പ്പെടെയുള്ളവര്‍ റാങ്ക് ഹോള്‍ഡേഴ്സ് പ്രതിനിധികളുമായി ചര്‍ച്ച നടത്തി. ഐ.ആര്‍.ബി റാങ്ക് പട്ടികയിലുള്ളവര്‍ ഒരാഴ്ചയായി സെക്രട്ടേറിയറ്റ് പടിക്കല്‍ സമരം നടത്തുകയായിരുന്നു. അഞ്ചുപേര്‍ സമീപത്തെ ബാങ്ക് കെട്ടിടത്തിനുമുകളിലും രണ്ടുപേര്‍ സെക്രട്ടേറിയറ്റ് വളപ്പിലെ മരത്തിലും കയറി. പൊലീസും ഫയര്‍ഫോഴ്സ് ഉദ്യോഗസ്ഥരും ചര്‍ച്ച നടത്തിയെങ്കിലും ഫലം കണ്ടില്ല. സി.പി.എം ജില്ലാ സെക്രട്ടറി ആനാവൂര്‍ നാഗപ്പന്‍ മുഖ്യമന്ത്രിയുമായി ചര്‍ച്ച നടത്താന്‍ അവസരമൊരുക്കാമെന്ന് പറഞ്ഞതോടെ രംഗം ശാന്തമായി. മരത്തിനുമുകളിലിരുന്ന ഒരാളെ ഉച്ചക്ക് ഒന്നോടെ താഴെയിറക്കി. സമരക്കാരുടെ പ്രതിനിധികള്‍…

കൊച്ചി: മാധ്യമപ്രവര്‍ത്തകരെ കായികമായി നേരിടുമെന്ന് ഭീഷണിപ്പെടുത്തി അഭിഭാഷകന്‍െറ ഫേസ്ബുക്ക് പോസ്റ്റ്. കണ്ണൂര്‍ സ്വദേശി റില്‍ജിന്‍ ജോര്‍ജ് വെളിയത്ത് എന്ന ഹൈകോടതി അഭിഭാഷകനാണ് ഫേസ്ബുക്കില്‍ പോസ്റ്റിട്ടത്. ‘ഓണമടുത്തതുകൊണ്ട് തിങ്കളാഴ്ച മുതല്‍ കോടതികളില്‍ വരുന്ന ചില പ്രത്യേകതരം ആളുകള്‍ക്ക് ബോണസ് വിതരണം ചെയ്യാന്‍ തീരുമാനിച്ചിട്ടുള്ളതാണെന്നും മുമ്പ് കിട്ടിയവര്‍ക്കും കിട്ടാത്തവര്‍ക്കുമെല്ലാം അവരവരുടെ സമയത്തിന് അനുസരിച്ച് ഒറ്റക്കോ കൂട്ടമായോ മേടിച്ചോണ്ട് പോകാവുന്നതാണെന്നു’മാണ് ഇതില്‍ പറയുന്നത്. കിട്ടിയ അടി കുറഞ്ഞുപോയെന്ന് തോന്നുന്നവരും വരാന്‍ അസൗകര്യങ്ങളുള്ളവരും അഡ്രസ് തന്നാല്‍ ബോണസ് വീട്ടില്‍ കൊണ്ടുതരുന്നതായിരിക്കുമെന്നും പോസ്റ്റിലുണ്ട്. ശനിയാഴ്ച രാത്രി ഏഴിന് പോസ്റ്റ് ചെയ്ത കുറിപ്പ് പിന്നീട് പിന്‍വലിച്ചു. നാലാം ലിംഗക്കാര്‍ക്ക് നന്നായി ചൊറിഞ്ഞുതുടങ്ങിയിട്ടുണ്ടെന്നും ഹൈകോടതിയില്‍ ഒരുത്തനെയും കാലുകുത്താന്‍ അനുവദിക്കില്ലെന്നും പിന്നിടും ഇയാള്‍ പോസ്റ്റിട്ടു. ജൂലൈ 23നും പ്രകോപനപരമായി പോസ്റ്റിട്ടിരുന്നു. മാധ്യമ വേശ്യകളുടെ ശ്രദ്ധക്കെന്ന മുഖവുരയോടെയാണ് അന്ന് എഴുതിയിരുന്നത്. ഹൈകോടതിയില്‍ കാലുകുത്തിയാല്‍ മര്‍ദിക്കുമെന്നായിരുന്നു അന്നും പോസ്റ്റിട്ടത്.