ദുബായ്: മിഡിൽ ഈസ്റ്റിലുടനീളം പെയ്ത കനത്ത മഴ നാശനഷ്ടങ്ങളുണ്ടാക്കി. പെട്ടെന്നുള്ള മഴയും വെള്ളപ്പൊക്കവും മൂലം പൊതുജന സുരക്ഷ കണക്കിലെടുത്ത് സൗദി അറേബ്യയിലെ ഔട്ട്ഡോർ ഇവന്റുകളെല്ലാം റദ്ദാക്കി. യുഎഇയിൽ, ഞായറാഴ്ച പല പ്രദേശങ്ങളിലും വ്യാപകമായ മഴ പെയ്തു. അബുദാബിയുടെ ഭൂരിഭാഗം പ്രദേശങ്ങളിലും കാലാവസ്ഥാ മുന്നറിയിപ്പ് നൽകിയിട്ടുണ്ട്. തീരത്തും ഉൾനാടുകളിലും ചില പ്രദേശങ്ങളിൽ അപകടകരമായ കാലാവസ്ഥയ്ക്ക് സാധ്യതയുള്ളതിനാൽ ജാഗ്രത പാലിക്കണമെന്ന് കാലാവസ്ഥാ നിരീക്ഷകർ ജനങ്ങളോട് അഭ്യർത്ഥിച്ചു. ഈ ആഴ്‌ച വീണ്ടും മഴ പെയ്‌തേക്കുമെന്ന് കാലാവസ്ഥാ നിരീക്ഷകർ മുന്നറിയിപ്പ് നൽകി. പുതുവർഷം ആരംഭിച്ചതിനുശേഷമുണ്ടായ ഏറ്റവും കനത്ത മഴയാണ് യുഎ‌ഇയിലേതെന്ന് അധികൃതര്‍ പറഞ്ഞു. മേഖലയുടെ മറ്റു ഭാഗങ്ങളിലും കഴിഞ്ഞ ദിവസങ്ങളിൽ കനത്ത മഴയാണ് അനുഭവപ്പെട്ടത്. സൗദി അറേബ്യയിൽ, സാമാന്യം കനത്ത മഴയെത്തുടർന്ന് വെള്ളിയാഴ്ച റിയാദിലെ പല ഔട്ട്ഡോർ പരിപാടികളും റദ്ദാക്കി. റിയാദ് സീസണിന്റെ ഭാഗമായി നടന്ന കെ-പോപ്പ് സ്‌ട്രേ കിഡ്‌സും ചുംഗ സംഗീതക്കച്ചേരിയും…
മിഡില്‍ ഈസ്റ്റിലുടനീളം കനത്ത മഴ; കൂടുതല്‍ നാശനഷ്ടങ്ങള്‍
