Day: February 21, 2020

തിരുവനന്തപുരം: പാമ്പുപിടുത്തത്തിനിടെ അണലിയുടെ കടിയേറ്റ് ഗുരുതരാവസ്ഥയിലായ വാവ സുരേഷ് ജീവിതത്തിലേക്ക് മടങ്ങിവരുന്നതായാണ് റിപ്പോര്‍ട്ട്. ഇതിന് മുമ്പും വാവ സുരേഷിന് പാമ്പുകടിയേറ്റിട്ടുണ്ട്. എന്നാല്‍ അതിന് ശേഷമൊന്നും അദ്ദേഹം ശാസ്ത്രീയമായ രീതിയില്‍ പാമ്പുപിടുത്തം നടത്താന്‍ തയ്യാറായിരുന്നില്ല. ഇത് വിമര്‍ശനത്തിനിടയാക്കിയിരുന്നു. ഇപ്പോള്‍ ജീവന്‍ മരണ പോരാട്ടത്തിനൊടുവില്‍ ജീവിതത്തിലേക്ക് മടക്കയാത്ര നടത്താനൊരുങ്ങുന്ന വാവ സുരേഷിനോട് തുടര്‍ന്നും മണ്ടത്തരങ്ങള്‍ കാണിക്കരുതെന്ന് ആവശ്യപ്പെടുകയാണ് തിരുവനന്തപുരം മെഡിക്കല്‍ കോളേജിലെ ഡോ. മനോജ് വെള്ളനാട്. അദ്ദേഹം സോഷ്യല്‍ മീഡിയയില്‍ പങ്കുവെച്ച കുറിപ്പ് ഇങ്ങിനെ…. വാവ സുരേഷ് പാമ്പ് പിടുത്തം നിര്‍ത്താന്‍പോകുന്നുവെന്ന് ഒരിക്കല്‍ പ്രഖ്യാപിച്ചതാണ്, കുറച്ച് മാസങ്ങള്‍ക്കു മുമ്പ്. സോഷ്യല്‍ മീഡിയ വഴി തന്റെ പാമ്പുപിടിത്ത രീതിയെ പറ്റി വിമര്‍ശനങ്ങള്‍ വന്നപ്പോള്‍ നിര്‍ത്തിയേക്കാമെന്ന് തീരുമാനിക്കുകയായിരുന്നു. പക്ഷേ, അതേ സോഷ്യല്‍ മീഡിയയിലെ ഫാന്‍സിന്റെ നിര്‍ബന്ധം കാരണം ഈ മരണക്കളി നിര്‍ത്തണ്ടാ എന്ന് ഉടനെ തന്നെ തീരുമാനിക്കുകയും ചെയ്തു. അന്നേ പലരും അഭിപ്രായപ്പെട്ടതാണ്,…